ရန်ကုန်မြို့တော် စည်ပင်သာယာရေးကော်မတီက ရန်ကုန်မြို့တွင်း စည်းကမ်းမဲ့စွာ ဆောက်လုပ်
လျက်ရှိသည့် ကန်ထရိုက်အဆောက်အအုံဆောက်လုပ်သူများ ပိုမိုလျော့ပါးစေရန်အတွက် လိုင်စင်
မဲ့ကန်ထရိုက်ဆောက်သူများကိုအရေးယူနိုင်ရန် အဆိုပါမြို့နယ်များတွင်နေထိုင်ကြသည့် အိမ်ပိုင်
ရှင်၊ မြေပိုင်ရှင်များကို အမှုဖော်ထုတ်မှုတွင် ပူးပေါင်းပါဝင်စေလိုကြောင်း ရန်ကုန်မြို့တော် စည်ပင်
သာယာရေး ကော်မတီ၏ အင်ဂျင်နီယာဌာန (အဆောက် အအုံ) ဌာနမှူး ဦးသန်းဌေးက ဇူလိုင် ၇
ရက်နေ့ တွင်ပြုလုပ်သော သတင်းစာရှင်းလင်းပွဲတွင် ပြောသည်။
"အိမ်ရှင် မြေရှင်တွေကို မက်လုံးတွေပေးပြီး လိုင်စင်မဲ့ ကန်ထရိုက် ဆောက်လုပ်နေတဲ့သူတွေကို
တရားစွဲဆို ချင်ပါတယ်။ ဒါပေမဲ့ ဌာနဘက်ကလည်း ပိုင်ရှင်နဲ့ ကန်ထရိုက် သဘောတူပြီး ပေါင်း
ချုပ်ထားတဲ့ စာချုပ်သက်သေမရှိဘဲ တရားစွဲဆိုလို့မရပါဘူး။ အိမ်ရှင် မြေရှင်တွေက လည်း ကန်
ထရိုက်တွေဘက်က ကာပြီး သူတို့ပဲဆောက်တာပါလို့ ပြောကြပါတယ်။ သူတို့က ကန်ထရိုက်ကို
ဖော်ထုတ်မပေးတော့ ကျွန်တော်တို့ဘက်က တရားစွဲဆိုလို့ မရပါဘူး။ အဲဒါကြောင့် နေထိုင်သူတွေ
ရော အိမ်ရှင်မြေရှင်တွေရော ပူပေါင်းဆောင်ရွက် ဖို့ လိုပါတယ်" ဟု ၎င်းကပြောသည်။
လိုင်စင်မရှိသည့် ကန်ထရိုက်တိုက်ဆောက်လုပ်သူများ အများဆုံးလုပ်ငန်းလုပ်ကိုင်လျက်ရှိကြပြီး
ဆောက်လုပ်ဆဲနှင့် ဆောက်လုပ်ပြီး လိုင်စင်မဲ့ကန်ထရိုက် တိုက်များ အများဆုံးရှိရာ သင်္ဃန်းကျွန်း
မြို့နယ်တွင် ထိုကဲ့သို့အဆောက်အအုံများ ပိုမိုတည်ဆောက်လာကြခြင်းကို စိုးရိမ်လာ ကြကြောင်း
အဆိုပါမြို့နယ်တွင် နေထိုင် သူများက ပြောသည်။
"အခု လိုင်စင်မဲ့ကန်ထရိုက်တွေက အရမ်းကိုစည်းကမ်းမဲ့ပြီး မြို့နယ်တွေမှာ ပေါများလာပါတယ်။
သူတို့ကိုအရေးယူဖို့ အတွက် ကျွန်တော်တို့က အိမ်ရှင် မြေရှင်ကို အရင်အသိပေးပြီး သူတို့ကိုလည်း
အရေးယူ ရပါတယ်။ သူတို့တွေက သူတို့ ဆောက်တာ ပါဆိုပြီး ဒဏ်ငွေတွေဆောင်ကြတယ်။ အဲဒီ
ငွေတွေအတွက် ကန်ထရိုက်က နောက်က ပေးတယ်ဆိုပေမယ့် ဒီအဆောက်အအုံပြီးသွားလို့
သူတို့ထွက်ပြေးသွားလည်း အမှုကမပြီးသေးတဲ့အတွက် ဒီမပြီးပြတ်တဲ့ အမှုကို ကန်ထရိုက်နဲ့
ပူးပေါင်းတဲ့ အိမ်ရှင် မြေရှင်တွေပဲ ခံစားရမှာပါ" ဟု ဦးသန်းဌေး က ပြောသည်။
ထို့ပြင် ကန်ထရိုက်ဆောက်လုပ်သူများ ကို နေထိုင်ခွင့်ပါမစ်ရရှိသည့် အဆောက် အအုံများနှင့်
စံချိန်စံညွှန်းမီ အဆောက် အအုံများ တည်ဆောက်စေလိုသည့် အတွက် နိုင်ငံတော်အစိုးရနှင့်
ရန်ကုန် မြို့တော် စည်ပင်သာယာရေး ကော်မတီ အား ဆောင်ရွက်စေပေးလိုကြောင်း သင်္ဃန်း
ကျွန်းမြို့နယ် င/က ရပ်ကွက်၌ နေထိုင် သူများက ဇွန်လ ၃၀ ရက်နေ့က တောင်းဆို ခဲ့သည်။
"ကျွန်တော်တို့ရပ်ကွက်မှာ လိုင်စင်မဲ့ ကန်ထရိုက်တိုက်ဆောက်တဲ့သူတွေ အများ ကြီးရှိပါတယ်။
ဆောက်လုပ်ပြီးစီးသွားတဲ့ တိုက်ခန်းတွေလည်း နေထိုင်ခွင့်ပါမစ် လုံးဝ မရှိပါဘူး။ အဲဒီတိုက်ခန်းတွေ
မှာနေတဲ့သူတွေက အဲဒီမှာနေထိုင်နေပေမယ့် ခိုင်လုံတဲ့ ပိုင်ဆိုင်မှုဘာတစ်ခုမှမရှိဘဲ စိုးရိမ်စိတ်တွေ
နဲ့ နေနေရတယ်။ နေထိုင်သူ တော်တော် များများကလည်း သေချာမသိခဲ့ဘဲနဲ့ ကြိုပွိုင့် နဲ့ ပိုက်ဆံ
တွေပေးပြီး ၀ယ်ခဲ့ကြတယ်။ ဒါပေမဲ့ အခုဒီတိုက်ခန်းတွေက နေထိုင်ခွင့် ပါမစ်တွေ မရသေးတော့
နေထိုင်သူတွေအတွက် ဒီတိုက်ခန်းပါမစ်တွေ ရစေချင်ပါတယ်။ ပါမစ်မရသေးတဲ့အဆောက်အအုံ
တွေကို ပါမစ်ပေးစေချင်ပါတယ်။ ပါမစ်မလျှောက်တဲ့ ကန်ထရိုက်ဆောက်တဲ့သူတွေကိုလည်း
ပါမစ်လျှောက်လာအောင် တာဝန်ရှိတဲ့သူတွေကို ဆောင်ရွက်ပေးစေလိုပါတယ်" ဟု အဆိုပါ
ရပ်ကွက်တွင် နေထိုင်သူ ဦးတင်ထွန်းက ပြောသည်။
အဆိုပါ သင်္ဃကျွန်းမြို့နယ် င/က ရပ် ကွက်တွင် ဆောက်လုပ်ပြီးစီးသည့် လိုင်စင်မဲ့ကန်ထရိုက်
တိုက် စုစုပေါင်း ၁၀၀ နီးပါ ခန့်ရှိပြီး လက်ရှိဆောက်လုပ်ဆဲ လိုင်စင်မဲ့ ကန်ထရိုက်တိုက်မှာ ၁၂၆
လုံးခန့်ရှိကာ အချို့ဆောက်လုပ်ဆဲ လိုင်စင်မဲ့တိုက်ခန်း များကို ယခုအခါတွင် ရန်ကုန်မြို့တော်
စည်ပင်သာယာရေး ကော်မတီက ဆောက် လုပ်ခွင့်ရပ်နားရန် သတိပေးဆိုင်းဘုတ် များကပ်ထား
ကြောင်း နေထိုင်သူများက ပြောသည်။
"အခု စည်ပင်သာယာက လိုင်စင်မဲ့ ဆောက်နေတဲ့ အဆောက်အအုံတွေ လုပ်ငန်းရပ်နားဖို့ ဆိုင်း
ဘုတ်တွေ ကပ်ထားပါတယ်။ အဲဒီလုပ်ငန်းတွေလည်း တကယ် ရပ်တန့်နေပါတယ်။ ဒါပေမဲ့ စည်
ပင်သာယာက အခုလိုအရေးယူတဲ့အခါကျတော့ ကြိုပွိုင့်နဲ့ပိုက်ဆံပေးပြီး အခန်းဝယ်ယူထားတဲ့ပြည်
သူတွေ အခက် အခဲ ဖြစ်နေပါတယ်။ အဲဒါကြောင့် ကျွန်တော်တို့က ဒီလိုအဆောက်အအုံတွေမှာ
နေထိုင်ခွင့်ပါမစ်တွေ ပေးစေလိုပါ တယ်။ ကျွန်တော်ကိုယ်တိုင်လည်း ကျပ် သိန်း ၁၄၀ နဲ့ အခန်း
တစ်ခန်း ကြိုပွိုင့် ၀ယ်ထားတာ အခုလုပ်ငန်းရပ်ဆိုင်းတဲ့ အထဲပါနေပါတယ်" ဟု ၎င်းကပြောသည်။
သင်္ဃန်းကျွန်းမြို့နယ်တွင် ၂၀၁၂ ခုနှစ် ခန့်မှ စတင်ခါ ကန်ထရိုက်လုပ်ငန်းများ စတင်ဝင်ရောက်
လာပြီး ယခုအခါတွင် ယင်းမြို့နယ်ရှိရပ်ကွက်အများစုမှာ တဲနှင့် သွပ်မိုးပျဉ်ထောင်အိမ်မှ တိုက်ခန်း
များ အဖြစ်သို့ ပြောင်းလဲလာသည့်အတွက် နေထိုင်မှုပုံစံ မြင့်တက်လာသော်လည်း အိမ်ပိုင်ဆိုင်မှု
တွင် ခိုင်လုံခြင်းမရှိသည့် ပြဿနာများဖြင့် ကြုံတွေ့နေရကြောင်း နေထိုင်သူများကပြောသည်။
"အရင်တုန်းက ကျွန်တော်တို့ရပ်ကွက် တွေမှာ အိမ်တွေက တဲအိမ်၊ ပျဉ်ထောင် အိမ်တွေ ပူးကပ်
နေလို့ မီးရေးထင်းရေးအတွက် စိုးရိမ်ရပါတယ်။ ဒါပေမဲ့ အခုကျ တော့ မီးရေးထင်းရေး စိတ်ပူစရာ
မလိုတော့ဘူး နေထိုင်ရတာကလည်း အဆင့် ပိုမြင့်လာပေမယ့် ပါမစ်မရှိတဲ့ကန်ထရိုက် တွေကြောင့်
ကိုယ်နေထိုင်ရတဲ့နေရာ ဟာ ဘာပိုင်ဆိုင်မှုမှမရှိဘဲ နေနေရတယ် ဆိုတဲ့ စိုးရိမ်စိတ်နဲ့ ရင်တထိတ်
ထိတ်နဲ့ နေနေရတဲ့ဘ၀က ဆိုးတယ်"ဟု ယင်းရပ် ကွက်တွင်နေထိုင်သူတစ်ဦးက မြန်မာ တိုင်း(မ်)
ကိုပြောသည်။
မြတ်ငြိမ်းအေး
အိမ် ခြံ မြေ ရောင်း ၀ယ် ငှားလိုရင် ( Phoenix အကျိုးဆောင် ) page ကို Like လုပ်ထားမှ အဆင်ပြေမယ်နော်
https://www.facebook.com/phoenixestate