ရန်ကုန်မြို့ရှိကွန်ဒိုများ ကွန်ဒိုမီနီယံဥပဒေဖြင့် ကိုက်ညီရန် လိုအပ်နေ



ရန်ကုန်မြို့တွင်း၌ လက်ရှိတည်ဆောက်ထားပြီးဖြစ်သော ကွန်ဒိုအဆောက်အအုံများမှာ ထွက်ပေါ်လာမည့် ကွန်ဒိုဥပဒေနှင့်ကိုက်ညီရန် များစွာလိုအပ်နေသေးသည်။ ဓာတ်ပုံ - မြန်မာတိုင်း(မ်)

ဆောက်လုပ်ရေးဝန်ကြီးဌာန အောက်ရှိ မြို့ရွာနှင့် အိုးအိမ်ဖွံ့ဖြိုးရေးဦးစီးဌာနက ရေးဆွဲကာ
ပြည်သူ့လွှတ်တော်တွင်တင်ပြ ထားသည့် ကွန်ဒိုမီနီယံဥပဒေအရ ရန်ကုန် မြို့တော်အတွင်းရှိ
ကွန်ဒိုအဆောက်အအုံအများစုမှာ အဆိုပါဥပဒေနှင့်ကိုက်ညီမှုနည်းပါးကြောင်း ရန်ကုန်မြို့တော်
စည်ပင်သာယာရေးကော်မတီ အင်ဂျင်နီယာဌာန (အဆောက်အအုံ)မှ ဒုတိယညွှန်ကြားရေးမှူး
ဦးနေ၀င်းက မြန်မာတိုင်း(မ်)ကို ပြောသည်။

"အခု ရန်ကုန်မြို့မှာရှိတဲ့ ကွန်ဒိုတော်တော် များများက ကွန်ဒိုမီနီယံလို့ ပြောလို့မရဘူး။ ဆောက်
လုပ်သူတွေကလည်း အိုးအိမ်ကရေးဆွဲ ထားတဲ့ ကွန်ဒိုမီနီယံ ဥပဒေထဲမှာပါတဲ့အချက် တွေနဲ့
ကိုက်ညီအောင်မဆောက်ကြဘူး။ အခုချိန် ထိ အဲဒီဥပဒေထဲကအတိုင်း တည်ဆောက်ထား တဲ့
အဆောက်အအုံတစ်ခုမှ မတွေ့သေးဘူး။ ဒါကြောင့် ကွန်ဒိုလို့သာပြောနေပေမယ့် ကွန်ဒိုလို့
သတ်မှတ်လို့ မရဘူး" ဟု ၎င်းကပြောသည်။

ရေးဆွဲထားသည့် ကွန်ဒိုမီနီယံဥပဒေတွင် ကွန်ဒိုမီနီယံတည်ဆောက်ရာတွင် အဓိကပါဝင် ရမည့်
အချက်မှာ ယင်းအဆောက်အအုံ တည် ဆောက်ရာမြေသည် အစိုးရပိုင်မြေနှင့် ဌာနပိုင် မြေများ
မဟုတ်ဘဲ နှစ် ၆၀ ဂရန်ပေါက်မြေ သို့မဟုတ် ဘိုးဘွားပိုင်မြေဖြစ်ရမည်ဆိုသည့်အချက်ဖြစ်ပြီး
လက်ရှိရန်ကုန်မြို့ရှိ ကွန်ဒိုအဆောက်အအုံအများစုမှာ အငှားမြေများပေါ်တွင်သာ တည်ဆောက်
ထားသည့်မြေများဖြစ်ကြောင်း ၎င်းကပြောသည်။

"ကွန်ဒိုမီနီယံလို့ ပြောလိုက်တာနဲ့ အဲဒီကွန်ဒို မှာနေတဲ့သူတွေက ကွန်ဒိုဆောက်ထားတဲ့ မြေကြီးကိုပိုင်တယ်။ နေထိုင်တဲ့သူအားလုံး မြေကြီးကိုအချိုးကျပိုင်တယ်။ အခုကွန်ဒိုတွေက မြေကြီးကို ဆောက်လုပ်ရေးလုပ်ငန်းရှင်တွေပဲ ပိုင်ကြတယ်။ ကွန်ဒိုမှာနေထိုင်
တဲ့သူတွေ အဲဒီ မြေကို အချိုးကျပိုင်ရမယ်ဆိုတဲ့အချက်က ဥပဒေ ထဲမှာ အဓိကအချက်ဆိုတော့
အခုအဲဒီလို ဆောက်ထားတဲ့ ကွန်ဒိုအားလုံးက ကွန်ဒိုတွေမဟုတ်ကြဘူး" ဟု ၎င်းကပြောသည်။

ရန်ကုန်မြို့ရှိ ကွန်ဒိုမီနီယံဟု သတ်မှတ်ထား သည့် အဆောက်အအုံ အများစုသည် အစိုးရ က
ငှားရမ်းထားသည့်မြေများနှင့် စည်ပင်သာယာ မြေများတွင်တည်ဆောက်ထားသည့် အဆောက်
အအုံများဖြစ်သည်။ ထိုကဲ့သို့ မြေငှားမြေပေါ် တွင်တည်ဆောက်ထားသည့် အဆောက်အအုံ တွင်
နေထိုင်သူများမှာ မြေပိုင်ဆိုင်မှုမရှိသည့် အတွက် အချိန်ကာလကြာမြင့်သည့်အခါတွင် အခက်
အခဲများရှိလာနိုင်ကြောင်း ဦးနေ၀င်း က ပြောသည်။

"ကွန်ဒိုမှာ နေထိုင်တဲ့သူတွေက မြေမပိုင်ဆိုင် တဲ့အခါ၊ အချိန်တွေကြာလာလို့ အဆောက်အအုံ
ချို့ယွင်းလာပြီး ပြန်ပြင်ဆောက်ချင်တဲ့ အခါ အငြင်ပွားစရာတွေဖြစ်လာနိုင်တယ်။ မြေပိုင်ရှင်
ကတော့ သူပိုင်ဆိုင်တဲ့မြေကို သဘောအတိုင်းပြုလုပ်နိုင်ပေမယ့် ကွန်ဒိုမှာနေတဲ့သူတွေကတော့
မြေပိုင်ရှင်ခွင့်ပြုချက်ရမှဖြစ်မှာ။ နောက်ပြီး ကွန်ဒိုမှာနေထိုင်တဲ့သူတွေက ကွန်ဒိုဆောက်ထားတဲ့
အဆောက်အအုံရဲ့မြေအတွက်လည်း မြေငှားခကို လစဉ်ပေးရတာတွေလည်း ရှိတယ်။ ကွန်ဒိုမီနီ
ယံဥပဒေမှာဆို အဲဒါတွေမရှိဘူး" ဟု ၎င်းကပြောသည်။

ထို့ပြင် နိုင်ငံခြားသားဆောက်လုပ်ရေး လုပ်ငန်းရှင်များကလည်း အစိုးရထံမှ Build Operate and
Transfer- (BOT) စနစ်ဖြင့် နှစ် ၅၀ နှင့် ထပ်ဆောင်းကာလ ၁၀ နှစ် နှစ်ကြိမ် ကျဖြင့် မြေငှားရမ်း
ကာ ကွန်ဒိုတည်ဆောက်မှု များရှိလာခဲ့သည့်အတွက် ယင်းကဲ့သို့သော ကွန်ဒိုများကို ရောင်းချပါက
မြေပိုင်ဆိုင်မှုမရှိခြင်းကို ပွင့်လင်းစွာဖော်ပြကာ ရောင်းချသင့်ကြောင်း မြန်မာနိုင်ငံ အိမ်ခြံမြေ၀န်
ဆောင်မူ အသင်းမှ အထွေထွေအတွင်းရေးမှူး ဒေါ်မို့မို့ အောင်က ပြောသည်။

"နိုင်ငံခြားသား ဆောက်လုပ်ရေးလုပ်ငန်း ရှင်တွေကလည်း သူတို့ဆောက်မယ့်ကွန်ဒိုတွေကို
ရောင်းရင် ဒီကွန်ဒိုကတော့ အစိုးရဆီကြဥွှ စနစ်နဲ့မြေငှားပြီး တည်ဆောက်ထားတဲ့ အကြောင်း၊
နှစ် ၇၀ ပိုင်ဆိုင်မှုရှိတယ်ဆိုတဲ့ အကြောင်းတွေကို ပွင့်ပွင့်လင်းလင်း ပြောပြီး ရောင်းသင့်ပါတယ်။
ဒါမှသာ ကွန်ဒိုဝယ်မယ့်သူ တွေကလည်း ၀ယ်ယူသင့် မသင့်ကို ချင့်ချိန်နိုင် မှာပါ" ဟု ၎င်းကပြော
သည်။

ကွန်ဒိုမီနီယံဥပဒေတွင်လည်း ကွန်ဒိုအခန်း ပိုင်ဆိုင်သူများသည် မြေပိုင်ဆိုင်မှုခိုင်မာပါက
ယင်းကွန်ဒိုအခန်းကို ဘဏ်တွင်ပေါင်နှံခွင့် ရှိသော်လည်း မြေပိုင်ဆိုင်မှုမခိုင်လုံသည့် ကွန်ဒို
အခန်းပိုင်ရှင်များမှာလည်း ဘဏ်တွင်ရောင်း နှံခွင့် ရှိ မရှိကိုလည်း ကွဲပြားစွာသိရှိသင့်ကြောင်း
၎င်းကပြောသည်။

"မြေပါပိုင်တဲ့ ကွန်ဒိုနေထိုင်သူတွေက ဘဏ် မှာ သူတို့အခန်းကို ပေါင်နှံခွင့်ရှိသလို အစိုးရ ကနေ
မြေငှားထားပြီးြဥွှ စနစ်နဲ့ ဆောက်တဲ့ကွန်ဒိုမှာ နေထိုင်သူတွေကလည်း ဘဏ်မှာပေါင်နှံခွင့်ရှိလား
ဆိုတာကို မေးခွန်းထုတ်စရာ ဖြစ်လာပါတယ်။ အဲဒါကို ကွဲကွဲပြားပြားသိဖို့လိုပါတယ်။ နေထိုင်သူ
တွေက ကိုယ်ပိုင်ဆိုင်တဲ့အခန်းကို ဘာမှမလုပ်နိုင်တဲ့ အခြေအနေတွေဖြစ်လာခဲ့ရင် အဆင်မပြေပါ
ဘူး" ဟု ၎င်းကပြောသည်။

ဆောက်လုပ်ရေးလုပ်ငန်းရှင်များမှာ ကွန်ဒို မီနီယံဥပဒေတွင် ကွန်ဒိုမီနီယံ၌ နေထိုင်မည့် သူများ၏ ရရှိနိုင်မည့်အခွင့်အရေးများနှင့် ဆောက်လုပ်ရေးလုပ်ငန်းရှင်များ၏ရပ်တည်ချက်များ ပံ့ပိုးပေးနိုင်
မည့်အချက်များကို ယင်းဥပဒေတွင် ထည့်သွင်းဖော်ပြနိုင်ရန် အကြံ ပေးထားကြောင်း မြန်မာနိုင်ငံ
ဆောက်လုပ်ရေး လုပ်ငန်းရှင်များအသင်း ဒုတိယဥက္ကဋ္ဌ ဦးသာ အေးက ပြောသည်။

"အဓိကကတော့ ကွန်ဒိုမီနီယံဥပဒေမှာ ကွန်ဒိုမှာနေထိုင်မယ့်သူတွေရဲ့ အဆင်ပြေပြေ နေထိုင်နိုင်ဖို့၊
သူတို့တွေရဲ့အခွင့်အရေးတွေရဖို့နဲ့ ကွန်ဒိုမီနီယံနဲ့ ပတ်သက်တဲ့စီမံခန့်ခွဲမှု တွေ စနစ်ကျဖို့အတွက်
ဒီဥပဒေကိုရေးဆွဲကြ တာပါ။ ဒီအရာတွေကို ဦးစားပေးစေချင်ပါ တယ်။ ကွန်ဒိုမီနီယံဥပဒေကလည်း
ကျယ်ပြန့်တဲ့ ဥပဒေတစ်ခုဖြစ်တဲ့အတွက် မြေပိုင်ဆိုင်မှုနဲ့ ပတ်သက်ပြီး နိုင်ငံတော်ပိုင်မှာပဲဖြစ်ဖြစ်၊
ပုဂ္ဂလိကပိုင်မှာ တည်ဆောက်တာပဲဖြစ်ဖြစ်၊ အားလုံးကတော့ သူ့ရပ်တည်မှုနဲ့သူ အခွင့် အရေး
တွေရှိပါတယ်" ဟု ၎င်းကပြောသည်။

လွှတ်တော်သို့တင်ပြထားသည့် ယင်းဥပဒေတွင် နိုင်ငံခြားသားများမှာ မြန်မာနိုင်ငံ၌ ကွန်ဒို
လေးထပ်နှင့်အထက်အခန်းများကို ၄၀ ရာခိုင်နှုန်းအထိ ၀ယ်ယူနိုင်မည်ဖြစ်ကြောင်း ဦးနေ၀င်းက
ပြောသည်။

မြတ်ငြိမ်းအေး
အိမ် ခြံ မြေ ရောင်း ၀ယ် ငှားလိုရင် ဒီ page ကို Like လုပ်ထားမှ အဆင်ပြေမယ်နော်
https://www.facebook.com/phoenixestate

ရန်ကုန်မြို့တွင်း အဆောင်၊ တိုက်ခန်းငှားရမ်းခများမြင့်တက်မှုကြောင့် ငှားရမ်းနေထိုင်သူတို့ အခက်ကြုံ

ရန်ကုန်မြို့အတွင်း အဆောင်ငှား ခများနှင့် အိမ်ခန်းငှားခများ မြင့်တက်လာ မှုကြောင့် အခက်အခဲများနှင့် ရင်ဆိုင်နေရ ကြောင်း ငှားရမ်းနေထိုင်သူများထံမှ သိရ သည်။

''အဆောင်ငှားခတွေက ခုနောက်ပိုင်း ဆို ဈေးတက်လာတယ်။ အဆောင်နေရတဲ့ ပုံစံက အခန်းနဲ့နေမယ်ဆိုရင် ဈေးကတစ် မျိုး၊ ဒီအတိုင်း Hall ခန်းနဲ့ နေမယ်ဆိုရင် တစ်မျိုး၊ Hall နဲ့ကျတော့ နေရတာက အ ဆင်မပြေဘူးလေ။ လူတွေအကုန်လုံး ရော နေတာဆိုတော့ တချို့အဆောင်တွေဆိုရင် စည်းကမ်းမရှိဘူး။ သန့်ရှင်းမှုလဲ မရှိဘူး။ အ ခန်းနဲ့နေရတာကျတော့လဲ သူတို့အဆောင် ပိုင်ရှင်တွေက လုပ်ထားတဲ့အခန်းတွေက အရမ်းကျဉ်းတယ်။ နှစ်ယောက်ခန်းဆိုရင် တစ်ယောက်စာလောက်ပဲ နေလို့ရတဲ့ အ နေအထားကို စီးပွားရေး အရမ်းဆန်နေ တယ်။ တချို့အဆောင်တွေဆို ဈေးကကြီး တဲ့အပြင် တစ်လကို ရေဖိုးနဲ့မီတာခက ထပ် တောင်းသေးတယ်။ ရတဲ့လစာနဲ့ အဆောင် ခပေးရတာနဲ့တင် ဘာမှမကျန်ဘူး''ဟု ကမာ ရွတ်မြို့နယ် လှည်းတန်းတွင် အဆောင်ငှား နေထိုင်သူ ကိုဇင်ကိုက ဆိုသည်။

ရန်ကုန်မြို့တွင် အဆောင်ငှားနေထိုင် ကြသူအများစုမှာ လမ်းမတော်၊ လသာ၊ ကမာရွတ်(လှည်းတန်း)၊ အလုံနှင့် စမ်းချောင်း မြို့နယ်များတွင် အများဆုံးဖြစ်ပြီး အခြား မြို့နယ်များတွင်လည်း နေထိုင်ကြကြောင်း သိရသည်။ အဆောင်ဈေးများအနေဖြင့် အ ခန်းဖြင့် နေထိုင်မည်ဆိုပါက တစ်ဦးလျှင် အနည်းဆုံး ကျပ်နှစ်သောင်းခွဲနှင့် အထက် ရှိကာ Hall ဖြင့်နေထိုင်မည်ဆိုပါက ကျပ် နှစ်သောင်းဝန်းကျင်ရှိကြောင်း သိရသည်။
အချို့နေရာများတွင် Hall ကိုပင် ကျပ်သုံးသောင်းဖြင့် နေထိုင်ကြရသူများ လည်းရှိကြောင်း သိရသည်။ Hall ခန်းတစ် ခန်းလျှင် အနည်းဆုံး လူ ၁၂ ဦးနှင့်အထက် ရှိကာ အခန်းသီးသန့်တွင် တစ်ယောက်ခန်း၊ နှစ်ယောက်ခန်း စသည်ဖြင့် အမျိုးမျိုးရှိ ကြောင်းသိရသည်။

''အခုနောက်ပိုင်း တော်တော်များများ လုပ်လာတာက သူတို့က အဆောင်မှာ မနေ တော့ဘူး။ သူငယ်ချင်းပဲဖြစ်ဖြစ် သူတို့ချင်း လူစုလိုက်တယ်။ ပြီးတော့ တိုက်ခန်းကို အ ပြတ်ငှားနေကြတာတွေ များလာတယ်။ ရန် ကုန်မှာ တိုက်ခန်းကိုငှားမယ်ဆိုရင်တော့ များသောအားဖြင့် ပွဲစားနဲ့ပဲ ချုပ်ရတယ်။ ပွဲစားခကတော့ တစ်လစာပေါ့။ ငှားမယ်ဆို ရင် အနည်းဆုံး သုံးလတော့ ချုပ်ရတယ်။ တချို့က ပွဲစားကို တစ်လခမပေးချင်တဲ့သူတွေရှိ တယ်''ဟု ပြည်ရိပ်မွန်အိမ်ရာမှ တိုက်ခန်းပွဲစားတစ် ဦးက ပြောသည်။

တိုက်ခန်းငှားရမ်းနေထိုင်သူ တစ်ဦးကလည်း ရန်ကုန်မြို့တွင် တိုက်ခန်းငှားရမ်းကြသူများမှာ ပထ မအကြိမ် ငှားရမ်းနေထိုင်ပြီး ထပ်မံစာချုပ် ချုပ်ပါ က ပွဲစားများနှင့် အခန်းပိုင်ရှင်တို့ပေါင်းကာ အခန်း ငှားခကို ဈေးမြှင့်သည့်ဖြစ်စဉ်များ ကြုံတွေ့ရကြောင်း ¤င်းကပြောသည်။
ယင်းက ''သူတို့က ကိုယ်တွေကို တောင်းတဲ့ ဈေးမရရင် ဒီဈေးနဲ့ပဲ နောက်လူထပ်ထည့်ဖို့ ရှာပြီး သားလေ။ သူတို့က ပိုက်ဆံရဖို့ပဲကြည့်တာ။ တစ် ဖက်က ဘယ်လိုဒုက္ခရောက်ကြလဲဆိုတာကို မကြည့် ကြဘူး။ နောက်တစ်ခန်းငှားမယ်ဆိုရင်လဲ ပြောင်း ရရွှေ့ရဦးမယ်။ ပြောင်းဖို့အခန်းက ရှာရဦးမယ်။ ပွဲ စားကိုလဲ အသားတင် တစ်လခကလဲပေးရဦးမယ်။ တော်တော်ဒုက္ခများရတာပါပဲ''ဟု ပြောသည်။

ရန်ကုန်မြို့ပြအိမ်ရာစနစ်တွင် အိမ်ပိုင်အိုးပိုင် ဖြင့် မနေနိုင်ဘဲ ဖြစ်နေသူများသည် ရန်ကုန်မြို့ရှိ အိမ်ထောင်စုများ၏ ၇၆ ရာခိုင်နှုန်းခန့်ရှိသည်ဟု မြို့ပြစီမံကိန်းပညာရှင်တစ်ဦးလည်းဖြစ်၊ ရန်ကုန် နည်းပညာတက္ကသိုလ်ပါမောက္ခဟောင်းလည်း ဖြစ်သူ ဒေါက်တာကျော်လတ်က တွက်ပြဖူးသည်။

ရန်ကုန်မြို့ရှိ အဆောင်နှင့်တိုက်ခန်းငှားရမ်း နေထိုင်ကြသူများမှာ နယ်မှ ကျောင်းလာတက်သူ များ၊ အလုပ် လုပ်သူများ၊ သင်တန်းတက်သူများ အများဆုံးဖြစ်ပြီး နယ်မှ လာရောက်နေထိုင်သူအ များစုမှာလည်း အဆောင်များတွင်သာ နေထိုင်ကြ ကြောင်း သိရသည်။

ကောင်းထက်
အိမ် ခြံ မြေ ရောင်း ၀ယ် ငှားလိုရင် ဒီ page ကို Like လုပ်ထားမှ အဆင်ပြေမယ်နော်
https://www.facebook.com/phoenixestate

အဆောက်အအုံဆောက်လုပ်ခွင့် ပါမစ်ချပေးခြင်း စည်ပင်သာယာကိုင်တွယ်သည့်မူ ပယ်ဖျက်မည်

အဆောက်အအုံ ဆောက်လုပ်ခွင့် ပါမစ်ချထားပေးခြင်း အတွက် လိုအပ်သော လုပ်ငန်းစဉ်များကို ရန်ကုန်စည်ပင်ကသာ စိစစ်ခြင်းမူကို ပယ်ဖျက်တော့ မည်ဟု သတင်းရရှိသည်။

လက်ရှိတွင် လုပ်ငန်းစဉ် အဆင့်ဆင့် အတွက် တာဝန်ယူနိုင်မည့် အဖွဲ့အစည်း များ ဖွဲ့စည်းဆောင်ရွက်ခွင့်ပေးရန် စီစဉ်နေပြီး ယင်းအတွက် ရန်ကုန်စည်ပင်မှ တာ ဝန်ရှိသူများက အင်ဂျင်နီယာအသင်း၊ အင်ဂျင်နီယာကောင်စီမှ တာဝန်ရှိသူများနှင့် ချိတ်ဆက်ဆွေးနွေးမှုများ ပြုလုပ်နေပြီဟု သိရသည်။

စစ်ဆေးရေးအင်ဂျင်နီယာ၊ အဆောက်အအုံအင်ဂျင်နီယာများကို အဆိုပါ အသင်းများ၏ အကူအညီရယူ၍ ရွေးချယ်ကာ ရန်ကုန်စည်ပင်မှ အသိအမှတ်ပြုလက်မှတ်ပေးအပ်ခြင်း၊ စစ်ဆေးရေး အဖွဲ့များ
ဖွဲ့စည်းပေးခြင်းဖြင့် တာဝန်ယူဆောင်ရွက်စေမည်ဟု အင်ဂျင်နီယာဌာန အဆောက်အအုံမှ အကြီးတန်းအရာရှိတစ်ဦးက ပြောသည်။

ယင်းကဲ့သို့ တာဝန်ခွဲဝေဆောင်ရွက်ခြင်းဖြင့် ပါမစ်ချထားပေးမှု မြန်ဆန်ခြင်း၊ ဌာနနှင့်ပြည်သူများကြား လာဘ်ပေးလာဘ်ယူကိစ္စများ ကင်းရှင်းခြင်း၊ အဆောက် အအုံများ၏ အရည်အသွေး ပိုမိုစိတ်ချရခြင်းကဲ့သို့သော အကျိုးဆက်များ ရှိနိုင်မည် ဟု မျှော်မှန်းကြောင်း ၎င်းကဆိုသည်။ စင်ကာပူနိုင်ငံတွင်လည်း ပါမစ်ချထားပေးခြင်း အတွက်

ယင်းကဲ့သို့သော အဖွဲ့အစည်းများ ဖွဲ့စည်းဆောင်ရွက်ခြင်းဖြစ်သည်ဟု အထက်ပါအရာရှိက ဆက်ပြောသည်။ လက်ရှိတွင် ရန်ကုန်စည်ပင်ကသာ ကိုင်တွယ်ဆောင်ရွက်နေရာ လာရောက် တင်ပြသောဒီဇိုင်းများမှာ ခွင့်ပြုပုံစံနှင့်ကွဲလွဲ၍ ပြန်လည်ရေးဆွဲခိုင်းရသည့်အခါ အချိန်ကြန့်ကြာမှုများ ကြုံကြိုက်နေရကြောင်း ၎င်းကပြောသည်။

မိသားစု အဆောက် အအုံများအတွက် ပိုင်ဆိုင်မှုမှန်ကန်ပါက ၂၁ ရက်၊ အထပ်မြင့်များအတွက် ၄၅ ရက်အတွင်းပါမစ်ချထားပေးမှု ကို ဆောင်ရွက်ပေးမည် ဆိုသော်လည်း ဒီဇိုင်းတင်ပြ ရာတွင်
ခွင့်ပြုပုံစံနှင့် ကွဲလွဲမှုများကြောင့် ပြန်လည်ရေးဆွဲစေခိုင်းရ၍ သတ်မှတ်ချက် ထက်ပိုမိုကြန့်ကြာနေသည်ဟု အထက်ပါစည်ပင်အရာရှိက ပြောသည်။

ဝေမာထွန်း
အိမ် ခြံ မြေ ရောင်း ၀ယ် ငှားလိုရင် ဒီ page ကို Like လုပ်ထားမှ အဆင်ပြေမယ်နော်
https://www.facebook.com/phoenixestate

ကျပ်သိန်းတစ်ရာအောက် တန်ဖိုးနည်းအိမ်ရာကို ဇူလိုင်လအတွင်းမှသာ ရောင်းချနိုင်မည်


မန္တလေးမြို့ရှိ တန်ဖိုးနည်းအိမ်ရာဆောက်လုပ်မှု လုပ်ငန်းခွင်အား ဧပြီလအတွင်းက တွေ့ရစဉ်

ကျပ်သိန်းတစ်ရာအောက် တန်ဖိုးနည်းအိမ်ရာကို ဇူလိုင်လအတွင်းမှသာ ရောင်းချနိုင်မည်ဖြစ်ကြောင်း မန္တလေးမြို့တော် စည်ပင်သာယာရေးကော်မတီမှ သိရသည်။ ဧပြီလအတွင်း စတင်ရောင်းချနိုင်မည်ဟု တာဝန်ရှိသူများက ကနဦး ပြောကြားထားခဲ့သော်လည်း ယခုအခါ နောက်ကျပြီးမှ ရောင်းချနိုင်မည် ဖြစ်သည်။

အဆောက်အအုံ တည်ဆောက်မှုပိုင်း ပြီးစီးပြီးဖြစ်သော်လည်း အချောသပ်ရန်နှင့် ရေပေးဝေရေး၊ လျှပ်စစ်မီး သွယ်တန်းရန် လိုအပ်နေသေးကြောင်း အားလုံးပြီးစီးရန်နှင့် အိမ်ရာလျှောက်ထားမှု ရောင်းချရန် အဆောက်အအုံ ကုန်ရုံဌာနမှ မူတင်ရန် စတင်ဆောင်ရွက်နေပြီဖြစ်ကြောင်း ကော်မတီမှ သိရသည်။

“လျှောက်လွှာတွေကတော့ စတင်စိစစ်နေပါပြီ။ ရန်ကုန်လို ကြိုပွိုင့်မရောင်းဘဲ အဆောက်အအုံ စည်ပင်ကိုအပ်ပြီးတာနဲ့ တစ်ပြိုင်ထဲ ရောင်းချပြီးရင် ၀ယ်ယူသူတွေ အဆင့်သင့် တက်နေနိုင်အောင်လို့ပါ။ နောက်ပြီး မပြီးသေးဘဲ ကြိုရောင်းရင် ငွေအောင်းနေမှာရယ် အရှုပ်အရှင်း ဖြစ်မှာစိုးလို့ပါ။ အားလုံးပြီးစီးတာနဲ့ ရောင်းချပေးမှာပါ” ဟု ကော်မတီဝင်တစ်ဦးက ပြောကြားသည်။

ယခု တန်ဖိုးနည်းအိမ်ရာ မဆောက်မီ ပြည်ပနိုင်ငံများသို့ သွားရောက်လေ့လာမှုများ ပြုလုပ်ခဲ့သလို ကန်ထရိုက်များကလည်း တင်ဒါဝင်ရောက် ယှဉ်ပြိုင်မှုများ ရှိသော်လည်း တစ်ဦးတည်းကို ချထားပေးခြင်း မရှိခဲ့ဘဲ အဆောက်အအုံ တစ်လုံးကို ကန်ထရိုက်တစ်ဦးကိုသာ တည်ဆောက်စေခဲ့သည်။ ကျသင့်ငွေကို စည်ပင်သာယာရေး ကော်မတီငွေဖြင့် ကုန်ကျခံ တည်ဆောက်သဖြင့် ယခုကဲ့သို့ ကျပ်သိန်းတစ်ရာအောက်ဖြင့် ရောင်းချနိုင်ခြင်းဖြစ်သည်။ ထပ်မံတည်ဆောက်မည့် တန်ဖိုးနည်း အိမ်ရာများကိုလည်း ယခုကဲ့သို့ ခြောက်လအတွင်း အကောင်ထည်ဖော်ကာ ကျပ်သိန်းတစ်ရာအောက်နှုန်းဖြင့်ပင် ရောင်းချပေးသွားမည်ဖြစ်ကြောင်း သိရသည်။

“အိုးအိမ်က တည်ဆောက်မယ့် အိမ်ရာကတော့ ဒီထက် ဈေးနည်းနည်းများနိုင်တယ်။ စည်ပင်သာယာအနေနဲ့ အိမ်ရာတည်ဆောက်မှု အချိန် ခုနစ်လနီးပါး ကြာခဲ့ပေမယ့် ကိုယ့်ငွေနဲ့ နောက်ထပ်ဆောက်လုပ်သွားမှာပါ။ ဒါပေမဲ့ ကျပ်သိန်းတစ်ရာအောက်နှုန်းပဲဖြစ်အောင် ဖော်ဆောင်ဖို့ ညွှန်ကြားထားပါတယ်” ဟု အဆိုပါကော်မတီဝင်က ပြောပြသည်။    

ယဉ်မျိုးသွယ်
အိမ် ခြံ မြေ ရောင်း ၀ယ် ငှားလိုရင် ဒီ page ကို Like လုပ်ထားမှ အဆင်ပြေမယ်နော်
https://www.facebook.com/phoenixestate

အနာဂတ် အိမ်ခြံမြေဈေးကွက်၂ဝ၁၅ နိုင်ငံရေးအခင်းအကျင်းပေါ် မူတည်နေဟုဆို

အနာဂတ် အိမ်ခြံမြေ ဈေးကွက်သည် ၂ဝ၁၅ မြန်မာ့နိုင်ငံရေးအ ခင်းအကျင်းပေါ်တွင် မူတည်နေကြောင်း အိမ်ခြံမြေဈေးကွက်အသိုင်းအဝိုင်းက သုံး သပ်ပြောဆိုသည်။
ယခုနှစ်ပိုင်းတွင် မြန်မာနိုင်ငံ အိမ် ခြံမြေ ဝန်ဆောင်မှုအသင်းမှ အိမ်ခြံမြေ ရောင်းဝယ်မှုများတွင် ပေးဆောင်ရသည့် အခွန်ဈေးနှုန်းများသည် မြင့်မားနေသဖြင့် တစ်ကြိမ်သာ ဝယ်သူများအတွက် အခက် အခဲများဖြစ်နိုင်ကြောင်း တင်ပြခဲ့သည့်အ တွက် ဝင်ငွေခွန်များကိုလည်း ဝယ်ယူသည့် တန်ဖိုးအလိုက် အခွန်ဆောင်စေပြီး တံဆိပ် ခေါင်းအခွန်များလည်း နှစ်ရာခိုင်နှုန်းသို့ ပြောင်းလဲသတ်မှတ်လိုက်ကြောင်း မြန်မာ နိုင်ငံ အိမ်ခြံမြေဝန်ဆောင်မှုအသင်း အတွင်း ရေးမှူး ဒေါ်မို့မို့အောင်က ပြောသည်။

ယင်းက ''ဘယ်ဈေးကွက်ပဲဖြစ်ဖြစ် ပြည်တွင်းရေး၊ နိုင်ငံရေးတည်ငြိမ်မှ ကောင်း ကြတာပဲလေ။ မြေဆိုတာကလဲ ပိုလျှံမှ စီး ပွားရေးကောင်းမှ အဆင်ပြေမှ ဝယ်ကြတာ။ နိုင်ငံရေးအခြေအနေကြောင့် အိမ်ခြံမြေဈေး ကွက်စနစ်ကို ယှဉ်ပြရမယ်ဆိုရင်လဲ ၈၈ အရေးအခင်းဖြစ်တော့ အိမ်ခြံမြေဈေးကွက် လဲ အေးခဲ့တာပဲ။ လက်ရှိ အနေထားအရ ဆိုရင်တော့ ၂ဝ၁၄ အထိလောက်တော့ အိမ် ခြံမြေ အရောင်းအဝယ်တွေက ကောင်းနိုင် တယ်။ ၂ဝ၁၅ က စောင့်ကြည့်ဆဲကာလဖြစ် သွားပြီး ဈေးနှုန်းတွေကတော့ ကျလာမှာ တော့မဟုတ်ဘူး''ဟု ပြောသည်။

ဝါရင့် အိမ်ခြံမြေအကျိုးဆောင် လုပ်ကိုင်နေသည့် ကိုဟိန်းက ''မြေဈေးတွေ တက်လို့ ကျပါလို့တော့ ပြောလို့မရဘူး။ သူ့ ခေတ်ကာလ လူကြိုက်တွေ့မှုတွေပေါ်မှာ မူတည်ပြီးတော့ ဈေးတွေက တက်မှာပဲ။ နိုင်ငံရေးအခြေနေကတော့ ဘယ်လုပ်ငန်း လုပ်တဲ့သူမဆို ဂရုစိုက်တာပဲ။ နိုင်ငံရေးတည် ငြိမ်မှုမရှိရင် ဘယ်စီးပွားရေးလုပ်ငန်းမှ ကောင်း မှာမဟုတ်ဘူး''ဟု ပြောသည်။

ရန်ကုန်မြို့တွင်း အိမ်ခြံမြေဈေး ကွက်အနေထားမှာ အကျိုးတူ ကန်ထရိုက် ဆောက်လုပ်ရန် ကောင်းသည့်နေရာများ နှင့် မြို့ပြင်ရှိမြို့နယ်များမှ နေရာများကိုသာ အားထားနေရသည်ဟု ရွှေကံမြေ အကျိုး ဆောင်မှ ဦးခင်မောင်အေးကဆိုသည်။

ယခင်က အိမ်ခြံမြေဈေးကွက် ပုံစံသည် ပြောင်းလဲလာတော့မည့် စီမံကိန်း မြေနေရာဝန်းကျင်များအား အကျိုးဆောင် လုပ်ကိုင်သူများနှင့် ဝယ်ရောင်းလုပ်ကိုင်သူ များက အလေးထားခဲ့ကြောင်း အိမ်ခြံမြေ ဝယ်ရောင်းလုပ်ကိုင်သူတစ်ဦးက ပြောသည်။
ယင်းက ''ခုဘာတွေဖြစ်နေလဲ ဆိုရင် ပါမစ်အကွက်တွေကို အကြိုက်များ လာတယ်။ ဒါတွေကလဲ နိုင်ငံပေါ်လစီအ ပြောင်းအလဲ နိုင်ငံရေးအခြေအနေတွေနဲ့ ဆိုင် တယ်''ဟု ပြောသည်။

ပြောင်းလဲလိုက်သည့် အခွန်နှုန်း ထားများသည် ကျပ်သိန်း ၅ဝဝ အထိ ဝယ် ယူသူများသည် ဝင်ငွေခွန်အနေဖြင့် သုံးရာ ခိုင်နှုန်းသာ ပေးဆောင်ရပြီး တံဆိပ်ခေါင်း အခွန်အဖြစ် ယခင် ခုနစ်ရာခိုင်နှုန်းမှ ငါး ရာခိုင်နှုန်းသာ ပေးဆောင်ရမည်ဖြစ်သည်။

ကျပ်သိန်း ၁ဝဝဝ မှ ၁၅ဝဝ ကြား ဝယ်သူများသည် ဝင်ငွေခွန် ၁ဝ ရာခိုင်နှုန်း နှင့် တံဆိပ်ခေါင်းခွန် ငါးရာခိုင်နှုန်းသာ ပေး ဆောင်ရမည်ဖြစ်သည်။ ကျပ်သိန်း ၃ဝဝဝ အထက် ဝယ်ယူသူများသည် ဝင်ငွေခွန် ရာ ခိုင်နှုန်း၃ဝ နှင့် တံဆိပ်ခေါင်းခွန် ငါးရာခိုင် နှုန်း စုစုပေါင်း ၃၅ ရာခိုင်နှုန်းသာ ပေး ဆောင်ရတော့မည်ဖြစ်သည်။

ယခင်တံဆိပ်ခေါင်းခွန်အနေ ဖြင့် ခုနစ်ရာခိုင်နှုန်းအား ရန်ကုန်၊ မန္တလေး နှင့်နေပြည်တော်ရှိ မြေကွက်ဝယ်ယူမှုတွင် ပေးဆောင်စေပြီး ကျန်ပြည်နယ်နှင့် တိုင်း ဒေသကြီးများတွင် တံဆိပ်ခေါင်းခွန် ငါးရာ ခိုင်နှုန်း ပေးဆောင်ခဲ့ရကြောင်း သိရသည်။

YMG အောင်သူ(ဒေးဒရဲ)
အိမ် ခြံ မြေ ရောင်း ၀ယ် ငှားလိုရင် ဒီ page ကို Like လုပ်ထားမှ အဆင်ပြေမယ်နော်
https://www.facebook.com/phoenixestate

မြေ၀ယ်ရောင်းသူများ အခွန်လျှော့ပေါ့ ခံစားခွင့် တစ်ကြိမ်သာ ရရှိမည့် စစ်ဆေးမှု စတင်မည်

မြေ၀ယ်ရောင်းသူများ အခွန်လျှော့ပေါ့ ခံစားခွင့် တစ်ကြိမ်သာ ရရှိမည့် စစ်ဆေးမှု ယခုလကုန်တွင် စတင်မည် ဖြစ်ကြောင်း ပြည်တွင်းအခွန်များ ဦးစီးဌာနမှ အကြီးတန်း အရာရှိတစ်ဦးက The Messenger သတင်းစာ သို့ပြောသည်။ မြေ၀ယ်သူများ မည်သည့် နေရာတွင် ၀ယ်ယူ ပြီးဖြစ်သည်ကို သိရှိနိုင်ရန် ၀ယ်ယူသူတစ်ဦး၏ အမည်နှင့် မှတ်ပုံတင်အား ကွန်ပျူတာတွင် ရိုက်ထည့် ပြီးပါက ပြည်တွင်း အခွန် များ ဦးစီးဌာနမှ အဆို ပါ မြေ၀ယ်ယူ သူများအား သိရှိနိုင်မည် ဖြစ်သည့် အတွက် အခွန်လျှော့ပေါ့ ခံစားခွင့်အား တစ်ကြိမ်သာ ခံစားခွင့် ရရှိရန် သက်ဆိုင်ရာ မြို့နယ် အခွန်ရုံး သို့ အကြောင်းကြား နိုင်မည် ဖြစ်ကြောင်း ပြည်တွင်း အခွန်များ ဦးစီး ဌာနမှ သိရသည်။

ဘယ်နေရာပဲဖြစ်ဖြစ် တစ်ခုခု ၀ယ်ထားပြီးပြီ ဆိုရင် ဒီလူအရင်က ဘယ်မှာဝယ်ထားပြီးပြီ၊ သက်သာခွင့် မရတော့ဘူးဆိုတာ အကြောင်းကြားစာမှာ တစ်ခါတည်း ထည့်ပေးလိုက်မယ် ဟု ပြည်တွင်း အခွန်များ ဦးစီးဌာနမှ အကြီးတန်း အရာရှိက ပြောသည်။ အိမ်ခြံမြေ ၀ယ်ယူသူ များတွင် အမှန်တကယ် နေထိုင်ရန် ၀ယ်ယူသူများ ပါဝင် သကဲ့သို့ စီးပွားရေး တစ်ရပ် အသွင် ပြုလုပ်နေသူ များလည်း ပါဝင်သည့် အတွက် ယခုလကုန် တွင်စတင် အသုံးပြုမည့် Software သည် မြေ၀ယ်ယူ ဈေးကစားသူ များအား အထိုက်အလျောက် ထိန်းချုပ်နိုင်မည် ဖြစ်ကြောင်း အထက်ပါ အရာရှိက ပြောသည်။ အခွန်တစ်ခု ဆောင်ပြီးပြီ။ ၀င်ငွေခွန် ဆောင်လိုက်ပြီးပြီ ဆိုရင် အဲဒီလူ နာမည်နဲ့ နောက်တစ်ကွက်ဆောင်လို့ မရတော့ဘူး။ အဲဒီကန့်သတ်ချက် ရှိတာက ၀ယ်ရောင်း သမားတွေကို ချုပ်တဲ့သဘောပေါ့ ဟု စိုင်းခွန်နောင် အိမ်ခြံမြေ အကျိုးဆောင်ကုမ္ပဏီ လီမိတက်မှအထွေထွေ မန်နေဂျာ ဦးရန်အောင် က The Messenger သတင်းစာသို့ ပြောသည်။

ပြည်တွင်း အခွန်များ ဦးစီးဌာနမှ မြေယာ ၀ယ်ယူမှုအပေါ် အခွန်လျှော့ချ ကောက်ခံပေး ခဲ့ခြင်းသည် မြေ၀ယ်ရောင်းများ အတွက် ပိုင်ဆိုင်မှုအား ပိုကောင်းစေရန် လမ်းဖွင့်ပေးသည့် သဘောဖြစ်ပြီး ယခင်က မြေ၀ယ်ယူ ထားသူများမှာ အခွန်နှုန်းကို ကြောက်သည့် အတွက် အရပ်စာချုပ်ဖြင့်သာ ချုပ်ဆိုခဲ့ကြရာ ယခုတွင် အမည်ပေါက် ပြုလုပ်သူများ လာကြောင်း ၎င်း ကပြောသည်။ ယခင် အိမ်ခြံမြေ ဈေးနှုန်း အရ မည်သည့် အိမ်ခြံမြေ တန်ဖိုးဖြစ်စေ၊အခွန်နှုန်းမှာ (၃၀) ရာခိုင်နှုန်း ပေးဆောင် ခဲ့ရပြီးယခုလက်ရှိတွင် အိမ်ခြံမြေ ဈေးနှုန်း တန်ဖိုးအပေါ်လိုက်၍ တစ်ကျပ်မှသိန်း (၅၀၀) ကျပ်အထိ (၅) ရာခိုင်နှုန်း၊ ကျပ်သိန်း (၅၀၀)မှ ကျပ်သိန်း (၁၅၀၀)အထိ (၁၀)ရာခိုင်နှုန်း၊ ကျပ် သိန်း (၁၅၀၀)မှ ကျပ်သိန်း (၃၀၀၀)အထိ (၂၀) ရာခိုင်နှုန်း၊ ကျပ် သိန်း (၃၀၀၀)နှင့်အထက် (၃၀) ရာခိုင်နှုန်း စသည်ဖြင့် ပြောင်းလဲလျှော့ချပေးခဲ့သည်။ ယင်းသို့ ပြောင်းလဲခဲ့သည့် အခွန်နှုန်းမှာ ဧပြီ လ(၁)ရက်တွင် စတင် အသက်ဝင်ခဲ့ကြောင်း ပြည်တွင်းအခွန်များ ဦးစီးဌာနမှ သိရသည်။

YMG
အိမ် ခြံ မြေ ရောင်း ၀ယ် ငှားလိုရင် ဒီ page ကို Like လုပ်ထားမှ အဆင်ပြေမယ်နော်
https://www.facebook.com/phoenixestate

လက်ရှိဖြစ်ပေါ်နေသော အိမ်ခြံမြေဈေး အလွန်အမင်းကြီးမြင့်မှုကို ထိန်းချုပ်နိုင်ရန် မြေပိုင်ရှင်ရှိသော်လည်း အသုံးမချဘဲ ဈေးကစားရန် စောင့်ဆိုင်းနေသည့် မြေကွက်များကို အခွန်ကောက်သင့်ကြောင်း သုံးသပ်မှုများရှိနေ


ကမာရွတ်မြို့နယ်အတွင်းရှိ အိမ်ရာများကို တွေ့ရစဉ်

မြန်မာနိုင်ငံတွင် လက်ရှိဖြစ်ပေါ်နေသော အိမ်ခြံမြေဈေး အလွန်အမင်းကြီးမြင့်မှုကို အတိုင်းအတာတစ်ခုအထိ ထိန်းချုပ်နိုင်ရန် မြေပိုင်ရှင်ရှိသော်လည်း အသုံးမချဘဲ ဈေးကစားရန် စောင့်ဆိုင်းနေသည့် မြေကွက်များကို အစိုးရအနေနှင့် ထိထိရောက်ရောက် ကိုင်တွယ်သင့်ကြောင်း စီးပွားရေးပညာရှင်အချို့နှင့် ဈေးကွက်လေ့လာ စောင့်ကြည့်သူများက ပြောကြားသည်။

“မြေပိုင်ရှင်ရှိပြီး အသုံးမချတဲ့ မြေကွက်တွေနဲ့ ပတ်သက်ပြီး အစိုးရဘာတွေ လုပ်သင့်သလဲဆိုတာ စဉ်းစားဖို့ လိုလာပါတယ်။ မြန်မာနိုင်ငံမှာ အထူးသဖြင့် ရန်ကုန်ပတ်ဝန်းကျင်နဲ့ စက်မှုဇုန်တွေမှာ အဲဒီပြဿနာ ရှိနေပါတယ်။ မြေကွက်တွေကို ကိုင်ထားပြီး အသုံးမချဘဲ ဈေးကစားဖို့ စောင့်နေတာပါ” ဟု အိမ်ခြံမြေဈေးကွက်အား စောင့်ကြည့် လေ့လာနေသူတစ်ဦးက ပြောကြားသည်။

“မြန်မာပြည်ရဲ့ taxtion policy က out of bound ဖြစ်နေတယ်။ နည်းနည်း ဗြဲလရမ်းဆန်တယ်။ အမှန်တော့ အိမ်ခြံမြေမှာ limit လုပ်တဲ့ ကိစ္စဆိုပါတော့  minimum ကိုသွားပြီး limit လုပ်နေတယ်ဗျာ။ maximum ကျတော့ လွှတ်ပေးထားသလို ဖြစ်နေတယ်။ အမှန်မှာတော့ tax က progressive tax ဖြစ်ရမယ်။ ဆိုတော့ ၀င်ငွေများလေလေ အခွန်နှုန်းထားကလည်း များလေလေ ဖြစ်ရမယ်။ သူများနိုင်ငံမှာတော့ properties gain tax တို့ capital gain tax တို့နဲ့ ကောက်တယ်။ သူကပိုင်ဆိုင်မှုများရင် အခွန်ကောက်ခံ မှုလည်းများတယ်။ နည်းရင်ကောက်ခံမှုလည်း နည်းတယ်။ သူက income tax လိုပဲ။ ဒီမှာက ပြောင်းပြန် ပိုင်ဆိုင်မှုနည်းရင် ပုံသေသတ်မှတ်တယ်။ များလို့ရှိရင် ကင်းလွတ်ခွင့်ရတယ်” ဟု ရန်ကုန်တက္ကသိုလ် အသုံးချဘောဂဗေဒဌာနမှ အငြိမ်းစားပါမောက္ခ ဒေါက်တာမောင်မောင်စိုးက ပြောကြားသည်။

“ဈေးကွက်မှာ ဈေးကစားတာတွေကို ဘယ်လိုထိန်းချုပ်မလဲဆိုတဲ့ အချက်နဲ့ ပတ်သက်ပြီးပြောချင်တာက အချို့နိုင်ငံတွေမှာ  properties gain tax ဆိုတာ ရှိပါတယ်။ နောက်တစ်ခုက သူများနိုင်ငံတွေမှာ မြေကွက်လပ်တွေရှိနေရင် idle tax ကောက်တယ်။ land speculation ကို လုပ်ချင်တိုင်း လုပ်လို့မရဘူး။ မြေကွက်လပ်တိုင်းကို ငါးရာခိုင်နှုန်း ကောက်တယ်။ ဒီတော့အနှစ်၂၀ ပစ်ထားရင် သူ့တန်ဖိုး အကုန်လျော်ရသလို ဖြစ်နေပါတယ်။ ဆိုတော့ သိန်း ၁၀၀၀ တန် မြေကွက်ကို အနှစ် ၂၀ ပစ်ထားရင် အစိုးရကို သိန်း ၁၀၀၀ ထပ်ပေးရမှာပါ။ ဈေးတက်တာက ငါးရာခိုင်နှုန်း မကျော်ဘူး။ ဒီတော့ငှားပစ်ရတော့မယ်။ အခုက ရန်ကုန်မှာ သူဌေးတွေက မြေကွက်တွေကိုဝယ်ပြီး ကိုင်ထားတယ်။ ကိုင်ထားတာကိုလည်း ထိထိရောက်ရောက် အရေးမယူနိုင်ပါဘူး” ရန်ကုန်မြို့ရှိ အငြိမ်းစားညွှန်ကြားရေးမှူး တစ်ဦးက ပြောကြားသည်။

ရန်ကုန်မြို့တွင် စက်မှုဇုန်များ အကောင်အထည်ဖော် ဆောင်ရွက်ခဲ့သည်မှာ အနှစ် ၂၀ ခန့်ရှိပြီဖြစ်သော်လည်း လက်ရှိအချိန်အထိ အဆိုပါစက်မှုဇုန်များ၌ မြေကွက်များ ရယူထားပြီး အကောင်အထည် မဖော်သေးသည့် မြေကွက်များ ရှိနေသေးကြောင်း လှိုင်သာယာစက်မှုဇုန်မှ လုပ်ငန်းရှင် ဦးသန်းစိုးက ပြောကြားသည်။

“ဒီမှာတော့ property gain tax ကောက်တယ်ဆိုတာ မကြားဖူးသေးဘူး။ ဘာမှမလုပ်ဘဲ ထားတဲ့မြေတွေကို အခွန်ကောက်လို့ရတာပေါ့။ vacant land တွေကိုလေ။ အချိန်ကြာသည်အထိ ဘာမှမလုပ်ဘဲထားတဲ့ မြေတွေ။ ဒါတွေကို tax ကောက်လိုက်ရင် သူက development ဖြစ်အောင် လုပ်တော့မှာပေါ့။ မြေကိုအကြာကြီး လှောင်ထားတာတွေ မရှိနိုင်တော့ဘူးပေါ့။ တိုင်းပြည်ကို ဖွံ့ဖြိုးတိုးတက်ဖို့ အထောက်အကူဖြစ်စေမယ်” ဟု မြို့ရွာနှင့်အိုးအိမ် ဖွံ့ဖြိုးရေးဦးစီးဌာနမှ အငြိမ်းစား ဒုတိယညွှန်ကြားရေးမှူး ဦးမြင့်ဆွေက သုံးသပ်ပြောကြားသည်။

အလားတူ လက်ရှိအခြေအနေတွင် ဖြစ်ပေါ်နေသော အိမ်ခြံမြေဈေးနှုန်း အလွန်အမင်း ကြီးမြင့်မှုများနှင့် ဈေးကစားမှုများသည် ၂၀၀၈ ဖွဲ့စည်းပုံ အခြေခံဥပဒေ ၃၆ (ခ) တွင် ဖော်ပြထားသော ဖော်ပြချက်အရ အများပြည်သူ အကျိုးစီးပွားကို ထိခိုက်စေသော လက်ဝါးကြီးအုပ်ဆောင်ရွက်မှု၊ တစ်နည်းအားဖြင့် ဈေးကစားမှုများ ဖြစ်နေသည့်အတွက် အစိုးရအနေဖြင့် ပြန်လည်စိစစ်သင့်ကြောင်း ဥပဒေပညာရှင်များက သုံးသပ်ကြသည်။

၂၀၀၈ ဖွဲ့စည်းပုံအခြေခံဥပဒေ ၃၆ (ခ) တွင် စီးပွားရေးလုပ်ငန်းများတွင် တရားသဖြင့် ယှဉ်ပြိုင်ခြင်းကို ပျက်ပြားစေရန် တစ်ဦးတစ်ယောက်က ဖြစ်စေ၊ အစုအဖွဲ့ ဖြစ်စေ၊ လက်ဝါးကြီးအုပ် ဆောင်ရွက်မှု (သို့မဟုတ်) ဈေးကစားမှုပြုခြင်းဖြင့် အများပြည်သူ အကျိုးစီးပွားကို ထိခိုက်နစ်နာစေခြင်းမှ တားဆီးကာကွယ်မည်ဟု ဖော်ပြထားသည်။

“လက်ရှိ အိမ်ခြံမြေဈေးနှုန်းတွေ ဒီလောက်ကြီးမြင့်နေမှုဟာ ဈေးကစားလို့ ဒီလောက်ကြီးမြင့်လာတယ်ဆိုတာ သိကြတာပဲ။ ဒါတွေကို အစိုးရအနေနဲ့ပြန်ပြီး စိစစ်သင့်တယ်လို့ မြင်ပါတယ်။ အမှန်အတိုင်း ပြောရရင် အမိန့်ညွှန်ကြားစာတွေနဲ့ ပိုင်ဆိုင်မှုကို စစ်ဆေးပေးသင့်တယ်။ တစ်လောကလည်း ဂျပန်တွေက မြန်မာနိုင်ငံ ကုန်သည်များနဲ့ စက်မှုလက်မှုလုပ်ငန်းရှင်များ အသင်းမှာ ဒါပဲပြောတယ်။ နယူးယောက်ထက် ဈေးကြီးနေတော့ ရင်းနှီးမြှုပ်နှံသူတွေ တော်တော်များများက လန့်ပြေးကြတယ်။ ဒါကြောင့် ဒါကိုတားဆီးဖို့ဆိုရင် အခြေခံဥပဒေရဲ့ လုပ်ပိုင်ခွင့်အရလည်း တားဆီးလို့ရတယ်။ ပြီးတော့ အုပ်ချုပ်ရေးအာဏာနဲ့လည်း ထိထိရောက်ရောက် ကိုင်တွယ်ဆောင်ရွက် သင့်တယ်လို့ မြင်ပါတယ်။ အားလုံးသိတဲ့အတိုင်း ငွေမည်းတွေကလည်း ဒီဈေးကွက်ထဲကို ၀င်နေတယ်ဆိုတော့ ဒါကိုအစိုးရက စိစစ်တာမျိုး လုပ်ပေးသင့်ပါတယ်” ဟုတရားရုံးချုပ်ရှေ့နေ ဦးသန်းမောင်က ပြောကြားသည်။

မြန်မာနိုင်ငံတွင် ပြီးခဲ့သည့် နှစ်နှစ်လောက်ကစ၍ အိမ်ခြံမြေဈေးကွက်တွင် အလွန်အမင်း ဈေးကစားမှုများ ရှိခဲ့ကြောင်း၊ ယခင်က ရွှေ၊ ကား လုပ်ငန်းများတွင်သာ အဓိကထား ရင်းနှီးမြှုပ်နှံလာခဲ့ရာမှ ပြီးခဲ့သည့် နှစ်နှစ်ကျော် ကာလအတွင်း နိုင်ငံရေး၊ စီးပွားရေးအရ ပွင့်လန်းလာသည့် အနေအထားများကြောင့် ဈေးကစားမှု အလွန်အမင်း ပြုလုပ်လာကြကြောင်း၊ ထိုသို့ပြုလုပ်သူများမှာလည်း အိမ်ခြံမြေကို အများအပြား ချုပ်ကိုင်ထားသူများ ဖြစ်ကြောင်း သိရသည်။

မြန်မာနိုင်ငံ၏ အိမ်ခြံမြေဈေးကွက်ကို ၀င်ရောက်ကစားကြသည့် ငွေများတွင် ငွေမည်းများ များစွာပါဝင်နေကြောင်း၊ အထူးသဖြင့် ဘိန်းမှောင်ခိုကူးခြင်းမှ ရရှိသောငွေများလည်း ၀င်ရောက်မှုများ ရှိနေကြောင်း၊ အလားတူ မြန်မာနိုင်ငံတွင် တည်ဆဲဥပဒေအရ နိုင်ငံခြားသား တရားဝင်မြေပိုင်ခွင့် မရှိကြောင်း၊ အကယ်၍ ၀ယ်ယူခဲ့ပါက ရောင်းသူရော၊ ၀ယ်ယူသူပါ ဥပဒေကိုချိုးဖောက်ရာ ရောက်သောကြောင့် အရေးယူနိုင်သော်လည်း ထိရောက်သော အရေးယူမှုအပိုင်းတွင် အားနည်းမှုများကြောင့် ပြည်တွင်းမှ မြေများအား နိုင်ငံခြားသားများ ပိုင်ဆိုင်မှု မြင့်တက်လာကြောင်း၊ အထူးသဖြင့် ကျောက်မှောင်ခို၊ ဘိန်းမှောင်ခို၊ သစ်မှောင်ခို လုပ်ငန်းများမှငွေများ ၀င်ရောက်နေကြောင်း သုံးသပ်မှုများလည်း ရှိသည်။ အလားတူ ပြီးခဲ့သည့်နှစ်ကလည်း ဘဏ်တိုးနှုန်း ကွာဟမှုများကြောင့် အိမ်ခြံမြေဈေးကွက်တွင် ၀င်ကစားသွားခဲ့သည့် သာဓကများရှိကြောင်း သိရသည်။

Eleven
အိမ် ခြံ မြေ ရောင်း ၀ယ် ငှားလိုရင် ဒီ page ကို Like လုပ်ထားမှ အဆင်ပြေမယ်နော်
https://www.facebook.com/phoenixestate

ယုဇနဥယျာဉ်မြို့တော်ရှိ တိုက်ခန်းငှားရမ်းခ နှုန်းထားများ ယခင်ကထက် ထက်ဝက်ခန့် မြင့်တက်လာကြောင်း ယုဇနဥယျာဉ်မြို့တော်တွင် နေထိုင်သူများထံမှ သိရသည်။



ယုဇနဥယျာဉ်မြို့တော်တွင် တိုက်ခန်းငှားရမ်းခ နှုန်းထားများအနေဖြင့် ယခင်မြေညီထပ်လျှင် ကျပ်ရှစ်သောင်း ၀န်းကျင်ခန့်မှ ယခုတစ်သိန်းနှစ်သောင်း ၀န်းကျင်သို့လည်းကောင်း၊ ယခင်ပထမထပ်လျှင် ကျပ်ခုနစ်သောင်းခန့်မှ ယခုကျပ်တစ်သိန်း ၀န်းကျင်သို့လည်းကောင်း၊ ယခင်ဒုတိယထပ်လျှင် ခြောက်သောင်းခန့်မှ ယခုကျပ်ရှစ်သောင်း ၀န်းကျင်ခန့်သို့လည်းကောင်း၊ ယခင် တတိယထပ်လျှင် ကျပ်လေးသောင်းခွဲခန့်မှ ယခုကျပ်ခြောက်သောင်း ၀န်းကျင်သို့လည်းကောင်း၊ ယခင်အပေါ်ဆုံးထပ်လျှင် လေးသောင်းခန့်မှ ယခုငါးသောင်းခွဲအထိ လည်းကောင်း အသီးသီးမြင့်တက် လာခြင်းဖြစ်သည်။

“အခုဖြစ်နေတာက မြို့ထဲမှာ တိုက်ခန်းဈေးတွေမြင့်လာတော့ မြို့ထဲကနေ ယုဇနကို ပြောင်းလာနေချင်တဲ့ လူတွေလည်း အရမ်းများနေတယ်။ အဲဒီတော့ ပွဲစားတွေက အိမ်တွေကို ချုပ်ကိုင်ထားပြီး ဈေးကစားနေတာ တွေ့ရတယ်။ အိမ်ငှားဈေးဆိုရင် နှစ်လ၊ သုံးလအတွင်း သိသိသာသာ တက်လာတယ်။ သူတို့က ကိုယ်ကျိုးအတွက် အဆမတန် ဈေးတင်ပြီးတောင်းတာ မဖြစ်သင့်မှန်းသိပေမယ့် တကယ်နေချင်တဲ့သူတွေ အနေနဲ့ကလည်း တခြားနေရာထပ်စာရင် ယုဇနမှာက နည်းနည်းပိုသက်သာနေတော့ အိမ်ငှားကများ နေဦးမှာပါပဲ” ဟု ယုဇနဥယျာဉ်မြို့တော်၌ နေထိုင်သူ မသီတာက ဆိုသည်။

ယုဇနဥယျာဉ်မြို့တော်၌ နေထိုင်ကြသူများ အနေဖြင့် နှစ်စဉ်နွေရာသီတွင် ရေရှားပါးမှုပြဿနာကို ကြုံတွေ့ရပြီး သုံးရေ တစ်စည်လျှင် ကျပ်တစ်ထောင့်နှစ်ရာမှ ကျပ်တစ်ထောင့်ရှစ်ရာအတွင်း အထပ်အနိမ့်အမြင့် ပေါ်တွင်မူတည်၍ ၀ယ်ယူသုံးစွဲနေရကြောင်း သိရသည်။

“ကျွန်တော်တို့ ယုဇနဥယျာဉ်မြို့တော်မှာ နေလာတဲ့ သက်တမ်းတစ်လျှောက်မှာ အခုချိန်က အိမ်ငှားဈေးအမြင့်ဆုံးလို့ ပြောလို့ရပါတယ်။ အရင်တုန်းကတော့ ယုဇနမှာ ရေမကောင်းဘူး။ သွားရေး၊ လာရေး ခက်ခဲတယ်ဆိုပြီး သိပ်မနေချင်ကြပေမယ့် အခုနောက်ပိုင်းမှာတော့ စည်ပင်ကရေပေးဝေဖို့ စီစဉ်နေတာတွေနဲ့ သွားရေး၊ လာရေးအတွက် ခရီးလမ်းလည်း အဆင်ပြေချောမွေ့ လာတာကြောင့် အိမ်လာငှားနေတဲ့ လူတွေလည်း သိသိသာသာ တိုးလာတယ်။ အခုနောက်ပိုင်းဆိုရင် ယုဇနတိုက်ခန်းတွေမှာ အလွတ်ဖြစ်နေတဲ့ အခန်းဆိုတာ မရှိသလောက်ပါပဲ” ဟု အကျိုးဆောင်လုပ်ငန်း လုပ်ကိုင်သူ ဦးမောင်အေးက ဆိုသည်။

ယုဇနဥယျာဉ် အပါအ၀င် ဒဂုံမြို့သစ်လေးမြို့နယ်နှင့် သီလ၀ါအထူးစီးပွားရေးဇုန်ကိုပါ ရေပေးဝေမည့် လဂွန်းပြင် ရေပေးဝေရေး စီမံကိန်းအသစ်ကို ၂၀၁၃ ခုနှစ် မေလတွင် စတင်အကောင်အထည်ဖော်ခဲ့ရာ ယင်းစီမံကိန်းမှ ၂၀၁၅ ခုနှစ်တွင် ယုဇနဥယျာဉ်မြို့တော်သို့ ရေစတင်ပေးဝေမည် ဖြစ်ကြောင်းနှင့် ယင်းအတွက် ရေပိုက်လိုင်းများ စတင်သွယ်တန်းနေပြီ ဖြစ်ကြောင်းသိရသည်။

Eleven
အိမ် ခြံ မြေ ရောင်း ၀ယ် ငှားလိုရင် ဒီ page ကို Like လုပ်ထားမှ အဆင်ပြေမယ်နော်
https://www.facebook.com/phoenixestate

ဆောက်လုပ်ရေးပစ္စည်းဈေး ပြီးခဲ့သည့်လ ဈေးများအောက်ကျဆင်း



ရန်ကုန်မြို့ရှိ ကျောက်စရစ်ဒိုင်သို့ ရောက်ရှိလာသော ကျောက်စရစ်များကို ပြန်လည်ရောင်းချရန် သယ်ယူလာကြစဉ်။ ဓာတ်ပုံ - အေအက်ဖ်ပီ

မိုးတွင်းကာလ နီးကပ်လာသည့်အတွက် အိမ်ဆောက်ပစ္စည်းဈေးကွက်တွင် ဈေးနှုန်းများ ကျဆင်း
လာပြီး လွန်ခဲ့သောလကဈေးများနှင့် နှိုင်းယှဉ်ပါက ကျဆင်းလာကြောင်း အိမ်ဆောက် ပစ္စည်း
ရောင်းဝယ်ရေးလုပ်ငန်းရှင်များက ပြောသည်။

သဲ
"မေလဆန်းလောက်ကစပြီး သဲဈေးတွေ နည်းနည်းကျသွားတယ်လို့ ပြောရမယ်။

လွန်ခဲ့ တဲ့နှစ်လလောက်က သဲတစ်ကျင်း ၁၉,၀၀၀ လောက်ရှိရာက အခု သဲတစ်ကျင်း ၁၇,၀၀၀
ပြန် ဖြစ်သွားတယ်။ ဒီနှစ် နှစ်ဆန်းပိုင်းလောက် ကစပြီး သဲဈေးက အရင်နှစ်တွေထက် ဈေး ကောင်း
ပြီး ၁၅,၀၀၀ကျော်နဲ့စပြီး အရောင်းအ၀ယ် ဖြစ်နေတာ"ဟု မဟေသီ သဲကျောက် ဘိလပ်မြေ
ရောင်းဝယ်ရေးမှ ကိုစိုင်းမျိုးက ပြောသည်။

သဲတစ်ကျင်း ၁၇,၀၀၀ ဖြစ်သော်လည်း အထိုင်ဈေးမှာ သဲတစ်ကျင်း ၁၀,၀၀၀ သာရှိကြောင်း
ကိုစိုင်းမျိုးက ပြောသည်။

"သဲကို လိုက်ပို့ရမယ်ဆိုရင် တစ်ကျင်း ၁၇,၀၀၀ လောက်ကျပေမယ့် အထိုင်ဈေးက တော့
တစ်ကျင်း ၁၀,၀၀၀ ပဲ။ ကားရှိတဲ့သူတွေက ကိုယ့်ကားနဲ့ကိုယ် လာဝယ် ကြတယ်။ သဲကို အိတ်နဲ့
ထည့်ပေးရမယ်ဆိုရင် အိတ်ထည့်ခ တစ်အိတ် ငါးရာတော့ပေးရမယ်"ဟု ၎င်းကပြောသည်။

အုတ်
အုတ်ဈေးမှာ ဧပြီလကဈေးအောက် တစ်လုံး လျှင် ကျပ် ၁၀ ခန့်ဈေးကျသွားပြီး လက်အုတ်
ဈေးမှာ တစ်လုံး ကျပ် ၁၀၀ နှင့် စက်အုတ် ဈေးမှာ တစ်လုံး ကျပ် ၁၁၀ ဖြစ်သည်။

"စက်အုတ်ဈေးက မတ်လမှာ တစ်လုံး ကျပ် ၁၀၀ ပဲ ရှိရာက ဧပြီလမှာ ၁၂၀ ဆိုပြီး ဈေးတက်
သွားတယ်။ အခုမှ တစ်လုံး ၁၁၀ ဆိုပြီး အုတ်တစ်လုံးကို ၁၀ လောက်ကျသွားတာ။ အုတ်ဈေး
နည်းနည်းကျသွားပေမယ့် ဈေးကျလို့ ပိုဝယ် ထားတာမျိုးကို မလုပ်ဘူး။ မိုးတွင်းဆိုရင် ဈေးနည်း
နည်း ထပ်ကျနိုင်သေးတယ်။ မကြာခင် အရင်ဈေး ၁၀၀ ပြန်ဖြစ်မယ်ထင်တယ်"ဟု မြတ်မင်း
ဆောက်လုပ်ရေးက ကိုအောင်ထွေးကပြောသည်။

ကျောက်စရစ်
ကျောက်စရစ်ဈေးမှာ လွန်ခဲ့သော လက်ရှိ ဈေးအောက် အနည်းငယ်ကျသွားပြီး
လက်ရှိ ဈေးမှာ ကျောက်စရစ်တစ်ကျင်းလျှင် ကျပ် ၁၁၀,၀၀၀ ရှိသည်။

"ကျောက်စရစ်ဈေးက အခု တစ်သိန်း တစ်သောင်းဝန်းကျင်ရှိပြီး ပြီးခဲ့တဲ့လကထက် မဆိုစလောက်
လေး ကျသွားတယ်။ လွန်ခဲ့တဲ့ ငါးလလောက်ကဆိုရင် ကျောက်တစ်ကျင်းကို ခြောက်သောင်း
လောက်ပဲရှိရာက ဈေးနှစ်ဆ နီးပါးတက်သွားပြီး အဲဒီဈေးကနေ ပြန်ကိုမကျတော့တာ။ ပြန်ကျရင်
လည်း မဆိုသလောက်လေးပဲ ကျတယ်" ဟု မဟေသီသဲကျောက်ဘိလပ်မြေရောင်းဝယ်ရေးမှ
ကိုစိုင်းမျိုးကပြောသည်။

ဘိလပ်မြေ
ဘိလပ်မြေဈေးမှာ လွန်ခဲ့သောခြောက်လ ကျော်ခန့်မှစ၍ ဆင်တံဆိပ်ဘိလပ်မြေ
တစ်အိတ် ကျပ် ၅,၅၀၀၊ ကြံ့တံဆိပ်ဘိလပ်မြေ တစ်အိတ် ကျပ် ၅,၀၀၀ နှင့် ဈေးငြိမ်လျက်
ရှိသည်။

ဆောက်လုပ်ရေးသုံး သံချောင်း ဆောက်လုပ်ရေးလုပ်ငန်းများတွင် အဓိက ကျသောသံချောင်း
များမှာလည်း ယခုလ အတွင်း ဈေးအနည်းငယ်ကျဆင်းလာကြောင်း လုပ်ငန်းရှင်များကပြောသည်။

"မြန်မာနိုင်ငံထုတ် သုံးမူးနဲ့ ငါးမူးအရွယ် သံချောင်းဇုန်အပြည့်တစ်တန်ကို ငါးသိန်း လောက်ရှိတယ်။
ခြောက်မူးဆိုရင်တော့ ငါးသိန်း နှစ်သောင်းကျတယ်။ နိုင်ငံခြားဖြစ်ဆိုရင်တော့ တစ်တန်ကို
ခြောက်သိန်းဝန်းကျင်လောက် ရှိတယ်။ သံဈေးတွေက အရင်ကထက် တစ်တန် ကို တစ်သောင်း
ဝန်းကျင်လောက်တော့ ဈေးကျ သွားတယ်"ဟု မိဘမေတ္တာအိမ်ဆောက်သံထည် ပစ္စည်းနှင့်
အထွေထွေရောင်းဝယ်ရေးမှ ကိုကောင်းခန့်က ပြောသည်။

အိမ်မိုးသွပ်
သွပ်ပြားဈေးမှာ ကြယ်စိမ်းသွပ်ပြားအထူ တစ်ပေပတ်လည်လျှင် ကျပ် ၃၉၀ ဖြစ်ပြီး
အပါး တစ်ပေပတ်လည် ကျပ် ၂၉၀ ဖြစ်သည်။ ကာလာသွပ်ပြား တစ်ပေပတ်လည်လျှင် ပွိုင့်
အလိုက် ကျပ် ၇၃၀ မှ ၉၅၀ အထိ ပေါက်ဈေးရှိသည်။

"အရင်က ရိုးရိုးသွပ်ပြားတွေပဲ အ၀ယ်လိုက် ပေမယ့် အခုနောက်ပိုင်း ကာလာသွပ်ပြား တွေကို
ပိုဝယ်ကြတယ်။ ကာလာသွပ်ပြားက ရိုးရိုး စတီးသွပ်ပြားတွေထက် ဘေးအကျယ် ပိုကျယ် တော့
လူကြိုက်လည်း ပိုများတယ်"ဟု ကိုကောင်းခန့်ကပြောသည်။

တင်ရတနာထွန်း
အိမ် ခြံ မြေ ရောင်း ၀ယ် ငှားလိုရင် ဒီ page ကို Like လုပ်ထားမှ အဆင်ပြေမယ်နော်
https://www.facebook.com/phoenixestate

အခန်း ၆၀၀ ကျော်ပါ ဟိုတယ်၂၀၁၆ နှစ်ကုန်ပြီးမည်


ဆောက်လုပ်မည့် ဟိုတယ်နမူနာပုံစံ။ဆောက်လုပ်မည့် ဟိုတယ်နမူနာပုံစံ။

ရန်ကုန်မြို့ ပြည်လမ်း အင်းလျားကန်အနီး ဆင်ဖြူရှင်ရိပ်သာနေရာ၌ တည်ဆောက်မည့်
အထပ်မြင့် ၂၉ ထပ်ပါဝင်ပြီး မြန်မာနိုင်ငံ၏ အကြီးဆုံးဟိုတယ်ဖြစ်လာမည့် Daewoo Amara
Hotel စီမံကိန်းကို ၂၀၁၆ ခုနှစ်၊ ဒီဇင်ဘာလတွင် အပြီးတည်ဆောက်မည်ဟု မေလ ၁၂ ရက်နေ့
တွင် ကျင်းပသော အုတ်မြစ်ချ အခမ်းအနား၌ ထိုဟိုတယ်၏ အမှုဆောင်အရာရှိချုပ်
မစ္စတာဟန်ချန်ကန်က ပြောသည်။

Daewoo Amara Hotel ကို နိုင်ငံတကာ အဆင့်မီဟိုတယ်တစ်ခုအဖြစ် အထပ်ပေါင်း ၂၉ ထပ်၊
အခန်းပေါင်း ၃၁၅ ခန်းပါဝင်တဲ့ အထပ်မြင့်ဟိုတယ်၊ အထပ်ပေါင်း ၁၅ ထပ်နဲ့ အခန်းပေါင်း ၃၄၆ ခန်း
ပါဝင်တဲ့ ဇိမ်ခံဟိုတယ် တို့ကို တည်ဆောက်သွားမှာဖြစ်ပြီး ရန်ကုန်မြို့ရဲ့ အကြီးဆုံး အထင်ကရ
နေရာဖြစ်လာဖို့ မျှော်လင့်ပါတယ်"ဟု မစ္စတာဟန် ကပြောသည်။

ထိုဟိုတယ်ကို မြေဧက စတုရန်းမီတာ တစ်သိန်းလေးထောင်ကျော်ပေါ်တွင် ဟိုတယ် အကျယ်
နှစ်သောင်းနှစ်ထောင် စတုရန်းမီတာ နေရာယူကာ တည်ဆောက်မည်ဖြစ်သည်။

"ဟိုတယ်စီမံကိန်းအတွက် အမေရိကန်ဒေါ်လာသန်း ၂၀၀ ကျော် ရင်းနှီးမြှုပ်နှံမှာဖြစ်ပြီး ဟိုတယ်
တွေကို နိုင်ငံတကာအဆင့်မီဟိုတယ်အဖြစ် ဆောင်ရွက်သွားမှာ ဖြစ်ပါတယ်"ဟု ၎င်းက
ပြောသည်။

ဟိုတယ်ကို ကိုရီးယားက Daewoo International ကုမ္ပဏီ၊ KDB Daewoo Securities ကုမ္ပဏီ၊
 Posco E&C ကုမ္ပဏီ၊ Hotel Lottle ကုမ္ပဏီတို့နှင့် မြန်မာဘက်က IGE Groups ကုမ္ပဏီတို့
၈၅ ရာခိုင်နှုန်း၊ ၁၅ ရာခိုင်နှုန်းအချိုးဖြင့် အကျိုးတူပူးပေါင်း ဆောင်ရွက်ခြင်းဖြစ်သည်။

ဟိုတယ်နှင့်ခရီးသွားဝန်ကြီးဌာန ပြည်ထောင်စု ၀န်ကြီး ဦးဌေးအောင်က "မြန်မာနိုင်ငံမှာ ဒီလို
ရင်းနှီးမြှုပ်နှံမှုတွေလုပ်ဖို့ ဖိတ်ခေါ်ပါတယ်။ နိုင်ငံတစ်ဝန်းမှာ နိုင်ငံခြားရင်းနှီးမြှုပ်နှံမှု အထူး စီမံကိန်း
၃၉ ခုရှိနေပါတယ်"ဟု ပြောသည်။

ဟိုတယ်တည်ဆောက်ရန် ၂၀၁၂ ခုနှစ်၊ စက်တင်ဘာလတွင် မြေနေရာတင်ဒါရရှိပြီး ၂၀၁၃ ခုနှစ်၊
မေလတွင် လုပ်ငန်းရင်းနှီးမြှုပ်နှံမှု စာချုပ်ချုပ်ဆိုခဲ့သည်။ ၂၀၁၃ ခုနှစ်၊ အောက်တိုဘာလတွင်
မြန်မာနိုင်ငံရင်းနှီးမြှုပ်နှံမှု ကော်မရှင်၏ ခွင့်ပြုချက်ရရှိပြီး ပြီးခဲ့သည့် ဖေဖော်ဝါရီလမှ စတင်ခါ
တည်ဆောက်ရေးလုပ်ငန်းများကို စတင်နေသည်။

တင်ရတနာထွန်း
အိမ် ခြံ မြေ ရောင်း ၀ယ် ငှားလိုရင် ဒီ page ကို Like လုပ်ထားမှ အဆင်ပြေမယ်နော်
https://www.facebook.com/phoenixestate

အခွန်နှုန်းထား ပြင်ဆင် သော်လည်း အခွန်ဆောင် သူ နည်းပါးနေသေး


ရန်ကုန်မြို့၏အိမ်ခြံမြေဈေးကွက်မှာ အလာအလာကောင်းသည့် စီးပွားရေးလုပ်ငန်းတစ်ခုအဖြစ် ရင်းနှီးမြှုပ်နှံမှု ပြုလုပ်လာကြခြင်းကြောင့် အကျိုးအမြတ်များလာသော်လည်း အခွန်ထမ်းအရေအတွက်မှာမူ နည်းပါးနေသေးသည်။ ဓာတ်ပုံ - ကောင်းထက်

၂၈ မြို့နယ် ပါဝင်သည့် ရန်ကုန်စည်ပင်သာယာ နယ်နိမိတ်အတွင်း နေ့စဉ်အရောင်းအ၀ယ် ပြုလုပ်
လျက်ရှိသော ရန်ကုန်မြို့၏ အိမ်ခြံမြေဈေးကွက်အတွင်း ၀င်ငွေ ရလမ်းဖော်ပြခြင်းမရှိပါက အခွန်
ဆောင်သူဦးရေမှာအလွန်နည်းပါးနေဦးမည်ဖြစ်ပြီး လက်ရှိပေးဆောင်လျက်ရှိသည့်ဦးရေမှာလည်း
လက်ရှိအရောင်းအ၀ယ်ဖြစ်မှုနှင့် နှိုင်းယှဉ်ကြည့်ပါက လွန်စွာနည်းပါး နေသေးကြောင်း ပြည်တွင်း
အခွန်များဦးစီးဌာနမှ တာဝန်ရှိသူများက မြန်မာတိုင်း(မ်)ကို ပြောသည်။

"ရန်ကုန်စည်ပင်သာယာနယ်နိမိတ်မှာ ၂၈ မြို့နယ်ရှိပြီး အိမ်မြေ၀ယ်တဲ့သူတိုင်း ပြည်တွင်းအခွန်
ဦးစီးဌာနမှာ အခွန်ဆောင်ရတယ်။ ဒီ ၂၈ မြို့နယ်မှာ အိမ်မြေ ၀ယ်ယူသူတွေလည်း နေ့စဉ်အများ
အပြားရှိပါတယ်။ ဒါပေမဲ့ လက်ရှိဈေးကွက်ထဲမှာ အရောင်းအ၀ယ်ဖြစ်နေတာနဲ့ ယှဉ်ရင် အခွန်
ဆောင်တဲ့သူက အရမ်းနည်း တယ် လို့ ပြောလို့ရပါတယ်" ဟု ပြည်တွင်းအခွန်များ ဦးစီးဌာန၊
ရာပြတ်ဌာနမှ ဦးစီးအရာရှိ ဦးလှဌေးဦးက ပြောသည်။

ပြည်တွင်းအခွန်ဦးစီးဌာန စာရင်းစစ်အဖွဲ့ ၏ နှစ်ပတ်လျှင် တစ်ကြိမ်ကျပြုလုပ်သည့် ရန်ကုန် မြို့
တွင်း ၂၈ မြို့နယ်အတွင်း ပြုလုပ်လျက်ရှိသည့် အိမ်နှင့် မြေရောင်းဝယ်မှုများမှ အခွန်ပေး ဆောင်
မှုသည် ပျမ်းမျှအားဖြင့် အခွန်ထမ်းသူဦးရေ ၁၀၀ မှ ၁၅၀ အတွင်းရှိပြီး အခွန်ပေးဆောင်မှုမြင့်တက်
လာသည့်အခါတွင် ၁၅၀ မှ ၂၀၀ အတွင်းသာရှိကြောင်း ၎င်းကပြောသည်။ သို့သော် ပြီးခဲ့သည့်
ဧပြီလဆန်းပိုင်းတွင်စတင်ခဲ့သည့် အခွန်နှုန်းထားသစ်အရ အိမ်မြေ အခွန်ဆောင်သူဦးရေ ပိုမိုတိုး
တက်လာနိုင် သည်ဟု ခန့်မှန်းထားသော်လည်း ဧပြီ ၁ ရက်နေ့ မှ ၃၀ ရက်အထိ တစ်လအတွင်း
အခွန်နှုန်း ထားအသစ်ဖြင့် အခွန်ထမ်းဆောင်သူဦးရေမှာ ၂၀၀ ခန့်သာ ရှိခြင်းကြောင့် သိသာစွာ
တိုးတက်လာ ခြင်းမရှိကြောင်း ပြည်တွင်းအခွန်များဦးစီးဌာနမှ တာဝန်ရှိသူများကပြောသည်။

ထိုသို့ပြောင်းလဲလိုက်သည့် အခွန်နှုန်းအသစ်မှာ ကျပ်သိန်း ၅၀၀ အောက် တန်ဖိုး ရှိသော
အိမ်မြေရောင်းဝယ်လျှင် အခွန်သုံး ရာခိုင်နှုန်း၊ ၅၀၀ မှ ၁,၅၀၀ ထိတန်ဖိုးရှိသော အိမ်မြေအတွက်
အခွန် ၁၀ ရာခိုင်နှုန်း၊ ၁,၅၀၀ မှ ၃,၀၀၀ အထိ တန်ဖိုးရှိသော အိမ်မြေအတွက် အခွန် ၂၀ ရာခိုင်
နှုန်းနှင့် ၃,၀၀၀ နှင့် အထက် ရှိသော အိမ်မြေအတွက် အခွန် ၃၀ ရာခိုင်နှုန်း သတ်မှတ်ထားပြီး
အဆင့်ဆင့်တွက်ချက်မှုများဖြင့် ကောက်ခံသွားမည်ဖြစ်သည်။ အခွန်နှုန်းထားသစ် မပြောင်းလဲမီက
အရောင်း အ၀ယ်ပြုလုပ်သည့် ပမာဏ၏ ၃၇ ရာခိုင်နှုန်း ပေးဆောင်ရပြီး နောက်ပိုင်းတွင် ပြည်
တွင်းအခွန် ဦးစီးဌာနက ရန်ကုန်မြို့၏ တစ်ပေပတ်လည်မြေစံနှုန်းများသတ်မှတ်ပေးကာ အရောင်း
အ၀ယ်ပြုလုပ်မှုများအတွက် အဆိုပါနှုန်းထားအတိုင်း ၂၀၁၃ ခုနှစ်၊ အောက်တိုဘာလ ၁ ရက်နေ့မှ
စတင်ကောက်ခံခဲ့သည်။

သို့သော် ယင်းကဲ့သို့ သတ်မှတ်ခဲ့ပြီးချိန်မှ စ၍ ၂၀၁၄ ခုနှစ်၊ မတ်လပိုင်းအထိ ရန်ကုန် မြို့ရှိ ၂၈
မြို့နယ်မှ အခွန်ပေးဆောင်ခဲ့သူဦးရေ သည် ၁,၂၀၀ ခန့် ရှိကြောင်း ပြည်တွင်းအခွန်များဦးစီးဌာန
က တာဝန်ရှိသူများကပြောသည်။

"အခွန်ဆောင်တဲ့နှုန်းကတော့ ပုံမှန်ပဲရှိနေ ပါတယ်။ ရန်ကုန်တစ်မြို့လုံးအတိုင်းအတာနဲ့ ယှဉ်
လိုက်ရင်တော့ အခွန်ဆောင်တဲ့နှုန်း နည်းနေသေးပေမယ့် အိမ်ဝယ်၊ မြေ၀ယ်ပြီး ကိုယ့် အမည်
ပေါက်နဲ့ အမှန်တကယ်နေမယ့်သူတွေကတော့ မဖြစ်မနေအခွန်ဆောင်ကြပါတယ်။ အရောင်း
အ၀ယ်လုပ်ကိုင်တဲ့သူတွေသာ အခွန်မဆောင်ဘဲ နေကြတာပါ။ အခွန်နှုန်းထားတွေကိုတော့
တတ်နိုင်သလောက် နည်းနိုင်အောင်လုပ်ပေးနေတဲ့အတွက် ဒီအခွန်နှုန်းအသစ်မှာ ဆောင်တဲ့သူ
ပိုများလာမယ်လို့တော့ မျှော်လင့်ထားပါတယ်" ဟု ဘဏ္ဍာရေးနှင့် အခွန်ဝန်ကြီး ဌာန ပြည်တွင်း
အခွန်များဦးစီးဌာန ညွှန်ကြား ရေးမှူး ဦးကျော်ကျော်က ပြောသည်။

ထို့ပြင် ယခုကဲ့သို့ အိမ်ခြံမြေအခွန်နှုန်း ပြောင်းလဲလိုက်မှုကြောင့် ရန်ကုန်မြို့တွင်းရှိ အိမ်ခြံမြေဈေး
ကွက်တွင်လည်း ကျပ်သိန်း ၁,၀၀၀ အောက်ရှိ အိမ်နှင့် မြေများ အရောင်းအ၀ယ်ကောင်းမွန်
လာနိုင်ကြောင်း အိမ်ခြံမြေလုပ်ငန်းကျွမ်းကျင်သူများကပြောသည်။

"ပြီးခဲ့တဲ့လပိုင်းတွေမှာ ရန်ကုန်မြို့က အိမ် ဈေး၊ မြေဈေးတွေ အရမ်းမြင့်မားတာရော အခွန် နှုန်း
ကြောင့်ရော အရောင်းအ၀ယ်တွေ အေးနေခဲ့တယ်။ အခု အခွန်ပြောင်းပြီးတဲ့နောက်မှာ သိန်း
ထောင်ဂဏန်းအောက် တန်ဖိုးရှိတဲ့ အိမ်တွေ၊ မြေတွေ အရောင်းအ၀ယ် ပြန်ကောင်းလာနိုင်
ပါတယ်။ သိန်းတစ်ထောင်အောက်ဆို အခွန် နှုန်းကလည်း တော်တော်သက်သာသွားတော့
ဝယ်ရောင်းလုပ်တဲ့သူတိုင်း အခွန်ဆောင်နိုင်ဖို့ များပါတယ်။ အရင်တုန်းက အခွန်ဆောင်တဲ့
သူနည်းတော့ ပိုင်ဆိုင်မှုတွေလည်း အားနည်း ကြတယ်။ အခွန်က လူတိုင်းဆောင်နိုင်တဲ့ အနေ
အထားဆို လူတိုင်းလည်း ပိုင်ဆိုင်မှုတွေအားကောင်းလာမှာဖြစ်တဲ့အတွက် ဒီအခွန်နှုန်း က
အဆင်ပြေလိမ့်မယ်လို့ မျှော်လင့်ပါတယ်" ဟု စိုင်းခွန်နောင် အိမ်ခြံမြေအကျိုးဆောင် လုပ်ငန်းမှ
အထွေထွေမန်နေဂျာ ဦးရန်အောင် က ပြောသည်။

ထို့ပြင် အခွန်ရှောင်သည့် အိမ်ခြံမြေအရောင်း အ၀ယ်လုပ်ကိုင်သူများမှာလည်း ရန်ကုန်မြို့၏
အချက်အချာကျသောနေရာများတွင် အိမ်ခြံမြေ ဈေးနှုန်းများ အဆမတန်ကြီးမြင့်မှုကြောင့်
ဈေးနှုန်းနည်းသော မြို့ပြင်မြို့နယ်များဘက်တွင် အရောင်းအ၀ယ် ပြောင်းလဲလုပ်ကိုင်လာကြ
ကြောင်း အိမ်ခြံမြေလုပ်ငန်းကျွမ်းကျင်သူတစ်ဦးက ပြောသည်။

"၀ယ်ရောင်းလုပ်တဲ့သူတွေကတော့ အခွန်အမြဲရှောင်ကြတယ်။ ဒါပေမဲ့ အခုနောက်ပိုင်း
ဝယ်ရောင်းသမားတွေကလည်း နည်းလာကြ တယ်။ မြို့ထဲဘက်က အကွက်ကြီးတွေက
ဈေးတွေအရမ်းမြင့်တော့ သိပ်မလုပ်နိုင်ကြတော့ဘဲ မြို့ပြင်ဘက်တွေဖြစ်တဲ့ မြောက်ဒဂုံ၊
တောင်ဒဂုံနဲ့ ပဲခူးဘက်တွေလောက်က အကွက် သေးတွေလောက်ပဲ ၀ယ်ရောင်းတွေလုပ်တော့
တယ်" ဟု ၎င်းကပြောသည်။

မြတ်ငြိမ်းအေး
အိမ် ခြံ မြေ ရောင်း ၀ယ် ငှားလိုရင် ဒီ page ကို Like လုပ်ထားမှ အဆင်ပြေမယ်နော်
https://www.facebook.com/phoenixestate

မီးရထားမြေတွင် အဆင့်မြင့်အဆောက်အအုံမျာ ဆောက်လုပ်မည်



မဟာရန်ကုန်မြို့ပြဖွံ့ဖြိုးမှု မဟာဗျူဟာစီမံကိန်းတွင်ပါဝင်ပြီး အဆင့်မြှင့်တင်သွားရန်ရှိသည့် မြန်မာ့မီးရထားပိုင်မြေနေရာကို တွေ့ရစဉ်။ ဓာတ်ပုံ - အောင်ဌေးလှိုင်

မဟာရန်ကုန်မြို့ပြဖွံ့ဖြိုးမှုမဟာဗျူဟာစီမံကိန်း တွင် တစ်ခုအပါအ၀င်ဖြစ်သည့် မြန်မာ့မီးရထား
ပိုင်မြေပေါ်၌ ရန်ကုန်ဘူတာကြီးအပါအ၀င် အဆင့်မြှင့်တင်ခြင်းလုပ်ငန်များ ပြုလုပ်ရန် ပြည်တွင်း
ပြည်ပ ဆောက်လုပ်ရေးလုပ်ငန်းရှင် များထံ စီမံကိန်းဆိုင်ရာ စိတ်ပါဝင်စားမှု ရှိ Expression of
Interest (EOI) ခေါ်ယူခဲ့ပြီး စိတ်ပါဝင်စားသူများမှာ မေလ ၂၆ ရက်နေ့ နောက်ဆုံးထားကာ
မြန်မာ့မီးရထားရုံးသို့ လာရောက် လျှောက်ထားရမည်ဖြစ်ကြောင်း မြန်မာ့မီးရထား (အောက်မြန်မာ
ပြည်) မှ အထွေထွေမန်နေဂျာဖြစ်သူ ဦးထွန်းအောင်သင်းက ပြောသည်။

အဆိုပါအဆင့်မြှင့်တင်မှုစီမံချက်အရ မြန်မာ့ မီးရထားသည် ပြည်တွင်းပြည်ပဆောက်လုပ်ရေး
လုပ်ငန်းရှင်များ၏ အဆောက်အအုံပိုင်းဆိုင်ရာ လုပ်ငန်းအစီအစဉ်များနှင့် အဆောက်အအုံဒီဇိုင်း
ပိုင်းဆိုင်ရာတင်ပြမှုများကို စိစစ်ရွေးချယ်သွားမည် ဖြစ်သည်။

"လောလောဆယ်မှာ ဒီစီမံကိန်းကြီးအတွက် လုပ်ငန်းရှင်တွေဆီက (EQI) ခေါ်ထားပြီး သူတို့ တွေ
တင်ပြလာတဲ့ ဆောက်လုပ်ရေးလုပ်ငန်း တွေနဲ့ ဒီဇိုင်းပိုင်းတွေကို ကြည့်ပြီး ရွေးချယ် သွားမှာပါ။
အကောင်းဆုံးရွေးချယ်ထားတဲ့အထဲက တင်ဒါပြန်ခေါ်သွားမှာပါ။ တင်ဒါခေါ်တဲ့အချိန်ကျရင်တော့
စီမံကိန်းနဲ့ပတ်သက် ပြီး အချက် အလက်တွေ အတိအကျထွက်လာမှာပါ" ဟု ၎င်းက
မြန်မာတိုင်း(မ်)ကိုပြောသည်။

ယင်းစီမံကိန်းအရ မြန်မာ့မီးရထားပိုင် မြေဖြစ်သည့် စုစုပေါင်း နေရာအကျယ်အ၀န်း ၆၂ ဧကရှိ
သောနေရာ၌ ရန်ကုန်ဘူတာကြီး အား မူလပုံစံအတိုင်း ပြန်လည် ပြင်ဆင်မွမ်းမံ သွားမည်ဖြစ်
သည်။ ၎င်းပြင် ကျန်ရှိသည့်မြေနေရာများတွင် အကြမ်းဖျင်းအားဖြင့် အထပ်မြင့်အဆောက်
အအုံများ၊ အဆင့်မြင့်ဟိုတယ်များ အသေးစား နှင့် အလတ်စားဈေးဆိုင်များ အချက်အချာကျ
သည့်နေရာဖြစ်သောကြောင့် အဆင့်မြင့်ဈေး ၀ယ်စင်တာများနှင့် ပြည်တွင်း ပြည်ပရင်းနှီး မြှုပ်နှံ
သူများအတွက် စီးပွားရေးလုပ်ငန်းများ လုပ်ကိုင်နိုင်ရန်အတွက် စီးပွားရေးစင်တာများ ဆောက်
လုပ်သွားမည် ဖြစ်သည်။

"ဒီစီမံကိန်းကြီးကို စီစဉ်ခဲ့တာတော့ ကြာ ပါပြီ။ အခုမှပဲ စတင်အကောင်အထည်ဖော်နိုင် ခဲ့တာပါ။
ရန်ကုန်ဘူတာကြီး အဆင့်မြှင့်တင်မယ့်စီမံကိန်းအတွက် အမေရိကန်ဒေါ်လာ နှစ်ဘီလျံကျော်
အကုန်ကျခံသုံးစွဲသွားမှာပါ။ ဒါပေမဲ့ ကျွန်တော်တို့ မြန်မာ့မီးရထား တစ်ခု တည်းနဲ့ အကောင်
အထည်ဖော်ဖို့ မတတ်နိုင် တဲ့အတွက် ပြည်တွင်းပြည်ပလုပ်ငန်းရှင်တွေ ကိုပါဝင်ဖို့ ဖိတ်ခေါ်ခဲ့
တာပါ" ဟု ဦးထွန်း အောင်သင်းက ပြောသည်။

မြန်မာ့မီးရထားမြေနေရာပေါ်၌ အဆင့်မြှင့် တင်မှုလုပ်ငန်းများနှင့်ပတ်သတ်၍ လုပ်ငန်းရှင် များနှင့်
ဖိတ်ခေါ်တွေ့ဆုံဆွေးနွေးပွဲအား ဧပြီ လကုန်ပိုင်းတွင် ပြုလုပ်ခဲ့ပြီး အဆိုပါပွဲသို့ စိတ်ပါဝင်စားသည့်
လုပ်ငန်းရှင်ပေါင်း ၁၀၀ ခန့် တက်ရောက်ခဲ့ကြောင်း ၎င်းကပြောသည်။

အဆိုပါမြေနေရာ၌ အထပ်မြင့် အဆောက်အအုံ တည်ဆောက်မှုများကို မြန်မာ့မီးရထားလုပ်ငန်း
က လုပ်ငန်းရှင်များတင်ပြလာသည့် လုပ်ငန်းပိုင်းဆိုင်ရာ အဆောက် အအုံဒီဇိုင်းပိုင်း ဆိုင်ရာများ
ပေါ်မူတည်ကာ မြို့တော်စည်ပင်သာယာရေးကော်မတီမှ တာဝန်ရှိသူများနှင့် ပညာရှင်များ ညှိနှိုင်း
တိုင်ပင်သွားမည်ဖြစ် ကြောင်း မြန်မာ့မီးရထားမှတာဝန်ရှိသူ ဦးစိန် လှမြင့်ကပြောသည်။

ထို့ပြင် ရန်ကုန်ဘူတာကြီးမြေနေရာသည် ရွှေတိဂုံဘုရားကန့်သတ်နယ်မြေနှင့် မြို့လယ်ကောင်
အထပ်မြင့်အဆောက်အအုံကန့်သတ်နယ်မြေများထဲတွင် မပါဝင်သည့်အတွက် အထပ်မြင့်
အဆောက်အအုံများတည်ဆောက် ပါက တည်ဆောက်နိုင်မည်ဖြစ်သော်လည်း အဆိုပါစီမံကိန်း
သည် အများပြည်သူဦးစားပေးပြုလုပ်ပါက ပိုမို ကောင်းမွန်နိုင်ကြောင်း ရန်ကုန် မြို့ပြအမွေအနှစ်
ထိန်းသိမ်းစောင့်ရှောက်ရေးအဖွဲ့မှ ဒါရိုက်တာ ဒေါ်မိုးမိုးလွင်က ပြောသည်။

"ဒီစီမံကိန်းက မြေနေရာကျယ်တဲ့မီးရထားမြေပေါ်မှာ ပြုလုပ်ရမှာဆိုတော့ အခွင့်အရေးကောင်းတဲ့
စီမံကိန်းတစ်ခုပါ။ ဒီအခွင့်အရေးပေါ်မှာ လုပ်ငန်းရှင်တွေကလည်း အကျိုးအမြတ် သက်သက်ကိုပဲ
ကြည့်မနေဘဲ အများပြည်သူ တွေအတွက် အမှန်တကယ်လိုအပ်မယ့်အရာ တွေကို ဦးစားပေးပြီး
တည်ဆောက်အကောင် အထည်ဖော်သွားနိုင်ရင်တော့ စီမံကိန်းလည်း ပိုပြီးအောင်မြင်နိုင်မယ်လို့
ထင်ပါတယ်" ဟု ၎င်းကပြောသည်။

မြတ်ငြိမ်းအေး
အိမ် ခြံ မြေ ရောင်း ၀ယ် ငှားလိုရင် ဒီ page ကို Like လုပ်ထားမှ အဆင်ပြေမယ်နော်
https://www.facebook.com/phoenixestate

လမ်းသစ်ရိပ်သာစီမံကိန်း မိုးမကျမီ အကောင်အထည်ဖော်စေလို


ပြန်လည်ဆောက်လုပ်ရန်၊ညှိနှိုင်းဆဲဖြစ်သည့်၊လမ်းမတော်မြို့နယ်ရှိ၊လမ်းသစ်ရိပ်သာအိမ်ရာ၊တိုက်တစ်ခု၏၊အတွင်းပိုင်း၌၊ယိုယွင်းပျက်စီးနေသောလှေကားကို တွေ့ရစဉ်။ ဓာတ်ပုံ - ကောင်းထက်

လမ်းမတော်မြို့နယ်ရှိ လမ်းသစ်ရိပ်သာ ပြည်သူ့ အိမ်ရာကို မြို့ရွာနှင့် အိုးအိမ်ဖွံ့ဖြိုးမှုဦးစီးဌာန က
ပြန်လည်ပြင်ဆင်ဆောက်လုပ်ရန် စီစဉ်လျက်ရှိရာ မိုးမကျမီ အကောင်အထည်ဖော်စေလိုကြောင်း
နေထိုင်သူများက ယခုလ ၆ ရက်နေ့တွင် ပြောသည်။

"လမ်းသစ်ရိပ်သာအိမ်ရာကို အဆင့်မြင့် အိမ်ရာအဖြစ် ပြုပြင်ဆောက်လုပ်ဖို့ အိုးအိမ်နဲ့ ဆွေးနွေးထား
ပေမယ့် အကြောင်းကြောင်းကြောင့် နှောင့်နှေးနေတုန်းပဲ။ ဖြစ်နိုင်ရင်တော့ စီမံကိန်းကို အမြန်ဆုံး
စစေချင်ပါတယ်" ဟု အဆိုပါရိပ်သာတွင်နေထိုင်သူ ဒေါ်ခင်လှမြင့် က မြန်မာတိုင်း(မ်)ကို
ပြောသည်။

လမ်းသစ်ရိပ်သာအိမ်ရာတွင် နေထိုင်သူအများစုမှာ အငြိမ်းစား အစိုးရ၀န်ထမ်းများ ဖြစ်ပြီး မိသားစုအစဉ်အဆက် နှစ်ပေါင်းများစွာနေထိုင်လျက်ရှိသူများဖြစ်ကြောင်း ထိုအိမ်ရာတွင်နေထိုင်
သူများကပြောသည်။

အိမ်ရာတွင် လေးထပ်တိုက် ၁၁ လုံးပါဝင်ပြီး အဆိုပါတိုက်အိမ်များအားလုံးမှာ သက်တမ်း ၅၇
နှစ်ရှိပြီ ဖြစ်သည်။

"စည်ပင်ဥပဒေအရ နောက်သုံးနှစ်ဆိုရင် ဒီတိုက်တွေဟာ အန္တရာယ်ရှိအဆောက်အအုံ အဖြစ်
သတ်မှတ်ခံရတော့မှာပါ။ တိုက်တွေက လည်း အရမ်းကို ယိုယွင်း ပျက်စီးနေပြီ။ဒီတော့ ကျွန်တော်
တို့က အန္တရာယ်ကင်းကင်း စိတ်ချလက်ချနေလို့ရနိုင်မယ့် အိမ်ရာအသစ်ကို အမြန် ဆုံး
တည်ဆောက်စေချင်တယ်" ဟု နေထိုင်သူ တစ်ဦးဖြစ်သည့် ဦးစိန်ဝင်းကပြောသည်။

နေထိုင်သူများက အိမ်ခန်းမျက်နှာကြက် အင်္ဂတေပြားများကွာကျခြင်း၊ မိုးရွာပါက မျက်နှာကြက်
ကရေယိုခြင်း၊ တိုက်ခန်းလှေကား များဆွေးမြေ့နေခြင်း၊ မိလ္လာပိုက်များ ပေါက်ပြဲနေမှုကြောင့်
အနံ့ဆိုးများရရှိနေခြင်း၊ ရေမြောင်း များ ပိတ်ဆို့နေခြင်းတို့ကြောင့် နေရေးထိုင်ရေးခက်ခဲနေကြောင်း
ပြောသည်။

"မိုးတွင်းဆိုရင် မျက်နှာကြက်ကရေယိုပြီး နံရံတွေကလည်း ရေတွေစီးကျလာနေပြီ။ ရေဒဏ်ကြောင့်
နံရံကအင်္ဂတေတွေ အုတ်တွေလည်း ဆွေးမြေ့နေပြီ။ ဒီမိုးတွင်းမရောက် ခင် အမြန်စစေချင်တယ်"
ဟု ကျောင်းဆရာမ ဒေါ်လင်းလင်းကပြောသည်။

အဆိုပါအိမ်ရာမှာ အစိုးရပိုင်အိမ်ရာဖြစ်သည့်အတွက် မြို့ရွာနှင့် အိုးအိမ်ဖွံ့ဖြိုးရေးဦးစီး ဌာနက
ပြန်လည်တည်ဆောက်ပေးမည်ဟုဆိုကာ ၂၀၁၃ ခုနှစ်၊ ဒီဇင်ဘာလက နေထိုင်သူများနှင့် ငါးကြိမ်ခန့်တွေ့ဆုံဆွေးနွေးမှုများ ပြုလုပ်ခဲ့ပြီး တောင်းဆိုချက်အချို့တွင် အဆင် မပြေမှုများရှိ
သည့်အတွက် ၂၀၁၄ ခုနှစ်၊ ဖေဖော်ဝါရီလ နောက်ပိုင်းတွင် အိုးအိမ်ဌာန ဘက်က လာရောက်
ညှိနှိုင်းခြင်းမရှိတော့ ကြောင်းနေထိုင်သူများက ပြောသည်။

အိမ်ရာတွင် တိုက်ခန်းစုစုပေါင်း ၂၆၄ ခန်းရှိပြီး ငါးခန်းက အိမ်ရာသစ်ပြန်လည် တည်ဆောက်
မည့်အပေါ် ကန့်ကွက်ချက်များလည်းရှိသည်။ "အိုးအိမ်က တစ်အိမ်ထောင်ကို ပြောင်းရွှေ့ စရိတ်
စုစုပေါင်း ကျပ်ခြောက်သိန်းပေးမယ်လို့ ပြောတယ်။ တည်ဆောက်ဆဲ ကာလမှာ ပြောင်းရွှေ့
နေထိုင်ဖို့ တစ်လကို ကျပ်သုံးသိန်း နှုန်းပေးမယ်လို့ ပြောတယ်။ နောက်ပြီး မူလ အခန်း၊ မူလ
အထပ်ပဲပြန်ရမယ်။ ကားပါကင် တစ်စီးစာ ရမယ်။ ကျွန်တော်တို့က ဒါတွေသဘောတူတယ်။
ဒါပေမဲ့ တချို့က စတုရန်းပေ ၂,၀၀၀ ကျယ်တဲ့ အခန်းပေးရမယ်။ အခန်း အတွက် ပိုင်ဆိုင်မှု
အထောက်အထားပေးရမယ်ဆိုပြီး တောင်းဆိုတယ်။ အိုးအိမ်ဘက်ကလည်း ဒါအစိုးရပိုင်နေရာမို့
အိမ်ပိုင်ကတော့ မပေးနိုင် ဘူး။ အဲဒီမှာ ကြန့်ကြာနေတယ် ပြောရမှာပေါ့" ဟု ဦးစိန်ဝင်းက
ပြောသည်။

အဆိုပါအိမ်ရာကို မြို့ရွာနှင့် အိုးအိမ်ဖွံ့ဖြိုးရေး ဦးစီးဌာနက အထပ် ၁၂ ထပ်မြင့် အဆင့်မြင့်
အိမ်ရာအဖြစ် တိုးချဲ့အကောင်အထည်ဖော် မည်ဖြစ်သည်။ နေထိုင်သူများက မူလအခန်း၏
အကျယ်ဝန်းထက် ၅၀ စတုရန်းပေ ပိုမိုကျယ်ဝန်း သောအခန်းများရရှိမည်ဖြစ်ပြီး ဆောက်လုပ်
အပြီး အခြေချနေထိုင်ရာတွင် ငွေကြေးထပ်မံ ပေးစရာမလိုဟု သဘောတူထားကြောင်း နေထိုင်
သူများကပြောသည်။

"လမ်းသစ်ရိပ်သာ အိမ်ရာစီမံကိန်းကို အဆင့်မြင့်အိမ်ရာအဖြစ်တိုးချဲ့ဖို့ နေထိုင်သူတွေနဲ့ တွေ့ဆုံ
ဆွေးနွေးမှုတွေ လုပ်ခဲ့တယ်။ ဒီအဆောက်အအုံက သက်တမ်းကြာနေတာ ဆိုတော့ အသစ်ပြန်ပြင်
ဆောက်ဖို့ သူတို့ကိုနားလည်အောင် ရှင်းပြတယ်။ ဒီမိုကရေစီစနစ် ဆိုတော့ အများစုရဲ့ဆန္ဒကို
ဦးစားပေးမှာဖြစ်ပါတယ်။ သူတို့က ဒီအိမ်ရာကို ပြန်ပြင်ဆောက်ဖို့တင်ပြလာရင် ဆောက်ပေးမယ်။
အများစုက ပြန်ပြင်ဆောက်ဖို့သဘောမတူရင် မဆောက် ချင်ရင် ဆောက်မပေးဘူး"ဟု မြို့ရွာနှင့်
အိုးအိမ် ဖွံ့ဖြိုးရေးဦးစီးဌာန ညွှန်ကြားရေးမှူး ဦးယုခိုင်က ပြောသည်။

လမ်းသစ်ရိပ်သာ အိမ်ရာစီမံကိန်းကို ၅၁ လမ်း အိမ်ရာစီမံကိန်းကဲ့သို အဆင့်မြင့်အိမ်ရာ ဆောက်
လိုပြီး အဆင့်မြင့်အိမ်ရာအဖြစ် တိုးချဲ့ တည်ဆောက်ပါက နေထိုင်သူများအခန်း ပြန်ရရှိရေး၊
ရွှေ့ပြောင်းစရိတ်နှင့် အိမ်ငှားခများကို ညှိနှိုင်းဆောင်ရွက်ပေးမည်ဖြစ်ကြောင်း ၎င်းက ပြောသည်။

"အဆင့်မြင့်အိမ်ရာ တိုးချဲ့တည်ဆောက်ပြီး ရင် လက်ရှိနေထိုင်တဲ့အခန်းအကျယ်ထက် တစ်ခန်း
ကို ၅၀ စတုရန်းပေ တိုးချဲ့ပေးမယ်။ ကားတစ်စီးစာ ကားပါကင် တစ်ခန်းပေးမယ်။ အိမ်တည်
ဆောက်ဆဲကာလ ၁၈ လအတွက် အိမ်ငှားနေစရိတ် တစ်လကို သုံးသိန်းနဲ့ ၅၄ သိန်း ပေးမယ်။
အိမ်ပြောင်းရွေ့စရိတ်ကလည်း ခြောက်သိန်းပေးမယ်။ အထပ်မြင့်ဆောက်ရင် အောက်ဆုံးထပ်က
ကားပါကင်ဖြစ်သွားပြီဆို တော့ တိုက်ခန်းအထပ်က လက်ရှိထက် တစ်ထပ်စီ အပေါ်ရောက်
သွားမယ်" ဟု ဦးယုခိုင်က ပြောသည်။

နိုနိုအောင်နှင့် တင်ရတနာထွန်း
အိမ် ခြံ မြေ ရောင်း ၀ယ် ငှားလိုရင် ဒီ page ကို Like လုပ်ထားမှ အဆင်ပြေမယ်နော်
https://www.facebook.com/phoenixestate

စလစ်မြေ၀ယ်မည်ဆိုပါက အမည်ပေါက်ဖြစ်ကြောင်း စိစစ်ရန်လို

ရန်ကုန်မြို့စွန် မြို့နယ်များတွင် ဂရန်မရှိသေး သော ပါမစ်မြေများ၊ စလစ်မြေများကို ၀ယ်ယူ မည်
ဆိုပါက စလစ်ဟောင်းများ၊ မိတ္တူကူးထား သော စလစ်များနှင့် စလစ် အမည်ပေါက်သူ မဟုတ်ဘဲ
တစ်ဆင့်ခံရောင်းချခြင်းများ ရှိနေသောကြောင့် နစ်နာမှုမရှိစေရန် ပိုင်ဆိုင်မှုအထောက်အထား၊
စာရွက်စာတန်းများကို သေချာစိစစ်ဝယ်ယူသင့်ကြောင်း အိမ်ခြံမြေအကျိုးဆောင်များက
ပြောသည်။

"မြို့စွန်မှာ စလစ်မြေ၀ယ်မယ်ဆိုရင် မြေ ရောင်းမယ့်သူနဲ့ သက်ဆိုင်ရာမြေစာရင်းရုံးမှာရှိတဲ့ ပါမစ်
စာရွက်ထဲမှာပါတဲ့ နာမည်ပေါက် ဓာတ်ပုံနဲ့ ကိုက်ညီမှု ရှိ၊ မရှိ သေချာစိစစ်သင့် တယ်။ ပါမစ်
စာရွက်ထဲမှာ ပါတဲ့သူနဲ့ ရောင်းတဲ့ သူ မတူရင် ဒီလိုမြေကွက်မျိုးကို မ၀ယ်သင့်ဘူး"ဟု ရွှေကံမြေ
အိမ်ခြံမြေ၀န်ဆောင်မှုလုပ်ငန်းမှ ဦးခင်မောင်အေးက ပြောသည်။ စိုင်းခွန်နောင် အိမ်ခြံမြေအကျိုး
ဆောင် လုပ်ငန်းမှ အထွေထွေမန်နေဂျာ ဦးရန်အောင်က "စလစ်မြေတွေကို ၀ယ်မယ်ဆိုရင် မြို့ရွာ
နဲ့အိုးအိမ်ဖွံ့ဖြိုးရေးဦးစီးဌာနမှာ သေချာအောင် အရင်စုံစမ်းသင့်တယ်။ စလစ်တစ်ခုတည်းကို
ကော်ပီပွားပြီးရောင်းနေတဲ့ စလစ်အတုတွေရှိ သလို ပါမစ်လျှောက်ပြီးသားတွေကို ပြန်ရောင်း
စားတဲ့ စလစ်တွေလည်း ရှိတယ်။ ပြန်သိမ်းတဲ့ မြေနဲ့မတိုးအောင်လည်း ဂရုစိုက်ရမယ်"ဟု
ပြောသည်။

ဒဂုံမြို့သစ် (အရှေ့ပိုင်း) မြို့နယ်နှင့် မြို့စွန် နေရာများတွင် ယခင်ကကျူးကျော်နေခဲ့သူများ ကို
စလစ်များထုတ်ပေးလျက်ရှိပြီး ထိုစလစ်မြေ များကိုဝယ်ယူရန် စိတ်ဝင်စားသူများသော ကြောင့်
စလစ်မြေဈေးကွက် ကောင်းမွန်လျက် ရှိကြောင်း အိမ်ခြံမြေလုပ်ငန်းရှင်များက ပြောသည်။

"ရန်ကုန်မှာ တိုက်ခန်းတွေထက် မြေကွက် ဈေးကွက်က ပိုအမြတ်ရနိုင်ခြေများလို့ မြေကွက်
ဆိုရင် ၀ယ်ချင်တဲ့သူများတယ်။ နေရာစည်ကားလာပြီဆိုရင် မြေဈေးတွေက ခန့်မှန်းထားလို့
မရနိုင်အောင်ကို ဈေးတက်သွားတာ။ ရန်ကုန် မှာ ၀ယ်စရာမြေကွက်တွေက ရှားပါးလာပြီး
မြေဈေးတွေက အရမ်းဈေးကြီးနေတော့ ဂရန် မြေကွက်ကို မ၀ယ်နိုင်သူတွေက ဂရန်မြေတွေလို
ဈေးမမြင့်သေးတဲ့ ပါမစ်မြေတွေ၊ စလစ်မြေတွေကိုဝယ်ဖို့ စိတ်ဝင်စားလာကြတယ်"ဟု ဒဂုံ မြို့သစ်
(အရှေ့ပိုင်း) မြို့နယ်မှ အိမ်ခြံမြေ အကျိုးဆောင် ဦးအောင်ထွန်းကပြောသည်။

မြို့စွန်တွင် ဈေးကစားရန်မြေကွက်ဝယ်ယူသူ များသည် ဂရန်ရှိသော မြေကွက်များထက် စလစ်
ရှိသောမြေကွက်များကိုဝယ်ယူရန် ပိုမိုစိတ်ဝင်စား ကြကြောင်း ဦးခင်မောင်အေးကပြောသည်။

"ဂရန်မြေနဲ့ စလစ်မြေက ဈေးအရမ်းကွာ တယ်။ မြေကွက်ဝယ်ထားမယ့်သူတွေက ဂရန် ရှိတဲ့
မြေကွက်ဝယ်ဖို့ထက် စလစ်ရှိတဲ့မြေကွက် ကိုဝယ်ပြီး ပါမစ်ရအောင်စောင့်တယ်။ ဆက် စောင့်နိုင်
သေးတဲ့သူက ဂရန်ထိရအောင်စောင့် ပြီး ဂရန်ရတာနဲ့ ပြန်ရောင်းကြတယ်"ဟု ၎င်းက ပြောသည်။

ဒဂုံမြို့သစ် (အရှေ့ပိုင်း) မြို့နယ်အစွန်းပိုင်းတွင် လွန်ခဲ့သော အနှစ် ၂၀ ခန့်က မြေကွက်များ တွင်
မိမိဆန္ဒအလျောက်ဝင်ရောက်နေထိုင်သူများကို စလစ်များထုတ်ပေးခဲ့ပြီး ပေ ၂၀ ပေ ၆၀ အကျယ်
ရှိသော ထိုမြေကွက်များကို ပြန်လည်ဝယ်ယူရန် စိတ်ဝင်စားသူများလျက်ရှိကြောင်း ဦးအောင်ထွန်း
ကပြောသည်။

"မြေတစ်ကွက်ကို သိန်း ၄၀ ကျော်လောက် ပေါက်ဈေးရှိတယ်" ဟု ၎င်းကပြောသည်။ စိုင်းခွန်
နောင် အိမ်ခြံမြေမှ အထွေထွေ မန်နေဂျာ ဦးရန်အောင်က "စလစ်မြေတွေက ပါမစ်မြေမဟုတ်
သေးလို့ ခိုင်မာမှုတော့ မရှိ သေးဘူး။ ဒါပေမဲ့ စလစ်မြေကို အိုးအိမ်ဌာနမှာ စုံစမ်းပြီး မှန်ကန်တယ်
ဆိုရင် ဒီမြေကွက်ဈေး တွေက သိန်း ၄၀ ဖြစ်ဖြစ် သိန်း ၆၀ ဖြစ်ဖြစ် ၀ယ်ကြမှာပဲ။ ဒီစလစ်မြေတွေ
အတွက် အိုးအိမ်ဌာနမှာ ငွေသွင်းပြီး ပါမစ်ပြန်ထုတ်ပေးရင် ခိုင်မာသွားပြီပေါ့"ဟု ပြောသည်။

ဒဂုံမြို့သစ်(တောင်ပိုင်း)မြို့နယ်၊ ဒဂုံဆိပ်ကမ်း မြို့နယ်နှင့် ဒဂုံမြို့သစ် (အရှေ့ပိုင်း) မြို့နယ်များ
တွင် ပါမစ်မြေအဖြစ်ချပေးသော မြေအနည်းစုသာရှိပြီး အများစုမှာ စလစ်မြေအဖြစ် စတင် ချပေး
ပြီး နောက်ပိုင်းတွင်ပါမစ်ထုတ်ပေးခြင်း ဖြစ်ကြောင်း ၎င်းကပြောသည်။

"ရန်ကုန်မြို့နယ်မှာ မြေနေရာလိုအပ်ချက်တွေများလို့ မြို့ကိုချဲ့တဲ့သဘောနဲ့ ဒဂုံမြို့သစ်လေးမြို့နယ်
မှာရှိတဲ့ မြေနေရာလွတ်တွေကို စလစ်မြေကတစ်ဆင့် ပါမစ်မြေ၊ ဂရန်မြေဆိုပြီး တရားဝင်မြေဖြစ်
အောင် အဆင့်ဆင့်ချပေးနေတာဖြစ်တယ်။ နောက်ပိုင်းမှာ စလစ်မြေတွေ ရှားသွားမှာပါ"ဟု
ဦးရန်အောင်ကပြောသည်။

စလစ်မြေနှင့် ပါမစ်မြေများမှာ ပိုင်ဆိုင်မှု အထောက်အထားခိုင်မာပြီး နောက်ပိုင်း စည်ကားလာပါက
မြေဈေးမှာ မခန့်မှန်းနိုင်အောင် အဆများစွာမြင့်တက်သွားနိုင်ကြောင်း အိမ်ခြံ မြေအကျိုးဆောင်များ
က ပြောသည်။

"အခုမှ နေရာချပေးတဲ့ စလစ်တွေတောင် စတုရန်းပေ ၁,၂၀၀ ကို သိန်း ၄၀ လောက်ဈေး ပေါက်
တယ်။ ဒါတောင် လမ်းမဘက်လား၊ အတွင်းဘက်လား မဲမနှိုက်ရ သေးဘူး။ ကျွန်တော့ စလစ်ကို
သိန်း ၄၀ လာပေးတာ ကျွန်တော်မရောင်းသေးဘူး။ မဲနှိုက်ပြီး လမ်းမဘက်ဆိုရင် ပိုတောင်ဈေး
ရဦးမှာ။ အချိန်နည်းနည်း ကြာလာလို့ ပိုစည်ကားလာရင် မြေဈေးတွေက ထပ်တက်ဦးမှာပဲ"ဟု
ဒဂုံမြို့သစ် (အရှေ့ပိုင်း) မြို့နယ် မြို့စွန်တွင်နေထိုင်သူ ဦးထွန်းခင်က ပြောသည်။ စလစ်မြေများ
ဝယ်ယူလျှင် သေချာမှုရှိစေရန် မြေကွက်အကြောင်းကို မြို့ရွာနှင့် အိုးအိမ်ဖွံ့ဖြိုး ရေးဦးစီးဌာနတွင်
စိစစ်နိုင်ပြီး သေချာပါက ယုံကြည်စိတ်ချစွာ ၀ယ်ယူနိုင်ကြောင်း ရွှေကံမြေအိမ်ခြံမြေအကျိုးဆောင်
မှ ဦးခင်မောင်အေးက ပြောသည်။

ဒဂုံမြို့သစ် (အရှေ့ပိုင်း) မြို့နယ်၏ လမ်းမတန်း ရှိမြေကွက်များမှာ ပြီးခဲ့သောနှစ်နှင့်နှိုင်းယှဉ် ပါက
၃၀ မှ ၄၀ ရာခိုင်နှုန်းခန့်အထိ ဈေးတက်သွား ပြီး ရပ်ကွက်တွင်း၌ ထူးထူးခြားခြား ဈေးတက် ခြင်း
မျိုးမဟုတ်ဘဲ ရန်ကုန်တစ်မြို့နယ်လုံးတွင် အိမ်ခြံမြေဈေးမြင့်တက်သည့်အတွက် အနည်း ငယ်မျှ
ဈေးမြင့်တက်သွားခြင်းဖြစ်သည်။

တင်ရတနာထွန်း
အိမ် ခြံ မြေ ရောင်း ၀ယ် ငှားလိုရင် ဒီ page ကို Like လုပ်ထားမှ အဆင်ပြေမယ်နော်
https://www.facebook.com/phoenixestate

စွန့်လွှတ်စာချုပ်နှင့် အပိုင်ပေးစာချုပ် ကွာဟချက်



မိမိ၏ ပိုင်ဆိုင်မှုကိုသူတစ်ပါးကိုစွန့်လွှတ်လိုက်သည်ဆိုတာလည်းပေးကမ်းခြင်းပါပဲ။ မိမိ၏ ပိုင်ဆိုင်မှုကိုသူတစ်ပါးကိုပေးလိုက်သည်ဆိုတာလည်းပေးကမ်းခြင်းပါပဲ။ ပေးကမ်းခြင်းအတူတူဘာကြောင့် စာချုပ်ချုပ်ဆိုတဲ့ နေရာမှာကွဲပြားသလဲဆိုတာကိုတော့ ရှင်းပြလိုပါတယ်။

စွန့်လွှတ်စာချုပ်
--------------
မြေတစ်ကွက်ကို A နှင့် B အမည်နှင့် ၀ယ်လိုက်သည် ဆိုပါစို့။
A က B ကို မေတ္တာသက်ဝင်လို့သော် လည်းကောင်း၊ အလျော်ပေးလို၍သော်လည်းကောင်းအကြောင်းအမျိုးမျိုးကြောင့် ပေးကမ်းလိုပါကအပိုင်ပေးစာချုပ် ချုပ်စရာမလိုအပ်ဘဲ A က ယင်းမြေကွက်၏ ပိုင်ဆိုင်မှုကိုစွန့်လွှတ်လိုက်ရုံနှင့် B ကိုပေးကမ်းပြီးသား ဖြစ်သွားပါသည်။
စွန့်လွှတ်စာချုပ် ချုပ်ဆိုရန်အတွက် ပိုင်ရှင်နှစ်ဦးစလုံးဖြစ်သောA နှင့် B က စွန့်လွှတ်လိုသောအိမ်၊ မြေနှင့် ပတ်သက်သည့် ပိုင်ဆိုင်မှုစာရွက်စာတမ်းအထောက်အထားများကိုယူ၍ ရန်ကုန်မြို့တော်စည်ပင်သာယာရေးနှင့် မြို့ပြမြေယာဌာနတွင် မြေပုံ၊ မြေရာဇ၀င်အား ရေးကူးလျှောက်ထားရမည်။ ဌာနမှ လိုအပ်သည်များကိုကွင်းဆင်းစစ်ဆေး၍ ကန့်ကွက်သူမရှိပါက မြေပုံနှင့်မြေရာဇ၀င် ထုတ်ပေးပါသည်။

ထိုအခါ မြေကွက်ပိုင်ရှင်များဖြစ်သောA နှင့် B က ရန်ကုန်မြို့တော်စာချုပ်စာတမ်းများမှတ်ပုံတင်ရုံးသို့ သွား၍ A နှင့် B ပူးတွဲပိုင်ဆိုင်သောမြေကွက်အား A မှ B ကိုစွန့်လွှတ်ကြောင်းစာချုပ်အား ချုပ်ဆို၍ မှတ်ပုံတင်ရပါမည်။ ကပ်နှိပ်ရမည့် တံဆိပ်ခေါင်းခွန်မှာ ၄၀၀၀ိ/- ကျပ် ဖြစ်ပါသည်။

မှတ်ချက်။ ။ ပူးတွဲပိုင်ဆိုင်သောA နှင့် B ကသာအပြန်အလှန်စွန့်လွှတ်ခွင့်ရှိပြီး A နှင့် B မှလွဲ၍ အခြားတစ် ယောက်အားစွန့်လွှတ်ခြင်းမရှိပါ။

ပေးကမ်းစာချုပ်
---------------
မြေကွက်တစ်ကွက်ကို “A” နှင့် “B” က ပူးတွဲပိုင်ဆိုင်ထားပြီး“A” က ၎င်း၏ပိုင်ဆိုင်သောအစုအားညီမဖြစ်သူ “C” အားပေးကမ်းလိုပါသည်။ ထိုအခါ စွန့်လွှတ်စာချုပ် မချုပ်ရဘဲမေတ္တာနှင့် အပိုင်ပေးစာချုပ်ကို ချုပ် ဆိုရပါသည်။ အပိုင်ပေးရာတွင် ဆွေမျိုးတော်စပ်သည့် အနေအထားရှိမှသာအပိုင်ပေးကမ်းလို့ရပါသည်။
စာချုပ်ချုပ်ဆိုပုံအဆင့်ဆင့်မှာစွန့်လွှတ်စာချုပ်နှင့်ပုံစံတူဖြစ်ပြီးထမ်းဆောင်ရသည့် တံဆိပ်ခေါင်းဖိုးသာကွာခြားပါသည်။ မိဘကသားသမီးအားပေးကမ်းပါက ၄% နှင့် ညီအစ်ကို၊ မောင်နှမ၊ တူဝရီးတို့ အချင်းချင်းပေးကမ်းပါကတံဆိပ်ခေါင်းခွန် ၇% ထမ်းဆောင်ရပါမည်။

မဖြူဖြူလွင်

(မြန်မာ့အိမ်ခြံမြေသတင်းဌာန Myanmar Property News  MPN )
အိမ် ခြံ မြေ ရောင်း ၀ယ် ငှားလိုရင် ဒီ page ကို Like လုပ်ထားမှ အဆင်ပြေမယ်နော်
https://www.facebook.com/phoenixestate