အခန်းပေး အခန်းယူစနစ်နဲ့ အကျိုးတူဆောက်လုပ်တဲ့ ကန်ထရိုက် အထပ်မြင့်ဆောက်လုပ်မှုတွေ မြို့တွင်း အပြင် ဆင်ခြေဖုံးနဲ့ မြို့သစ်တွေမှာပါ တွေ့လာရပါတယ်။
အရင်ကတော့ ကိုယ်ပိုင်နေဖို့ဆောက်တဲ့ သုံးထပ်၊ သုံးထပ်ခွဲသာ အမြင့်ဆုံးဖြစ်ပြီး ပုဂ္ဂလိက အိမ်ရာတွေ လောက်သာရှိတာပါ။
အကျိုးတူ
မြောက်ဒဂုံမြို့နယ် ၂၇ ရပ်ကွက်နေ မြေရှင်တစ်ဦးက “ ငါးထပ်မြင့် ဆောက်ဖို့ လာစပ်တဲ့ ကန်ထရိုက်ရှိ တယ်၊ ဒါပေမဲ သုံးထပ်ခွဲပဲ ဆောက်ခွင့်ရလို့ မကိုက်ဘူးဆိုပြီး မဆောက်ဖြစ်တာ၊ အရင်က သင်္ဃန်းကျွန်းမြို့နယ် ဘက်သာ ဆောက်ကြတာများတယ်၊ အခုကျတော့ ဒီဘက်မှာလည်း အကျိုးတူဆောက်တာတွေ ရှိလာတယ်၊ နေစရာလည်း မပျောက်ဘူး၊ အပိုဝင်ငွေကလည်း ငှားစားရင် ရတယ်၊ ပြန်ရောင်းပြီး စီးပွားရေးလုပ်လည်း ရတာ ကြောင့် အကျိုးတူလုပ်ကြတာ” လို့ပြောပါတယ်။
အကျိုးတူဆောက်လုပ်ဖို့ ဆောက်လုပ်ရေးလုပ်ငန်းရှင်တွေကလည်း သည်နောက်ပိုင်းမှာ စာစောင်၊ သတင်းစာတွေမှာ ကြော်ငြာထည့်သွင်းပြီး မြေပိုင်ရှင်ကိုရှာတာမျိုးတွေ များလာပါတယ်။
မြေပိုင်တဲ့သူတိုင်း ပိုင်ဆိုင်မှုခိုင်မာရင် ကန်ထရိုက်နဲ့ ညှိလို့ အဆင်ပြေရင် ဆောက်လို့ရပါတယ်။ သက်ဆိုင်ရာဌာနရဲ့ ဆောက်လုပ်ခွင့်ကျတာနဲ့ ဆောက်လို့ရနေတော့ စိတ်ဝင်စားကြတယ်။ ကြိုပွိုင့်စနစ်နဲ့ ရောင်းပြီး ဆောက်လုပ်စရိတ်ကို သက်သာအောင် လုပ်ကြတာလည်းရှိပါတယ်။ မြောက်ဒဂုံ၊ ဇာမဏီအကျိုးဆောင် က ဦးကျော်စွာ က “ ဦးတို့ဘက်မှာတော့ ကန်ထရိုက်တွေများလာတယ်၊ မိန်းလမ်းမတန်းတွေမှာဆိုရင် ခြောက်ထပ် အမြင့်အထိ ဆောက်နေတဲ့ တိုက်တွေရှိတယ်၊ တစ်နေရာနဲ့တစ်နေရာ ဆောက်လုပ်ခွင့်ရတဲ့အထပ်မြင့် ကွာတယ်၊ အများစုကတော့ သုံးထပ်ခွဲတွေများတယ်” လို့ပြောပါတယ်။
ခွဲဝေတဲ့အခါ
မြေရှင်နဲ့ ကန်ထရိုက် အကျိုးတူခွဲဝေတဲ့အခါမှာ ရင်ကွဲတိုက်တွေဆိုရင် တစ်ခြမ်းစီ ခွဲဝေယူကြပါတယ်။ ရင်ကွဲမဟုတ်ရင်တော့ အထပ်အလိုက် ခွဲဝေကြပါတယ်။ အောက်ထပ်ယူတဲ့သူကတော့ အထပ်လျှော့ယူကြရတယ် လို့ သိရတယ်။
“ ကန်ထရိုက်ဆောက်လုပ်တဲ့အခါမှာ ပြဿနာတစ်စုံတစ်ရာဖြစ်ခဲ့ရင် သတ်မှတ်ထားတဲ့ စည်းကမ်းကို ကျော်လွန်ပြီး ဆောက်ရင် အရင်က မြေရှင်ကို အရင်ဆုံး အရေးယူစစ်ဆေးပေမဲ့ ဒီနောက်ပိုင်းမှာ မြေရှင်အပြင် ကန်ထရိုက်ရော ဆောက်လုပ်မှုမှာ ပါဝင်သူအားလုံးကို အရေးယူမှာဖြစ်ကြောင်း စည်ပင်က ထုတ်ပြန်ထားတယ်၊ ဒါကလည်း ကန်ထရိုက်နဲ့ အကျိုးတူဆောက်တဲ့အခါမှာ ပြဿနာတွေ အဖြစ်များလာလို့ပါ၊ အဓိကကတော့ မြေရှင် က သေချာအောင် စုံစမ်းပြီးမှ လက်ခံရမှာ” လို့ အိမ်၊ခြံ၊မြေ အကျိုးဆောင်ရှေ့နေတစ်ဦးက ရှင်းပြပါတယ်။
မြောက်ဒဂုံမြို့နယ် ၂၉ ရပ်ကွက်နေသူတစ်ဦးက “ ပေ40× ပေ၆၀ မြေအကျယ်ကို ကန်ထရိုက်နဲ့ အကျိုးတူ ဆောက်တာ သုံးထပ်ခွဲအမြင့်ပေါ့၊ ရင်ကွဲဆိုတော့ သူတစ်ခြမ်း ကိုယ်တစ်ခြမ်းယူဖို့ ပြောထားတယ်၊ ဒီနောက်ပိုင်း အကျိုးတူဆောက်တာတွေ၊ ဆောက်ဖို့ စိတ်ဝင်စားသူတွေ၊ ဆက်သွယ်ချင်သူတွေ ရှိလာတယ်၊ နောက်ပိုင်းဆိုရင် ကန်ထရိုက်တိုက်တွေ များလာဖို့ရှိတယ် ” လို့ သူ့အမြင် ပြောပါတယ်။