အဆိုပါအခြေပစ္စည်းများအား မေတ္တာဖြင့် ပေးကမ်းခြင်းဖြစ်ပါက ပေးကမ်းသည့်အထောက်အထားများတင်ပြ၍ မေတ္တာဖြင့်ပေးကမ်းခြင်းနှင့် အကျုံးဝင်ခြင်း ရှိ မရှိ စိစစ်မှုခံယူရမည်ဖြစ်ကြောင်း၊ မေတ္တာဖြင့် ပေးကမ်းခြင်းဖြစ်ပါက ၀င်ငွေခွန်ပေးဆောင်ရန်မလိုကြောင်း၊ မေတ္တာဖြင့်ပေးကမ်းခြင်းအတွက် တံဆိပ်ခေါင်းခွန်ထမ်းဆောင်ရမည့်နှုန်းထားမှာ သတ်မှတ်တန်ဖိုးအပေါ်တွင် ငါးရာခိုင်နှုန်း ထမ်းဆောင်ရမည်ဖြစ်ကြောင်း ပြည်တွင်းအခွန်များဦးစီးဌာနမှ ထုတ်ပြန်ချက်အရ သိရသည်။
ထို့ပြင် ရန်ကုန်မြို့နှင့် မန္တလေးမြို့ စည်ပင်သာယာနယ်နိမိတ်အတွင်းရှိမြို့နယ်များအတွင်းရှိ အခြေပစ္စည်းဖြစ်ပါက တိုင်းဒေသကြီးကာလတန်ဖိုးစိစစ်သတ်မှတ်ရေးအဖွဲ့ထံသို့လည်းကောင်း၊ ရန်ကုန်နှင့် မန္တလေး စည်ပင်သာယာနယ်နိမိတ်ပြင်ပရှိမြို့နယ်များနှင့် ကျန်ပြည်နယ်နှင့် တိုင်းဒေသကြီးများရှိမြို့နယ်များရှိ အခြေပစ္စည်းဖြစ်ပါက မြို့နယ်ကာလတန်ဖိုး စိစစ်သတ်မှတ်ရေးအဖွဲ့ (မြို့နယ်အခွန်ဦးစီးဌာနမှူးရုံးများ) ထံသို့လည်းကောင်း၊ စာရွက်စာတမ်းများ ပြည့်စုံစွာတင်ပြ၍ ကာလတန်ဖိုးသတ်မှတ်ချက်ရယူရမည်ဖြစ်ကြောင်း သိရသည်။
ဝင်ငွေစိစစ်မှုခံယူရန် တင်ပြနိုင်ခြင်းမရှိပါက သတ်မှတ်အခွန်နှုန်းဖြင့် ကျသင့်အခွန်ကို ပေးသွင်းရမည်ဖြစ်ကြောင်း
ကာလတန်ဖိုးစိစစ်သတ်မှတ်ရေးအဖွဲ့ မှ သတ်မှတ်ပေးသည့်တန်ဖိုးအပေါ် အခွန်ဆိုင်ရာရှင်းလင်းခြင်းနှင့် ကျသင့်ဝင်ငွေခွန်နှင့် တံဆိပ်ခေါင်းခွန်များထမ်းဆောင်နိုင်ရေးအတွက် အခြေပစ္စည်းတည်ရှိရာ မြို့နယ်အခွန်ဦးစီးဌာနမှူးရုံးနှင့် ဆက်သွယ်ဆောင်ရွက်ရမည်ဖြစ်ကြောင်း သိရသည်။
အခြေပစ္စည်းဝယ်ယူခြင်း သို့မဟုတ် တည်ဆောက်ခြင်းဖြစ်ပါက သတ်မှတ်ကာလတန်ဖိုးအပေါ် ၀င်ငွေရလမ်း အထောက်အထားအတိအကျတင်ပြနိုင်ပါက ယင်းအထောက်အထားများတင်ပြပြီး ၀င်ငွေစိစစ်မှုခံယူရန် တင်ပြနိုင်ခြင်းမရှိပါက သတ်မှတ်အခွန်နှုန်းဖြင့် ကျသင့်အခွန်ကို ပေးသွင်းရမည်ဖြစ်ကြောင်း သိရသည်။
အလားတူ ကျသင့်အခွန်နှုန်းမှာ ၂၀၁၄ ခုနှစ် ပြည်ထောင်စု၏ အခွန်အကောက်ဥပဒေအရ သက်သာခွင့်များမနုတ်မီ စည်းကပ်မှုမှ လွတ်ကင်းနေသော ၀င်ငွေအပေါ် ၀င်ငွေခွန် ရာခိုင်နှုန်း ၃၀ ထမ်းဆောင်ရမည်ဖြစ်ကြောင်း သိရသည်။
သို့ရာတွင် နိုင်ငံသားမည်သူမဆို အခြေပစ္စည်းတစ်ရပ်ရပ်ဝယ်ယူခြင်း၊ တည်ဆောက်ခြင်း၊ ရယူခြင်းအတွက် တစ်ဦးလျှင် တစ်ကြိမ်သာခံစားခွင့်ရှိပြီး အသုံးပြုသည့်ဝင်ငွေမှ ၀င်ငွေရလမ်းတင်ပြနိုင်သည့် ၀င်ငွေအားနုတ်ပယ်ပြီး ကျန်စည်းကြပ်မှုမှ လွတ်ကင်းနေသော ၀င်ငွေအပေါ်တွင် ၀င်ငွေတစ်ကျပ်မှ သန်း ၅၀ အထိ သုံးရာခိုင်နှုန်း၊ ကျပ်သန်း ၅၀ မှ သန်း ၁၅၀ အထိကို ၁၀ ရာခိုင်နှုန်း၊ သန်း ၁၅၀ မှ သန်း ၃၀၀ အထိကို ရာခိုင်နှုန်း ၂၀ နှင့် သန်း ၃၀၀ မှအထက်ကို ရာခိုင်နှုန်း ၃၀ ၀င်ငွေခွန်ပေးဆောင်ရမည်ဖြစ်ကြောင်း ပြည်တွင်းအခွန်များဦးစီးဌာနမှ ထုတ်ပြန်ချက်များအရ သိရသည်။
နီလာ
အိမ် ခြံ မြေ ရောင်း ၀ယ် ငှားလိုရင် ( Phoenix အကျိုးဆောင် ) page ကို Like လုပ်ထားမှ အဆင်ပြေမယ်နော်
https://www.facebook.com/phoenixestate