အိမ်ရာတိုက်ခန်း အငှားဈေးနှုန်းများ တက်နေသော်လည်း နိုင်ငံခြားသားအငှား ထက်ဝက်ကျော်မြင့်တက်လာ

မြန်မာနိုင်ငံရှိ အိမ်ခြံမြေအငှားဈေးနှုန်းများ မြင့်တက်နေသော်လည်း နိုင်ငံခြားသားများ၏ အိမ်ခြံမြေ ငှားရမ်းမှုမှာ မြင့်တက်နေသည်ဟု ဟောင်ကောင်အခြေစိုက် နိုင်ငံတကာအိမ်ခြံမြေအကျိုးဆောင် ကုမ္ပဏီစ၀ီးလ်စ် (Svils) မှ တာဝန်ရှိသူများက ပြောသည်။ ပြီးခဲ့သည့် ၁၂ လအတွင်း မြန်မာနိုင်ငံတွင် နိုင်ငံခြားသားများ၏ ရုံးခန်းငှားရမ်းမှုမှာ ၈၀ ရာခိုင်နှုန်း၊ (facilitated) အသင့်နေတိုက်ခန်းငှားရမ်းမှုမှာ ၅၀ ရာခိုင်နှုန်း၊ အဆင့်မီတိုက်ခန်းနေရာငှားရမ်းမှုမှာ ၁၀ ရာခိုင်နှုန်း၊ ကြယ်ငါးပွင့်အဆင့် ဟိုတယ်အခန်းခနှုန်းထားများ ၇၀ ရာခိုင်နှုန်းထိမြင့်တက်နေသည်ဟု ဒီဇင်ဘာလ ၁၆ ရက်က Park Royal ဟိုတယ်တွင် ကျင်းပသည့် ကုမ္ပဏီမိတ်ဆက်ပွဲတွင် ပြောကြားခဲ့ ခြင်းဖြစ်သည်။ ရန်ကုန်အခြေစိုက် စိုင်းခွန်နောင် အိမ်ခြံမြေအကျိုးဆောင်မှ အထွေထွေမန်နေဂျာ ဦးရန်အောင်က “သူတို့ သုံးသပ်တာဖြစ်နိုင်ပါတယ်။ ဒီနှစ်စမှ ငှားရမ်းတာနည်းခဲ့ပေမယ့် ဆီးဂိမ်းရယ်၊ အာဆီယံဥက္ကဋ္ဌ နေရာတွေကြောင့် ငှားရမ်းတာများလာပါတယ်” ဟု ပြောသည်။ ကုမ္ပဏီကြီးများမှ နိုင်ငံခြားသားပညာရှင်များအတွက် တစ်လလျှင် ဒေါ်လာတစ်သောင်းဝန်းကျင် ကွန်ဒို များ၊ အလယ်အလတ်ပိုင်းပညာရှင်များအတွက် ဒေါ်လာ ၁၅၀၀ မှ ၃၀၀၀ ကြားတိုက်ခန်းများနှင့် နိုင်ငံ တကာကျောင်းများမှ နိုင်ငံခြားသားကျောင်းဆရာအချို့အတွက် မြန်မာငွေသုံးသိန်းဝန်းကျင်တိုက်ခန်း များ ငှားလေ့ရှိသည်ဟု ၎င်းက ပြောသည်။ “အချို့ကုမ္ပဏီတွေကရန်ကုန်မှာ ရုံးခန်းခဈေးကြီးလို့ ဘန်ကောက်မှာရုံးထိုင်ပြီး ဒီမှာရုံးဝန်ထမ်းထားတာ လည်း ရှိပါတယ်” ဟု ၎င်းကပြောသည်။ စ၀ီးလ်စ် ကုမ္ပဏီ၏ မြန်မာနိုင်ငံဆိုင်ရာဈေးကွက်သုတေသနအရလည်း ရန်ကုန်သည် ဟောင်ကောင်၊ ဂျာကာတာ၊ ဘန်ကောက်၊ ဟိုချီမင်းစီးတီး၊ ဖနွမ်းပင်၊ ဟနွိုင်း စသည့် ဒေသတွင်းနိုင်ငံများရှိ မြို့ကြီးများ ထက် အိမ်ခြံမြေဈေးနှုန်း မြင့်မားလျက်ရှိသည်ဟု ဆိုသည်။ စ၀ီးလ်စ်ကုမ္ပဏီ၏ Deputy Managing Director Troy Griffiths က “မြန်မာနိုင်ငံရဲ့ အိမ်ခြံမြေဈေး ကွက်ဟာ တခြားဒေသတွင်းနိုင်ငံတွေထက် မြင့်တက်နေတယ်၊ ဒီလိုမျိုး ဈေးမြင့်နေတာဟာ အမြဲတမ်း ဖြစ်နေမှာတော့မဟုတ်ပါဘူး” ဟု ကုမ္ပဏီရုံးခွဲဖွင့်ပွဲတွင် ပြောသည်။ ရန်ကုန်မြို့တွင် လက်ရှိတည်ဆောက်နေသော စီးပွားရေးဆိုင်ရာအဆောက်အအုံများသည် ၂၀၁၅ ၀န်းကျင်တွင် ပြီးစီးမည်ဖြစ်ရာ လိုအပ်ချက်ကို အတိုင်းအတာတစ်ခုထိ ဖြည့်ဆည်းပေးနိုင်မည်ဟု ဦးရန်အောင်က ပြောသည်။ Troy Griffiths က “လိုအပ်ချက်တွေ မြင့်မားနေလို့ ဈေးတွေကမြင့်နေတာပါ၊ ဒီလိုအပ်ချက်တွေ ဖြည့် ဆည်းမှုတွေက ဆောင်ရွက်နေတဲ့ကြားကာလမှာမို့ ဒီလိုဈေးတွေ မြင့်နေတယ်၊ လိုအပ်ချက်ကိုဖြည့်ပြီး တဲ့နောက်သုံး၊ လေးနှစ်ဆိုရင်တော့ ဈေးနှုန်းတွေတည်ငြိမ်လာမှာပါ” ဟု ပြောသည်။ ရန်ကုန်မြို့ရှိ နေရာအကွက်အကွင်း ကောင်းမွန်သည့် နိုင်ငံခြားသားများအများဆုံး ရုံးခန်းဖွင့်လှစ်ရာ ကွန်ဒိုတိုက်ခန်းဈေးနှုန်းများသည် သိန်း ၂၀ မှ သိန်း ၃၀ ကြားရှိပြီး ယခင်နှစ်ထက် ဈေးနှုန်းနှစ်ဆနီးပါး ခန့်မြင့်တက်ခဲ့ကြောင်း အိမ်ခြံမြေလုပ်ငန်းများက ဆိုသည်။ Mizzima