ကွန်ဒိုမီနီယမ်နဲ့သက်ဆိုင်တဲ့ အခကြေးငွေများ

ကွန်ဒိုမီနီယမ်ကော်ပိုရေးရှင်းတစ်ခုဟာ ကော်ပိုရေးရှင်းရဲ့ ငွေကြေးတာဝန်ခံမှုအပိုင်းတွေပြည့်မီအောင် ဆောင်ရွက်ဖို့ ငွေလိုအပ်ပါတယ်။ အာမခံပရီမီယမ်ကြေးပေးဖို့ ငွေလိုပါတယ်။ ရှည်လျားနေတဲ့ မြက်တွေဖြတ်ဖို့ ငွေလိုပါတယ်။ အများပိုင်ကွန်ဒိုအဆောက်အအုံကြီးတစ်ခုလုံး ပြန်ပြင်ဖို့ ငွေလိုပါတယ်။ ကော်ပိုရေးရှင်းအတွက် အဓိက၀င်ငွေရပေါက် လမ်းကတော့ ကွန်ဒိုအခန်းပိုင်ရှင်တွေပေးတဲ့ ငွေပဲဖြစ်ပါတယ်။ ဒီငွေကို ကွန်ဒိုမီနီယမ်အခကြေးငွေလို့လည်း ခေါ်နိုင်ပါတယ်။ ကွန်ဒိုအခကြေးငွေကို နှစ်စဉ်ပုံမှန်ကောက်ခံပါတယ်။ လစဉ်လည်းကောက်ခံပါတယ်။ ဒါပေမဲ့သီးသန့်ငွေလိုအပ်တဲ့ ကိစ္စတွေအတွက် ဘုတ်အဖွဲ့က လိုအပ်တဲ့ ကိစ္စတွေအတွက် ဘုတ်အဖွဲ့က လိုအပ်တဲ့ ငွေပမာဏကိုလည်း အရေးပေါ် ကောက်ခံတာတွေလည်း ရှိပါတယ်။ ဘုတ်အဖွဲ့ဟာ ကော်ပိုရေးရှင်းရဲ့ လိုအပ်ချက်တွေအတွက် ဘက်ဂျက်ရေးဆွဲပြီး ငွေထည့်ဝင်ခိုင်းတာမျိုးရှိပါတယ်။ ဒါ့အပြင် ပိုင်ရှင်တစ်ဦးက မိမိပိုင်ဆိုင်တဲ့ ကွန်ဒိုအကျယ်အ၀န်းအလိုက် ငွေထည့်ဝင်ရတာမျိုးလည်း ရှိပါတယ်။ ကွန်ဒိုမီနီယမ် အခကြေးငွေကို ခွဲဝေသုံးစွဲဖို့ ကော်ပိုရေးရှင်းတွေက ဖော်မြူလာကို အပြောင်းအလဲလုပ်နိုင်ပါတယ်။ ကွန်ဒိုမီနီယမ်ထည့်ဝင်ငွေကို ဘယ်ပုံဘယ်နည်းတွက်သလဲဆိုတာ ပိုင်ရှင်တွေသိအပ်တဲ့အရာဖြစ်ပါတယ်။ ကွန်ဒိုမီနီယမ်နဲ့ ပက်သက်တဲ့ ကောက်ခံငွေပမာဏဟာ အတက်အကျရှိတာကို သတိပြုရမှာ ဖြစ်ပါတယ်။ မပေးရသေးတဲ့ငွေတွေအတွက် ကွန်ဒိုမီနီယမ် ကော်ပိုရေးရှင်းက တောင်းခံကောက်ယူခွင့်ရှိပါတယ်။ ကော်ပိုရေးရှင်း အနေနဲ့ ကွန်ဒိုပိုင်ရှင်က အပေါင်ကုမ္ပဏီတစ်ခုထံပေးစရာငွေတွေ ကျန်နေသေးရင် ဒီငွေကို ကော်ပိုရေးရှင်းက တောင်းပေး ရပါတယ်။ ကော်ပိုရေးရှင်းအနေနဲ့ မပေးရသေးတဲ့ ကွန်ဒိုအခကြေးငွေကို စိုက်ထုတ်သုံးစွဲပေးထားဖို့ လစဉ်အားဖြင့် ပိုင်ရှင်တွေရဲ့ ငှားခထဲကနေ သုံးစွဲပေးရပါတယ်။ ပိုင်ရှင်ရဲ့ အိမ်ငှားခ၊ ကောက်ပိုရေးရှင်းထံကို လစဉ်ပေးရတဲ့ ငှားခငွေအား ကွန်ဒိုအခကြေးငွေအဖြစ် ပြောင်းလဲတောင်းခံလို့ရပါတယ်။ ကွန်ဒိုကော်ပိုရေးရှင်းက ပိုင်ရှင်တစ်ဦးဦးအတွက် စိုက်ထုတ်သုံးစွဲပေးထားရတဲ့ငွေပေါ် တစ်နှစ်အတိုး ၁၈ရာခိုင်နှုန်း ကောက်ခံနိုင်ပါတယ်။ ပေးစရာရှိတဲ့အတိုး၊ ပေးစရာရှိတဲ့ငွေ၊ ဥပဒေနဲ့သက်ဆိုင်တဲ့ စရိတ်တွေအတွက် ကော်ပိုရေးရှင်းက ပိုင်ရှင်ကို တရားစွဲနိုင်ပါတယ်။ နောက်ဆုံးအခန်းကိုပါ ပိုင်ဆိုင်မှု ရုတ်သိမ်းတဲ့အထိလုပ်နိုင်ပါတယ်။ SSTG