ရန်ကုန်မြို့တော်၌ လူကူးခုံးကျော်တံတား သုံးစင်းကို လာမည့် ၂၀၁၄-၂၀၁၅ ဘဏ္ဍာရေးနှစ်တွင် ဆောက်လုပ်မည် ဖြစ်ကြောင်း ရန်ကုန်မြို့တော် စည်ပင်သာယာရေး ကော်မတီ၊ အင်ဂျင်နီယာဌာန (လမ်းနှင့်တံတား) အကြီးတန်းအရာရှိ တစ်ဦးက ပြောကြားသည်။
အဆိုပါ လူကူးခုံးကျော် တံတားများကို ကမ်းနားလမ်းနင့် ပန်းဆိုးတန်း လမ်းထောင့် ကူးတို့ဆိပ်ကမ်း အနီးတွင် FMI ကုမ္ပဏီက လည်းကောင်း၊ ကမ္ဘာအေးဘုရားလမ်း ကမ္ဘာအေးဘုရား အနီးတွင် လည်းကောင်း၊ ပြည်လမ်းနှင့် ခရေပင် လမ်းထောင့်တွင် လည်းကောင်း ရန်ကုန်မြို့တော် စည်ပင်သာယာရေး ကော်မတီက တည်ဆောက်မည် ဖြစ်ပြီး အဆိုပါ တံတားများကို မိုးလုံလေလုံ ခုံးကျော် တံတားများအဖြစ် တည်ဆောက်မည် ဖြစ်ပြီး ရိုးရိုး လှေကားအပြင် အများပြည်သူများ အလွယ်တကူ အသုံးပြုနိုင်စေရန် စက်လှေကားပါ ပူးတွဲ တပ်ဆင် တည်ဆောက်မည် ဖြစ်ကြောင်း ၎င်းက ဆက်လက် ပြောကြားသည်။
ရန်ကုန်မြို့တော်တွင် လက်ရှိ လူကူးခုံးကျော်တံတား ခုနစ်စင်းရှိကာ သံကူကွန်ကရစ် ခုံးကျော်တံတားများ ဖြစ်ကြောင်း၊ အဆိုပါ လူကူးခုံးကျော်တံတား သုံးစင်းအတွက် အသုံးပြုမည့် ခန့်မှန်း ကုန်ကျစရိတ်ကို လတ်တလောတွင် ပြောကြားနိုင်ခြင်း မရှိသေးကြောင်း အင်ဂျင်နီယာဌာန (လမ်းနှင့်တံတား) မှ တာဝန်ရှိသူ တစ်ဦးက ပြောကြားသည်။
the voice
အိမ် ခြံ မြေ ရောင်း ၀ယ် ငှားလိုရင် ဒီ page ကို Like လုပ်ထားမှ အဆင်ပြေမယ်နော်
https://www.facebook.com/phoenixestate