"ကူးစက်မြန် ဘီဒိုအိမ်ရာ (ဘီအိုတီ ကွန်ဒို) ရောဂါ"

'ဘီအိုတီ' အိမ်ရာမှာမူ ဆောက်လုပ်သူက ‘‘မပိုင်ဝက်မွေး’’ ဆိုသကဲ့သို့ မိမိလုံးဝပိုင်ဆိုင်မှုမရှိသော မြေပေါ်၌ အိမ်ရာများ ဆောက်လုပ်ခြင်းဖြစ်၏။ အချိန်တန်လျှင် အဆောက်အအုံနှင့် မြေကို မူလမြေပိုင်ရှင်အား ပြန်လည်လွှဲပြောင်းပေးအပ်ရမည်သာဖြစ်၏။
ကွန်ဒိုနှင့် ဘီဒို (ဘီအိုတီ ကွန်ဒို) အတူတူပါပဲဟုဆိုလျှင် နောင်တွင် မည်သူမျှ ကွန်ဒိုဆောက်တော့မည်မဟုတ်ဟု ထင်မြင်မိပေသည်။ ဘီဒိုနောက်ကိုသာ အပြေးအလွှား လိုက်ကြမည်ဖြစ်၏။ အဘယ်ကြောင့်ဆိုသော် ဘီဒိုက မြေတန်ဖိုးကို တစ်လုံးတည်းဝယ်ပြီး ရင်းနှီးရန်မလိုအပ်သဖြင့် မ,တည်ငွေ အရင်းအနှီးလျော့နည်း၏။ ထို့အပြင် အကျိုးတူစီမံကိန်းနှင့်မတူဘဲ ဆောက်လုပ်သမျှ မိမိတစ်ဦးတည်းသာ ရရှိရုံမျှမက B.O.Tအတွက် ပေးသွင်းရန် ငွေကြေးကိုလည်း တဖြည်းဖြည်း အရစ်ကျပေးသွင်း၍ရ၏။
------------------------------------------
ဤရောဂါ စတင်ပေါ်ပေါက်လာသည်မှာ မကြာသေး။ မြို့ပြရောဂါဆန်းတစ်ရပ်ပင် ဖြစ်၏။ မြို့ပြဟုဆိုရာတွင်လည်း ယခုလောလောဆယ် စီးပွားရေးမြို့တော် ရန်ကုန်မြို့၌ အလွန်အဖြစ်များ၏ ရက်ပိုင်းအတွင်း လူပေါင်းရာထောင်ချီ၍ ကူးစက်သောရောဂါဖြစ်၏။ ရောဂါကူးစက်သော နယ်ပယ်မှာမူ အကန့်အသတ်ရှိ၏။ အိမ်ရာဆောက်လုပ်ရေးနယ်ပယ်အတွင်း၌သာ အရှိန်အဟုန်ဖြင့် ကူးစက်ခြင်းဖြစ်၏။ ဘီဒိုဟု ခေါ်ဆိုခြင်းမှာ ဘီအိုတီ (BOT) နှင့် ကွန်ဒို (Condo) နှစ်ခုပေါင်း၍ ဘီဒို (B.Do)ဟု အတိုကောက်ခေါ်ဆိုခြင်းဖြစ်သည်။ စင်ကာပူနိုင်ငံသားများသုံးစွဲသော အင်္ဂလိပ်စာကို Singapore နှင့် English စကားလုံးနှစ်လုံးပေါင်း Singlish ဟု ခေါ်သကဲ့သို့ဖြစ်၏။
ဘီအိုတီ (B.O.T) ၏ အဓိပ္ပာယ်မှာ တည်ဆောက်၊ လည်ပတ်၊ လွှဲပြောင်း (Build, Operate & Transfer)ဟု အဓိပ္ပာယ်ရ၏။ နိုင်ငံတော်အစိုးရပိုင်မြေပေါ်တွင် ရင်းနှီးမြှုပ်နှံသူက သူ၏ငွေကြေးအရင်းအနှီးဖြင့် လုပ်ငန်းဆိုင်ရာ အဆောက်အအုံများ တည်ဆောက်ခွင့်ရှိ၏။ တည်ဆောက်ပြီးသော အဆောက်အအုံများတွင် စီးပွားရေးလုပ်ငန်းကို သတ်မှတ်သည့် နှစ်ကာလအတွင်း လည်ပတ်လုပ်ကိုင်၍ အကျိုးအမြတ်ရယူခံစားခွင့်ရှိ၏။ သတ်မှတ်သော နှစ်ကာလကုန်ဆုံးသောအခါ တည်ဆောက်လည်ပတ်နေသော အဆောက်အအုံများနှင့်တကွ မြေကိုမူလပိုင်ရှင်ဖြစ်သော နိုင်ငံတော်အစိုးရအား ပြန်လည်လွှဲပြောင်းပေးအပ်ရ၏။ အလွယ်ဆုံးဥပမာပေးရလျှင် နတ်ပြည်မှ နတ်ဘုံနတ်နန်းတွင် နတ်စည်းစိမ်ခံစားသည်နှင့်တူ၏။ အချိန်စေ့၍ နတ်သက်ကြွေလျှင် သူ့လမ်းသူကြွရုံသာရှိ၏။ နတ်ဘုံနတ်နန်းကို သည်အတိုင်းထားခဲ့ရ၏။ နတ်သမီးငါးရာမှ တစ်ပါးတောင် ခေါ်သွားခွင့်မရှိ။ မိမိဝတ်သည့် နတ်ယူနီဖောင်းကိုပါ ချွတ်ထားခဲ့ရ၏။
မြို့ပြတွင် မြေသည် နတ်ဘုံနတ်နန်းပမာဖြစ်၏။ မြေကိုရင်း၍ စီးပွားရေးအကျိုးအမြတ်ခံစားနိုင်သူသည် နတ်စည်းစိမ်ခံစားနေရသော နတ်သားနှင့်တူ၏။ အဖိုးတန်မြေကိုပိုင်လျှင် အမြင့်ဆုံးဝဿ၀တီဘုံ ရောက်သကဲ့သို့ရှိ၏။ (မြေမဲ့၊ ယာမဲ့ကျူးကျော်ဘ၀ရောက်ရလေ သူတို့မှာ ငရဲဘုံရောက်သည်နှင့်တူ၏။) ထို့ကြောင့် နိုင်ငံတော်အစိုးရပိုင် အဖိုးတန်လှသောမြေများကို ပုဂ္ဂလိကများလက်ဝယ်သို့ အပြီးအပိုင်မရောက်ရှိစေရေးအတွက် ဘီအိုတီစနစ် ပေါ်ပေါက်လာခြင်းဖြစ်၏။
သို့သော် ‘‘မြေမရှိလျှင် စီမံကိန်းမရှိ’’ ‘‘စီမံကိန်းမရှိလျှင် တိုးတက်မှုမရှိ’’ဆိုသည့်အတိုင်း မြေကို ကွက်လပ်အတိုင်းပစ်ထားလျှင်လည်း လူမှုစီးပွားရေး ဖွံ့ဖြိုးရေးလုပ်ငန်းများ လုံးဝအကောင်အထည်ပေါ်လာမည် မဟုတ်ပေ။ ဖွံ့ဖြိုးနိုင်ခြေရှိပါလျက် မဖွံ့ဖြိုးသောမြေ (Undeveloped Developable Land)ဧရိယာများ အလွန်များပြားလျှင် မြို့ပြသည် စည်ပင်ဝပြောမှု မရှိနိုင်တော့ပေ။ အထူးသဖြင့် တိုင်းရင်းသားလုပ်ငန်းရှင်များသာမက နိုင်ငံခြားရင်းနှီးမြှပ်နှံမှုများ အမြန်ဆုံးဝင်ရောက်လာစေရန်အတွက် ဘီအိုတီနည်းလမ်းကို ကျင့်သုံးကြခြင်းလည်း ဖြစ်ပေသည်။ နိုင်ငံခြားသားကို မြေပိုင်ဆိုင်မှုမပေးဘဲ နှစ်ရှည်လုပ်ငန်း လုပ်ကိုင်ခွင့်ပေးခြင်းဖြင့် သူ့ထံမှ ဒေါ်လာနှင့်နည်းပညာများကို ညှို့ယူဖမ်းစားခြင်းဟု ဆိုနိုင်၏။ သို့သော် အောက်ဈေးဖြင့် ပေးမိလျှင်မူ ကိုယ့်ဆီက ရှိစုမဲ့စုပါသွားနိုင်သည်ကိုလည်း သတိပြုရပေမည်။
ဥပမာ-ကမ္ဘာအေးဘုရားလမ်းရှိ ယခင်စက်မှု(၁)ရုံးကြီးအား ဗီယက်နမ်နှင့် B.O.T ဆောင်ရွက်ရာ၌ တစ်ဧက ဒေါ်လာနှစ်သန်းပေးသွင်းရန်ဖြစ်ကြောင်း သတင်းရရှိပါသည်။ အဆိုပါသတင်းမှန်လျှင် သတ်မှတ်နှုန်းနည်းသည်ဟု ထင်မြင်မိပါသည်။ မြန်မာငွေဖြင့် တစ်ဧကလျှင် ကျပ်သိန်းပေါင်းနှစ်သောင်းမျှသာဖြစ်ရာ တစ်စတုရန်းပေလျှင် ကျပ် ၄၅,၀၀၀ ခန့်သာရှိ၍ နည်းနေသေးသည်ဟု ဆိုလိုခြင်းဖြစ်ပေသည်။
.
ဆက်လက်၍ အမေရိကန်တို့က ကွန်ဒိုဟုခေါ်လေ့ရှိသော ကွန်ဒိုမီနီယံ (Condominium) အကြောင်းကို ဖော်ပြလိုပါသည်။ ကွန်(Con)ဆိုသည်မှာ ‘‘အတူတကွ’’ (Together)ဟု အဓိပ္ပာယ်ရပြီး ဒိုမီနီယံ (Dominium) ဟူသည်မှာ ‘‘ပိုင်ဆိုင်မှုအခွင့်အလမ်း (Right of Ownership)ဟု အဓိပ္ပာယ်ရရှိပါသည်။ ထို့ကြောင့် ကွန်ဒိုမီနီယံ (သို့မဟုတ်) ကွန်ဒိုဟုဆိုလျှင် အတူတကွနေထိုင်သူများ စုပေါင်းပိုင်ဆိုင်သော အဆောက်အအုံဟူ၍ အဓိပ္ပာယ်ရရှိပါသည်။
မြန်မာနိုင်ငံတွင် စုပေါင်းပိုင်အဆောက်အအုံဟု အကျဉ်းချုံး၍ ခေါ်ဆိုကြပါသည်။ ‘‘စုပေါင်းပိုင်’’ဟုဆိုရာ၌ အဆောက်အအုံသာမက အဆောက်အအုံဆောက်လုပ်ထားသောမြေပါ အကျုံးဝင်၏။ မြန်မာနိုင်ငံတွင် စုပေါင်းပိုင် အဆောက်အအုံဆိုင်ရာဥပဒေ (မူကြမ်း)ကို ပြည်သူ့လွှတ်တော်သို့ တင်ပြထားပြီးဖြစ်ကြောင်း သိရှိရ၏။ အဆိုပါ ဥပဒေထွက်ပေါ်လာသောအခါတွင် ကွန်ဒိုအဆောက်အအုံဟူသည်ကို ပြည်သူတို့ အပြည့်အ၀သဘောပေါက်ကြမည် ဖြစ်ပါသည်။ အဆောက်အအုံနှင့် မြေကိုပါ စုပေါင်းပိုင်ဆိုင်သကဲ့သို့ ရေ၊ မီး၊ ဆေး၊ မိလ္လာစနစ်တို့နှင့်တကွ အများနှင့်သက်ဆိုင်သော ဥယျာဉ်မြေကွက်လပ် စသည်တို့အား စုပေါင်း၍ ထိန်းသိမ်းစောင့်ရှောက်မှုကို တရားဝင်အဖွဲ့အစည်းဖွဲ့၍ တာဝန်ယူ ဆောင်ရွက်ကြရမည် ဖြစ်ပါသည်။ ပုဂ္ဂလိကပိုင်မြေတွင်လည်းကောင်း၊ အစိုးရမြေပေါ်တွင် အကောင်အထည်ဖော်သော အကျိုးတူစီမံကိန်းအရ ပုဂ္ဂလိကအပိုင်းမှ ခွဲဝေပိုင်ဆိုင်ခွင့်ရရှိသော မြေတွင်လည်းကောင်း ကွန်ဒိုမီနီယံများကို အပြိုင်အဆိုင် တည်ဆောက်လျက်ရှိကြရာ အဆိုပါဥပဒေကို အမြန်ဆုံးပြဋ္ဌာန်းပေးရန် လိုအပ်လျက်ရှိပေသည်။
.
ဆောင်းပါးအစတွင် ဖော်ပြခဲ့သော ‘ဘီိဒို’ (ဘီအိုတီ ကွန်ဒို) ဟူသည် ၂၀၁၄ ခုနှစ်မှ စတင်ပေါ်ပေါက်လာသော အဆောက်အအုံအမျိုးအစားဖြစ်၏။ အစိုးရမြေ (အရပ်ဘက်ဌာနဆိုင်ရာမြေ၊ တပ်မတော်ပိုင်မြေ)ကို ဘီအိုတီစနစ်ဖြင့် လုပ်ငန်းဆောင်ရွက်ခွင့်ရရှိ၏။ အဆိုပါလုပ်ငန်းတွင် အထပ်မြင့်အိမ်ရာများ ပါဝင်ကြောင်း တွေ့ရှိ ရ၏။ အဆိုပါအိမ်ရာများကိုလည်း ကွန်ဒိုဟုခေါ်ပြီး အိမ်ခန်းများကို ကြိုပွိုင့် (Pre-Sale)စနစ်ဖြင့် ရောင်းချကြ၏။ အဆောက်အအုံက Model ပုံစံငယ်မျှသာပြီးသေးသည်။ Pre-Sale စနစ်အရ ငွေကို သိန်းပေါင်းသောင်းချီ၍ အရောင်းအ၀ယ်ဖြစ်ကြောင်း သိရှိရ၏။ ငါးကြင်းဆီနှင့် ငါးကြင်းကြော်မည့် ‘‘ဘီဒို’’များဖြစ်၏။ မြေပိုင်ရှင်အစိုးရက အငွေ့မျှသာရှူရသေးသည်။
လုပ်ကိုင်ခွင့်ရသူများက ဗီရိုအပြည့်ငွေများ သိမ်းယူရရှိနေပြီဟု ဆိုနိုင်၏။ ဗီရိုပြည့်သော ဗီရိုစီမံကိန်းများဟုပင် ခေါ်ဆိုထိုက်လှ၏။
ယခင်က နိုင်ငံပိုင်မြို့ပြမြေယာများပေါ်တွင် ဘီအိုတီစနစ်ဖြင့် ဆောင်ရွက်ရာ၌ ဟိုတယ်လုပ်ငန်း၊ ရုံးခန်း၊ Serviced Apartment ဟူသော ဝန်ဆောင်မှုဆိုင်ရာအခန်းများနှင့် ဈေးဆိုင်များ ဆောက်လုပ်ငှားရမ်းခြင်း စသည်တို့ကိုသာ ခွင့်ပြုခဲ့၏။ အိမ်ရာများ ဆောက်လုပ်ရောင်းချခြင်းကို ခွင့်ပြုခဲ့သည့် သာဓကများမရှိခဲ့ပေ။
ယခု ဒီမိုကရေစီအစိုးရလက်ထက်မှ စတင်ပေါ်ပေါက်လာခြင်းဖြစ်ကြောင်း တွေ့ရှိရ၏။ ဈေးကွက်အတွင်း အထင်အရှားရောင်းချသည့် (Marketing)လုပ်ငန်းကို ရန်ကင်းမြို့နယ်ရှိ တပ်မတော်ပိုင် CMA ရုံး မြေ ၈ ဒသမ ၃ ဧကခန့်ကို စင်ကာပူကုမ္ပဏီအား ဘီအိုတီခွင့်ပြုခဲ့သည့် Golden City အိမ်ရာစီမံကိန်းမှ စတင်ခဲ့ကြောင်း တွေ့ရှိရ၏။
အမှန်အားဖြင့် ကွန်ဒိုနှင့် အထက်ပါဘီအိုတီအိမ်ရာတို့မှာ လုံးဝခြားနား၏။
ကွန်ဒိုတွင် ဝယ်ယူသူသည် အိမ်သာမက မြေကိုပါ စုပေါင်းပိုင်ဆိုင်ခွင့်ရှိ၏။ သားစဉ်မြေးဆက် အမွေဆက်ခံခွင့်ရရှိမည်ဖြစ်၏။ အဘယ်ကြောင့်ဆိုသော် ဆောက်လုပ်သည့်မြေမှာ ဂရန်မြေ (သို့မဟုတ်) ဘိုးဘွားပိုင်မြေဖြစ်ပြီး ဆောက်လုပ်သူမှ ဝယ်ယူထားခြင်း (သို့မဟုတ်) အကျိုးတူဆောင်ရွက်မှုအရ ခွဲဝေပိုင်ဆိုင်ခွင့်ရှိထားသော မြေအမျိုးအစားဖြစ်ခြင်းကြောင့်ဖြစ်၏။
'ဘီအိုတီ' အိမ်ရာမှာမူ ဆောက်လုပ်သူက ‘‘မပိုင်ဝက်မွေး’’ ဆိုသကဲ့သို့ မိမိလုံးဝပိုင်ဆိုင်မှုမရှိသော မြေပေါ်၌ အိမ်ရာများ ဆောက်လုပ်ခြင်းဖြစ်၏။ အချိန်တန်လျှင် အဆောက်အအုံနှင့် မြေကို မူလမြေပိုင်ရှင်အား ပြန်လည်လွှဲပြောင်းပေးအပ်ရမည်သာဖြစ်၏။
ထို့ကြောင့် အိမ်ခန်းဝယ်ယူသူများသည် အိမ်ခန်းကို နှစ်အကန့်အသတ်နှင့်သာ ပိုင်ဆိုင်ခွင့်ရ၏။ နှစ်စေ့၍ မူလမြေပိုင်ရှင်က ခွင့်မပြုလျှင် နေထိုင်ခွင့်လည်းမရှိတော့ပေ။ ‘‘ကျားသနားမှ နွားချမ်းသာ’’ရမည့် ဘဝဖြစ်၏။ မူလပိုင်ရှင်က သူ့လက်ထက်တွင် အိမ်ကိုဖျက်၍ ပုံစံသစ်ဆောက်လျှင်လည်း ဖယ်ရှားပေးရမည်သာဖြစ်၏။ ဝယ်ယူနေထိုင်သူ၌ ကွန်ဒိုမီနီယံကဲ့သို့ သားစဉ်မြေးဆက်စုပေါင်းပိုင်မှု အခွင့်အရေးလုံးဝမရှိပေ။ ဤခြားနားချက်ကို ပြည်သူတို့အား အတိအလင်းအသိပေးထားရန် လိုအပ်သည်ဟု ယူဆ၏။ ကွန်ဒိုယောင်ယောင် အထင်အမြင်မှားစေရန် ဘီအိုတီကွန်ဒို (သို့မဟုတ်) ဘီဒိုဟုရောယောင်၍ပြောလျှင် လှည့်ဖြားရာ ရောက်ရှိနိုင်ပေသည်။
အမှန်အားဖြင့် ဘီအိုတီစနစ်ဖြင့် အိမ်ရာဆောက်လုပ်ခွင့်ပေး သင့်၊ မသင့်ကိစ္စကို အလေးအနက်စဉ်းစားသင့်၏။ ထိုကဲ့သို့ စဉ်းစားပြီးနောက်မှ ခွင့်ပြုမည်ဟုဆိုလျှင်လည်း မြေပိုင်ဆိုင်မှုအခွင့်အရေး (Land Tenure right) မည်သို့ရှိမည်ကို မူတစ်ရပ်သတ်မှတ်ပြီး ဝယ်ယူမည့် ပြည်သူတို့အား အတိအလင်းအသိပေးသင့်၏။ ဘီအိုတီကာလ နှစ်(၆၀)၊ နှစ်(၇၀)ပြည့်လျှင် ဦးပေါ်ဦး၏ ဆင်ဖြူတော်လျှောက်ထုံးလို နောက်အနှစ်(၄၀)ကြာလျှင် ဘုရင်လည်း မရှိ၊ ဆင်လည်းမရှိ၊ ငါလည်းမရှိ၊ ထို့ကြောင့် ဆင်ကမဖြူဘဲ မည်းသွားလျှင်လည်း ဘာမျှကိစ္စမရှိဟု သဘောထားရန် မသင့်လျော်ပေ။ မရွှေ့ပြောင်းနိုင်သော ပစ္စည်းဖြစ်သည့် အိမ်ရာဟူသည် သားစဉ်မြေးဆက်နေရေးပြဿနာကို စိတ်ချလက်ချဖြည့်ဆည်းပေးနိုင်မှ ရတက်အေးရမည်၊ အိမ်ရာပီသမည်ဖြစ်ပေသည်။
•
•ကွန်ဒိုနှင့် ဘီဒို (ဘီအိုတီ ကွန်ဒို) အတူတူပါပဲဟုဆိုလျှင် နောင်တွင် မည်သူမျှ ကွန်ဒိုဆောက်တော့မည်မဟုတ်ဟု ထင်မြင်မိပေသည်။ ဘီဒိုနောက်ကိုသာ အပြေးအလွှား လိုက်ကြမည်ဖြစ်၏။ အဘယ်ကြောင့်ဆိုသော် ဘီဒိုက မြေတန်ဖိုးကို တစ်လုံးတည်းဝယ်ပြီး ရင်းနှီးရန်မလိုအပ်သဖြင့် မ,တည်ငွေ အရင်းအနှီးလျော့နည်း၏။ ထို့အပြင် အကျိုးတူစီမံကိန်းနှင့်မတူဘဲ ဆောက်လုပ်သမျှ မိမိတစ်ဦးတည်းသာ ရရှိရုံမျှမက B.O.Tအတွက် ပေးသွင်းရန် ငွေကြေးကိုလည်း တဖြည်းဖြည်း အရစ်ကျပေးသွင်း၍ရ၏။ ကွန်ဒိုတစ်လုံးနှင့် ဘီဒိုတစ်လုံးသည် အရွယ်တူ၊ နေရာတူဖြစ်သော်လည်း အရင်းအနှီးတွင် ကွန်ဒိုက ငါးဆမှဆယ်ဆအထိ ပိုနိုင်၏။ ထို့ကြောင့် ရောင်းဈေးကို ဘီဒိုက ကွန်ဒိုထက်လျှော့ပြီး ရောင်းနိုင်ကြောင်း တွေ့ရရှိရ၏။
•
အထူးသဖြင့် ‘ဘီဒို’များတွင် နိုင်ငံခြားသားရင်းနှီးမြှုပ်နှံမှု အများပြားပါဝင်နေသဖြင့် ကိုယ်တိုင်မြေ၀ယ်၍ အိမ်မပိုင်နိုင်ကြသော်လည်း အိမ်ခန်းဆောက်လုပ်ရောင်းချ ခွင့်ရယူပြီး ငွေလုံးငွေရင်း အမြောက်အမြားကို နိုင်ငံခြားသို့ အချိန်တိုကာလအတွင်း လွှဲပြောင်းသယ်ယူနိုင်ခြေရှိကြောင်း တွေ့ရှိရ၏။
၂၀၁၄ ခုနှစ်မှစ၍ ဘီဒိုများ တာထွက်ကောင်းပြီး ကွန်ဒိုများ တဖြည်းဖြည်း ဆုတ်ယုတ်ကျဆင်းလာနိုင်ခြေရှိ၏။ ထိုအခါမှ ကွန်ဒိုမီနီယံဥပဒေကြီးပြဋ္ဌာန်းလျှင် ဖုန်တက်သွားမည့် အလားအလာလည်း တွေ့ရ၏။
မည်သို့ဆိုစေ အရေးကြီးဆုံးအချက်မှာ "ဘီအိုတီစနစ်ဖြင့် ဆောက်လုပ်သော အိမ်ရာများတွင် ၀ယ်ယူနေထိုင်ကြကုန်သော ပြည်သူတို့သည် မြေကိုပိုင်ဆိုင်ခွင့် ရှိပါသလော၊ တစ်နည်းအားဖြင့် အချိန်စေ့လျှင် မြေအမည်ပေါက်ပိုင်ဆိုင်သူအား ပြန်လည်လွှဲပြောင်းပေးရသည့် မြေပေါ်တွင် ဆောက်လုပ်မည့် အိမ်ရာနှင့် ဂရန်(သို့မဟုတ်) ဘိုးဘွားပိုင်မြေများပေါ်တွင် ဆောက်လုပ်သည့်အိမ်ရာတို့သည် မြေပိုင်ဆိုင်မှုအခွင့်အရေး မည်သို့ကွာခြားပါသနည်း။" ... ဤအချက်များကို ပြည်သူ့လွှတ်တော်သို့ တင်သွင်းထားသော စုပေါင်းအဆောက်အအုံဥပဒေ(မူကြမ်း) အတည်ပြုပြဋ္ဌာန်းရေးကိစ္စနှင့် တစ်ပါးတည်းတာဝန်ရှိသူများက စဉ်းစားသင့်သည်ဟု ယူဆပါသည်။ သို့မှသာ ဘီဒိုနှင့်ကွန်ဒိုကို စည်းခြားပြီးဖြစ်မည်ဟု ယုံကြည်ပါသည်။ လောလောဆယ်တွင် ရန်ကုန်မြို့တော်ကြီး၌ ဘီဒိုရောဂါကူးစက်မှုမှာ အလွန်မြန်ဆန်လျက်ရှိကြောင်း တွေ့ရှိရ၏။
.
------------------------------------------
"ကူးစက်မြန် ဘီဒိုအိမ်ရာ (ဘီအိုတီ ကွန်ဒို) ရောဂါ"

မြင့်မိုရ်ဆွေ
7Day News Journal
မတ်လ ၁၉ ရက်၊ ၂၀၁၄ ခုနှစ်
အတွဲ (၁၃)၊ အမှတ်(၃)

အိမ် ခြံ မြေ ရောင်း ၀ယ် ငှားလိုရင် ဒီ page ကို Like လုပ်ထားမှ အဆင်ပြေမယ်နော်
https://www.facebook.com/phoenixestate