"မြေပိုင်ရှင်က ချေးငွေနှင့် အတိုးများပေးရန် ပျက်ကွက်ပါက တိုက်ခန်းများကို ဘဏ်က သိမ်းမည်"
လို့ ရေးထားတဲ့သတိပေးချက်ကို တိုက်ခန်းမှာ ဘဏ်တာဝန်ရှိသူတွေ လာကပ်မှပဲ သူနေထိုင်ရာ
တိုက်ခန်းမှာ ပြဿနာရှိနေတာကို ဒေါ်မင်းမင်းစိုး သိလိုက်ရပါတယ်။ လက်ရှိ သူဝယ်ယူနေထိုင်နေ
တဲ့ ပုစွန်တောင်မြို့နယ်ကတိုက်ခန်းရဲ့ မြေပိုင်ရှင်ဟာ အခန်း ၁၆ ခန်းပါ ရှစ်ထပ်တိုက်အဆောက်
အအုံတစ်ခုကို သူ့ငွေတွေနဲ့ ဆောက်လုပ်ခဲ့ပြီး စီဘီဘဏ်မှာ အပေါင်ခံငွေချေးထားတဲ့ တိုက်ခန်း
ငါးခန်းအပါအ၀င် တိုက်ခန်းအများစုကို ရောင်းချထားပါတယ်။
"ကျွန်မတို့ ဒီအမျိုးသမီးကို သိတာကြာပါပြီ။ တစ်ရပ်ကွက်တည်းနေတာလည်း နှစ် အတော်ကြာပြီ။
သူ့အကြွေးကိစ္စကိုရှင်းပေး မယ်ဆိုတဲ့ သူ့ရဲ့သဘောတူညီချက်ရဖို့ ကျွန်မ တို့ ကြိုးစားခဲ့ကြပါသေး
တယ်။ သူ့မှာ အကြွေးဆပ်စရာ ပိုက်ဆံမရှိတဲ့အတွက် သူ မတတ်နိုင်ဘူးလို့ ပြောပါတယ်" လို့
ရပ်ကွက်ထဲမှာ ကုန်စုံဆိုင်ဖွင့်ထားတဲ့ ဒေါ်မင်းမင်းစိုးကပြောပါတယ်။ အပေါင်ခံထားတဲ့ တိုက်ခန်း
ငါးခန်းကို ၀ယ်ယူခဲ့တဲ့သူတွေဟာ မြေရှင်ကိုတရားစွဲရုံ ကလွဲပြီး တခြားရွေးစရာနည်းလမ်းမရှိတော့
တဲ့အတွက် တရားစွဲမယ်လို့ မြေရှင် အမျိုးသမီး ကိုခြိမ်းခြောက်လိုက်တဲ့အခါ ချေးငွေမဆပ်နိုင်တဲ့
အတွက် ထောင်အကျခံလိုက်ပေမယ့် လည်း အိမ်ခန်းတွေကို ဘဏ်ကသိမ်းမှာ ဖြစ်တဲ့အတွက်
အခန်းရှင်တွေဟာ တရားရုံး စရိတ်လည်းကုန်မယ့်အပြင် အိမ်ခန်းလည်း ဆုံးရှုံးရဦးမယ်လို့ သူ့ကို
တရားစွဲလို့ ဒီပြဿနာ ကိုမဖြေရှင်းနိုင်ဘူးဆိုတာကို သူကပြောပြ ပါတယ်။
"သူ့မှာ ကြွေးဆပ်စရာဘာမှမရှိတဲ့အတွက် ထောင်အကျခံနိုင်တယ်လို့ သူကပြောတယ်။ ဒါမှ
မဟုတ်ရင် သူ့အသားကိုသာလှီးသွားပါတော့လို့ ကျွန်မတို့ကို ပြောသွားပါတယ်။ ကျွန်မတို့
ဘာတတ်နိုင်မလဲ။ သူ့မှာပိုက်ဆံမှ မရှိတာ။ သူ့ဆီက ငွေလုံးဝမရနိုင်တာကို ကျွန်မတို့သိလာ
ခဲ့ပါတယ်"လို့ ဒေါ်မင်းမင်းစိုး က ပြောပါတယ်။
"နောက်ဆုံးတော့ သူပေးရမယ့်အကြွေးတွေနဲ့ အတိုးတွေကို ကျွန်မတို့စုပြီးဆပ်ပေးဖို့ ဆုံးဖြတ်လိုက်
ရပါတယ်။ ကျွန်မတို့မှာ တခြားရွေးစရာနည်းလမ်းလည်း မရှိတော့ ဘူး။ အဲဒီလိုမှမလုပ်ရင်လည်း
ကျွန်မတို့ အခန်းတွေကို ဘဏ်ကသိမ်းသွားမှာ"လို့ သူက ပြောပါတယ်။ ဒေါ်မင်းမင်းစိုးတို့လို တိုက်
ခန်းရှင်တွေကြုံရတဲ့အဖြစ်အပျက်မျိုးနဲ့ ပိုင်ဆိုင်မှုအငြင်းပွားမှုတွေဟာ မြန်မာနိုင်ငံမှာ စိတ်ပျက်စရာ
ကောင်းလောက်အောင် မကြာခဏဖြစ်ပျက် နေပါတယ်။
ဒီလိုဖြစ်ရတဲ့အကြောင်းရင်းကတော့ မြေရာ၊ တိုက်ခန်းနဲ့ အိမ်စတာတွေနဲ့သက်ဆိုင်ပြီး မရွှေ့ပြောင်းနိုင်တဲ့ပစ္စည်းတွေနဲ့ပတ်သက်တဲ့ မြန်မာနိုင်ငံရဲ့ရှုပ်ထွေးပြီး ခေတ်နဲ့ မလျော်ညီတဲ့စည်း
မျဉ်းတွေကြောင့် ပါ။ ပိုင်ဆိုင်မှုမှတ်တမ်းကို မပြည့်မစုံ၊ မမှန်မကန်ဖြည့်စွက်ပြီး အခွန်ရှောင်တိမ်းဖို့
ကြိုးပမ်းတာတွေကလည်း ဒီအခြေအနေကို ပိုမိုဆိုးဝါးသွားစေပါတယ်။ ဥပဒေကြောင်း အရ
တရားရုံးမှာဖြေရှင်းနေတဲ့ တရားမမှုတွေ မှာ အိမ်ခြံမြေပိုင်ဆိုင်မှုနဲ့ပတ်သက်တဲ့ အငြင်းပွားမှုဟာ
အများဆုံးဆိုတာကို ဒေါ်မင်းမင်းစိုး ကြုံတွေ့ရတဲ့ဖြစ်ရပ်က ဖော်ပြနေပါတယ်။ မြေ ဒါမှမဟုတ်
အိမ်ခန်းတစ်ခုခုကိုဝယ်မယ့်သူဟာ နိုင်ငံပိုင်သတင်းစာမှာ ကန့်ကွက် နိုင်ကြောင်း ကြော်ငြာ
ထည့်ပြီး ပိုင်ရှင်ဖြစ် ကြောင်း အခိုင်အမာပြောဆိုလာသူကို အိမ်ခြံမြေတစ်ခုခုကိုမ၀ယ်ခင်
အချိန်အတိုင်းအတာတစ်ခုပေးပြီး စောင့်ဆိုင်းရပါတယ်။ ဒါပေမဲ့ ပထမဦးဆုံးအကြိမ်အပြောင်း
အလဲ တွေ စတင်နေပါပြီ။
ကွန်ဒိုတိုက်ခန်းဆိုင်ရာဥပဒေမူကြမ်းကို ၂၀၁၂ ခုနှစ်၊ နိုဝင်ဘာလမှာ ပြည်ထောင်စုလွှတ်တော်ကို တင်သွင်းခဲ့ပြီး
နောက်တစ်နှစ်အကြာမှာ နိုင်ငံပိုင်သတင်းစာတွေမှာ ထည့်သွင်းဖော်ပြခဲ့ပါတယ်။
ဒါပေမဲ့ ဒီဥပဒေဟာ ကွန်ဒိုဥပဒေဆိုတာ ထက် ကွန်ဒိုအဖြစ်အသိအမှတ်ပြုခံထားရတဲ့ အဆောက်
အအုံတွေက တိုက်ခန်းပိုင်ရှင်တွေ အတွက် တိုက်ခန်းအလွှာပိုင်ဆိုင်ခွင့်ပေး တာမျိုး ဖြစ်လာလိမ့်
မယ်လို့ ဆောက်လုပ်ရေး လုပ်ငန်းလောကအတွင်းက သူတွေက ပြောပါ တယ်။
ဒါပေမဲ့ မရှင်းလင်းသေးတဲ့အချက် ကတော့ ဒီဥပဒေဟာ သာမန်တိုက်ခန်းပိုင်ရှင် တွေ ဒါမှမဟုတ်
အဆင့်မြင့်အိမ်ရာ
ဆောက် လုပ်ရေးကုမ္ပဏီတွေနဲ့ ၀ယ်လက်တွေမှာ ဘယ်သူ့အတွက် အကျိုးကျေးဇူးအများဆုံး
ရှိမလဲဆိုတာပါ။ ဥပဒေရဲ့လက်ရှိမူကြမ်းအရ မြေအမျိုး အစားအသစ်ကိုသတ်မှတ်ပေးပြီး ပိုင်ဆိုင်မှု
ကို ခိုင်မာစေမှာ ဖြစ်ပါတယ်။ မြေနေရာတစ်ခု ပေါ်မှာ အဆောက်အအုံတစ်ခုကို ဆောက်လုပ်ပြီးစီး
ပါက တိုက်ခန်းပိုင်ရှင်တွေပါပူးတွဲ ပိုင်ဆိုင်တဲ့အဖွဲ့တစ်ဖွဲ့ဆီကို ဒီအဆောက် အအုံကို လွှဲပြောင်း
ပေးမှာပါ။
ဥပမာ - တကယ် လို့ ဒီအဆောက်အအုံမှာ အခန်း ၁၀၀ ရှိရင် အခန်းပိုင်ရှင်တစ်ဦးစီဟာ ဒီမြေပေါ်
မှာ တစ်ရာခိုင်နှုန်းစီပိုင်ဆိုင်ခွင့်ရှိမှာပါ။ ဒီပိုင်ဆိုင် မှုကို တိုက်ခန်းပိုင်ရှင်တွေဟာ အဆောက် အအုံ
ကို ဖြိုချတာနဲ့ အသစ်ပြန်ဆောက် ဖြစ်တဲ့အခါမှာလည်း အမြဲတမ်းပိုင်ဆိုင်ခွင့် ရှိနေမှာပါ။
"တိုက်ခန်းအလွှာလိုက် ပိုင်ဆိုင်မှုရှိတဲ့ အတွက် ဒီပိုင်ဆိုင်ခွင့်ကို လွှဲပြောင်းပေးထား တာပါ။ ဒီမြေ
ပေါ်မှာ ပိုင်ဆိုင်မှုတစ်စိတ် တစ်ပိုင်းပါတဲ့အတွက် ဒီနေရာနဲ့တိုက်ခန်း ပိုင်ရှင်ရဲ့ ဆက်စပ်မှုကို ပိုပြီး
ခိုင်မာစေပါ တယ်"လို့ အိမ်ခြံမြေ အကြံပေးကုမဏီ Colliers International ရဲ့ မြန်မာနိုင်ငံဆိုင်ရာ
ရုံးခွဲက အုပ်ချုပ်မှု ဒါရိုက်တာ တိုနီပီကွန်က ပြောပါတယ်။
"ကွန်ဒိုဆိုတာ ဘယ်လိုဟာမျိုးလဲဆိုပြီး သတ်သတ်မှတ်မှတ်ဆုံးဖြတ်ဖို့ မြေအတွက် အနည်းဆုံး
ပိုင်ဆိုင်မှုစံကိုတော့ ကွန်ဒိုဥပဒေမှာ ရှင်းရှင်းလင်းလင်းသတ်မှတ်ပေးထားသင့်ပါတယ်"လို့ မြို့ရွာနှင့်
အိုးအိမ်ဖွံ့ဖြိုး ရေးဦးစီးဌာန အောက်မှာရှိတဲ့ အိမ်ရာဌာန လက်ထောက်ညွှန်ကြားရေးမှူး
ဒေါ်မိုးသီတာ က ပြောပါတယ်။
အပြောင်းအလဲတွေထဲက တစ်ခုကတော့ ကွန်ဒိုတစ်ခုမှာရှိရမယ့် အကျယ်အ၀န်းကို သတ်မှတ်ပေး
ထားတာပါ။ ဘယ်အဆောက် အအုံက ဘယ်လိုအရည်အသွေးရှိရမယ်ဆိုတာကို သတ်မှတ်ဖို့
အစိုးရမှာလိုအပ်သလို သတ်မှတ်နိုင်တဲ့ အာဏာရှိထားတဲ့အတွက် ဥပဒေမူကြမ်းမှာ ကွန်ဒိုတွေ
ကို အနည်းဆုံး အကျယ်တစ်ဧကရှိတဲ့မြေပေါ်မှာ ဆောက်လုပ်ရမယ်လို့ သတ်မှတ်ထားပါ တယ်။
ဒါကြောင့် ဒေါ်မင်းမင်းစိုးတို့လက်ရှိ နေထိုင်တဲ့ ဓာတ်လှေကားမပါတဲ့အထပ်မြင့် အဆောက်အအုံ
တွေအသာထား လက်ရှိ ကွန်ဒိုအများစုတွေဟာ ကွန်ဒိုစာရင်းမှာ မပါတော့ပါဘူး။ ကွန်ဒိုတိုက်ခန်း
ဆိုတာ အထပ်ပေါင်း များစွာ ပါဝင်ဖို့ ကျယ်ပြန့်ရမယ်ဆိုတဲ့ ပြဋ္ဌာန်း ချက်ကို ကန့်ကွက်တဲ့သူတွေ
ထဲက တစ်ဦး ကတော့ First Myanmar Investment, Serge Pun & Associates နဲ့ သာ
Yoma Strategic Holdings ဥက္ကဋ္ဌ Mr.Serge Pun ဖြစ်ပါတယ်။
ကွန်ဒိုဥပဒေကို အလွှာလိုက်ပိုင်ဆိုင်ခွင့် ပေးတဲ့ အက်ဥပဒေလို့ ခေါ်ဆိုသင့်ကြောင်းနဲ့ ဒီဥပဒေရဲ့
ရည်ရွယ်ချက်မှာ "အလွှာလိုက်ပိုင်ဆိုင်မှုအတွက် သတ်မှတ်ချက်တွေကိုမဖော်ပြဘဲ နိုင်ငံခြားသား
ပိုင်ဆိုင်နိုင်တဲ့ ရာခိုင်နှုန်းကိုသာ အလေးပေးဖော်ပြထားတယ်လို့ သူက မြန်မာတိုင်း(မ်)ကို ပြော
ပါတယ်။
မစ္စတာပီကွန်က ကွန်ဒိုဥပဒေမှာ အဓိက ပြဿနာကြီးများရှိပြီး အထူးသဖြင့် တစ်ဧက သတ်မှတ်
ချက်နဲ့ ဒီမြေတစ်ဧကကို ဘယ်လို အသုံးချရမလဲဆိုတာကို ရှင်းရှင်းလင်း ဖော်ပြမထားဘူးလို့
ပြောပြီး ပြည့်စုံမှုမရှိတဲ့ မြေပိုင်ဆိုင်မှုနဲ့ပတ်သက်ပြီး ဥပဒေပြဋ္ဌာန်း ချက်တွေကို လိုက်နာဖို့လည်း
တိုက်တွန်း ထားပါတယ်။ ဒီဥပဒေရဲ့ လက်ရှိပုံစံအရလည်း ဈေးကွက်ရဲ့ ကဏ္ဍတချို့မှာ အရေးပါ
တဲ့အကျိုးသက်ရောက်မှုတွေ ရှိလာမှာဖြစ်ပြီး မြေကိုလည်း ပိုမိုအကျိုးရှိစွာအသုံးချနိုင်စေမှာပါ။
ဥပဒေအကြံပေးကုမ္ပဏီ မှ စီးပွားဖက်တစ်ဦးဖြစ်သူ အက်ဒ်ဝင်ဗင်ဒါ ဘရူဂန်ကလည်း
ဒီဥပဒေဟာ ငွေကြေးအကျပ် အတည်းစိုက်နေတဲ့ ပြည်တွင်းဆောက်လုပ်ရေး လုပ်ငန်းရှင်တွေ
အတွက် 'ဘုရားပေးတဲ့ နတ်သုဓာ' ပဲလို့ ညွှန်းထားပါတယ်။
"ဒီဥပဒေက ရင်းနှီးမြှုပ်နှံမှုကိုဦးစားပေး ထားပါတယ်။ ဒါက အမြော်အမြင်ရှိတဲ့ ဥပဒေတစ်ခုပါ။ နိုင်ငံ
တကာ ရင်းနှီးမြှုပ်နှံမှု တွေကနေ ငွေတွေအများကြီးဝင်လာတော့ မယ့်အခြေအနေမှာရှိနေတာကို
မမေ့ပါနဲ့။ နှစ်ပေါင်းများစွာအတွင်း ပထမအကြိမ်အဖြစ် နိုင်ငံတကာကဘဏ်တွေဟာ မြန်မာ နိုင်ငံ
က စီမံကိန်းတွေအတွက် ငွေထုတ်ချေး ပေးဖို့ ကြည့်ရှုနေကြပါတယ်"လို့ အက်ဒ်ဝင် ဗင်ဒါဘရူဂန်
ကပြောပါတယ်။ "မြေယာပိုင်ဆိုင်မှု အပြောင်းအလဲက တော့ အချိန်ပေးပြီး ဖြည်းဖြည်းချင်းပြုပြင်
ရမယ့် ကိစ္စမျိုးပါ။ ဘာဖြစ်လို့လဲဆိုတော့ တိုက်ခန်းတွေမှာပဲ မဟုတ်လို့ပါ။ နယ်တွေ က မြေတွေ
ရော၊ မြို့ပေါ်က မြေတွေနဲ့ အိမ်တွေ လည်း ပါတာကြောင့်ပါ။ အနည်းဆုံးတော့ ကွန်ဒိုဥပဒေကြောင့်
တိုက်ခန်းအလွှာအတွက် ပိုင်ဆိုင်ခွင့်တော့ ရှိလာပါလိမ့်မယ်"လို့ သူကပြောပါတယ်။
ကွန်ဒိုဥပဒေနဲ့ပတ်သက်ပြီး အများပြည်သူရဲ့အမြင်ကို မေးမြန်းကြည့်တဲ့အခါမှာတော့ သိပ်မသိကြ
တာကို တွေ့ရပါတယ်။ ဒေါ်မင်းမင်းစိုးက ကွန်ဒိုဥပဒေပါ အကြောင်း အရာတွေကို မသိသလို
လွှတ်တော်ကိုတင်သွင်းထားတာကိုလည်း မသိဘူးလို့ပြောပါ တယ်။
"ကွန်ဒိုဥပဒေကဘာလဲဆိုတာ ကျွန်မ မသိဘူးရှင့်။ အလိမ်ခံရတာ ဘယ်လောက်ဆိုးလဲဆိုတာကို
ပဲ သိတယ်။ ကျွန်မ နောက်ထပ်အလိမ်မခံချင်တော့ဘူး။ တခြားသူတွေကိုလည်း အဲဒီလိုအဖြစ်မခံ
စေချင်ဘူး" လို့ သူက ပြောပါတယ်။
"အိမ်တစ်လုံးဝယ်ဖို့၊ဒါမှမဟုတ် တိုက်ခန်း တစ်ခန်းဝယ်ဖို့ဆိုတာ မြန်မာနိုင်ငံက လူတွေအတွက်
ကတော့ မလွယ်လှပါဘူး။ ပိုင်ဆိုင်မှု အတွက် ပိုခိုင်မာတဲ့ ဥပဒေတွေ ရှိဖို့ လိုပါတယ်" လို့လည်း
သူကပြောပါတယ်။ အခုအချိန်မှာ အိမ်ခြံမြေတစ်ခုခုဝယ်မယ် ဆိုရင် သတိရှိဖို့လိုတယ်လို့လည်း
သူက သတိပေးပါတယ်။
"တခြားသူတွေကို အလွယ်တကူမယုံ ကြည်ပါနဲ့။ တစ်ခုခုကိုမ၀ယ်ခင်မှာ ပိုင်ဆိုင်မှု စာရွက်စာတမ်း
တွေကို နှစ်ခါသုံးခါလောက်စစ်ဆေးတာပဲ ကျွန်မတို့ လုပ်နိုင်ပါတယ်" လို့ သူကပြောပါတယ်။
သောမတ်စ်ကင်းန်
သီရိမင်းထွန်း ဘာသာပြန်သည်။
အိမ် ခြံ မြေ ရောင်း ၀ယ် ငှားလိုရင် ( Phoenix အကျိုးဆောင် ) page ကို Like လုပ်ထားမှ အဆင်ပြေမယ်နော်
https://www.facebook.com/phoenixestate