အဆိုပါ စက်မှုဇုန်ကို တပ်မတော် အစိုးရလက်ထက် ၁၉၉၇ ခုနှစ်ကတည်းက သတ်မှတ်ထားသော မြေနေ ရာတွင် ပြန်လည်တည်ဆောက်ရန် မွန်ပြည်နယ် အစိုးရက စီစဉ်ထားခြင်းဖြစ်ကြောင်း မွန်ပြည်နယ် စက်မှုဝန်ကြီး ဌာန ၀န်ကြီး ဦးနိုင်လ၀ီအောင် က ပြောကြားသည်။
အဆိုပါ စက်မှုဇုန်မြေနေရာအဖြစ် သတ်မှတ်ထားသော လယ်ယာမြေများကို မြို့နယ် စည်ပင်သာယာရေး ကော်မတီ၊ မြို့နယ်ဖွံ့ဖြိုးရေးကော်မတီ အထောက်အကူပြု ကော်မတီ၊ လယ်ယာမြေစီမံခန့်ခွဲကော်မတီတို့တွင် ပါဝင်ခွင့်ရရှိထားသည့် စီးပွားရေး လုပ်ငန်းရှင်အချို့က လိုက်လံဝယ်ယူနေခြင်းဖြစ်ကြောင်း မော်လမြိုင်မြို့နယ် တိုင်းရင်းသားစည်းလုံးညီညွတ်ရေးပါတီမှ အတွင်းရေးမှူး ဦးလှရှိန်က ဆိုသည်။
အဆိုပါ စက်မှုဇုန်စီမံကိန်းအတွက် မြေဧက ၂၅၄ ဧက သတ်မှတ်ထားရာ အဆိုပါ ကော်မတီတွင်ပါဝင် သော စီးပွားရေးလုပ်ငန်းရှင်အချို့က မြေဧက ၂၀၀ နီးပါး လက်ဦးမှုရယူကာ ၀ယ်ယူခဲ့ကြောင်း အဆိုပါ ရပ်ကွက် တွင်နေထိုင်သူ ဦးသောင်းရှိန်က ရှင်းပြသည်။
“ ဒီစီမံကိန်းရှိတယ်ဆိုတာ ပြည်သူတွေကို အစိုးရအပါအ၀င် အထောက်အကူပြု ကော်မတီတွေက ချပြ ဖို့ တာဝန်ရှိတယ်။ အဲ့လို ချပြရမယ့်အစား သူတို့ကိုယ်တိုင် လိုက်ဝယ်နေတာတော့ မဖြစ်သင့်ဘူး ” ဟု ဦးလှရှိန် က ဆိုသည်။
အဆိုပါ စီမံကိန်းအတွက် မြေ လိုက်လံဝယ်ယူမှုများ ရှိနေသည်ကို သိရှိထားခြင်းမရှိကြောင်း၊ ယင်း စက်မှုဇုန်မြေနေရာတွင် စက်ရုံတည်ဆောက်ရန်အတွက် လျှောက်ထားသည့် ကုမ္ပဏီတစ်ခုသာ ရှိသေးကြောင်း၊ အဆိုပါ ကုမ္ပဏီက မြေ ၂၇ ဒသမ ၅ ဧကကို လျှောက်ထားခဲ့ကြောင်း မွန်ပြည်နယ် စက်မှုဝန်ကြီးဌာန ၀န်ကြီး ဦးနိုင်လ၀ီအောင် က ဆိုသည်။
အဆိုပါ စက်မှုဇုန်စီမံကိန်းအတွင်းရှိ လယ်ယာမြေများသည် ကာလပေါက်ဈေး တစ်ဧက ကျပ် ငါးသိန်း နီးပါးသာရှိသောလည်း ကျပ် နှစ်ဆယ့်နှစ်သိန်းမှ ကျပ်သိန်း ငါးဆယ်အထိ ပေးဝယ်နေကြောင်း ဦးသောင်းရှိန် က ဆိုသည်။
“ စက်မှုဇုန်က မြေကိုပိုင်တိုင်း စက်ရုံဆောက်ခွင့်ရမှာ မဟုတ်ပါဘူး။ တကယ် စက်ရုံတည်မယ့်သူတွေကို ပြည်နယ်အစိုးရက ရင်းနှီးမြှုပ်နှံခွင့်ပြုသွားမယ်။ ဒါပေမဲ့ ဒီမြေအားလုံးကိုတော့ တစ်ဦးတစ်ယောက်တည်း ပိုငဆိုင် ခွင့်တော့မပြုဘူး။ ဆောက်မယ့်စက်ရုံကသေးပြီး မြေနေရာများနေရင်လည်း ခွင့်မပြုဘူး။ နောက် အဲဒီစက်ရုံက ဘေးထွက်ဆိုးကျိုး ဘယ်လောက်ရှိလဲ၊ ဒေသခံတွေကို ဘယ်လောက်အလုပ်ပေးနိုင်မလဲဆိုတာတွေကြည့်ပြီးမှ ခွင့် ပြုမှာပါ ” ဟု ဦးနိုင်လ၀ီအောင် က စက်မှုဇုန်စီမံကိန်းမြေလက်ဦးမှုရယူခြင်းနှင့် ပတ်သက်ပြီး မွန်ပြည်နယ်အစိုးရက ချမှတ်ထားသည့် မူဝါဒကို ရှင်းပြသည်။
အစိုးရက မြေဧက ၂၅၄ ဧကကို စက်မှုဇုန်မြေနေရာအဖြစ် သတ်မှတ်ပေးထားကြောင်း၊ ယင်းကြောင်း အဆိုပါ စက်မှုဇုန်နယ်မြေအတွင်း လယ်ယာမြေပိုင်ဆိုင်ထားသော လယ်သမားများကို ကာလပေါက်ဈေးအတိုင်း လျော်ကြေးပေးဆောင်ရွက်ရမည်ဖြစ်ကြောင်း ဦးနိုင်လ၀ီအောင် က ဆိုသည်။
အဆိုပါ မြေနေရာတွင် ၁၉၉၇ ခုနှစ်ကတည်းက တပ်မတော်အစိုးရက စက်မှုမြေနေရာအဖြစ် သတ်မှတ် သိမ်းယူခဲ့ပြီး စီမံကိန်းစတင်ရန် လမ်းများနှင့် တံတားများ တည်ဆောက်အပြီးတွင် စီမံကိန်းပြန်ရုပ်သိမ်းကြောင်း ကြေညာခဲ့သည်။
၂၀၀၀ ပြည့်နှစ် နောက်ပိုင်းတွင် ယင်းစက်မှုဇုန်မြေနေရာ၏ မူလပိုင်ရှင်ျားကို လယ်ယာလုပ်ပိုင်ခွင့် ပြန်လည်ပေးအပ်ခဲ့သည်။